செக்மேட் - சைபர் கிரைம் - பகுதி - 10

சக்தி, "ஏன் புடவை கட்டி காண்பிக்கணும்ன்னு இருந்தே?" வந்தனா, "நான் எப்பவும் மாடர்ன் ட்ரெஸ் அப்பறம் சுடிதார்தான் போடுவேன்னு நீ நினைச்சுக்க வேண்டாம்ன்னு" சக்தி, "மாடர்ன் ட்ரெஸ், சுடிதார் எல்லாம் பிடிக்கலைன்னு சொன்னேனா?" வந்தனா, "எப்படியும் நீ உங்க அம்மாகிட்ட பேசும் போது நான் என்ன மாதிரி ட்ரெஸ் பண்ணுவேன்னு பேச்சு வரும் ..." சக்தி, "ஸோ மேடம் இப்பவே மாமியார்கிட்ட நல்ல பேர் வாங்கலாம்ன்னு பார்க்கறாங்களா?" வந்தனா, "ஆமா ... " என்றவள் சற்று யோசித்து "ஷக்தி, உங்க அம்மா ஒத்துப்பாங்கதானே?" சக்தி, "அப்படித்தான் நினைக்கறேன். நான் சொல்றதை விட உன்னை ஒரு தடவை நேரில் பாத்தாங்கன்னா நிச்சயம் ஒத்துப்பாங்க" வந்தனா, "ஷக்தி, எனக்கும் உங்க அம்மாவை பார்க்கணும் போல இருக்கு. முதல்ல அவங்க என்னை பாத்து ஓ.கே சொல்லணும்" சக்தி, "ஏன் அதுக்கு அப்பறம்தான் நீ உங்க அப்பா அம்மாகிட்ட சொல்லணும்ன்னு இருக்கியா?" முகம் சுருங்கிய வந்தனா, "அப்படி இல்லை ஷக்தி, அவங்களுக்கு பிடிக்கலைன்னாலும் எங்க அப்பா அம்மா ஒத்துப்பாங்கன்னு நான் நம்பறேன் ஷக்தி. உன் கூட பழகினதுக்கு அப்பறம் அவங்களுக்கும் நிச்சயம் உன்னை பிடிக்கும்.

ஆனா உங்க அம்மாவுக்கு என்னை முதலில் இருந்து பிடிச்சு இருக்கணும். " சக்தி, "ஏன்?" வந்தனா, "ரிடையர் ஆனதுக்கு அப்பறம் நம்மகூட இருக்கணும்ன்னு நினைச்சுட்டு இருப்பாங்க இல்லையா? என்னை பிடிக்கலைன்னா இப்ப இருந்தே அவங்க ரொம்ப லோன்லியா ஃபீல் பண்ணுவாங்க ஷக்தி. யாரோ ஒரு போலீஸ்காரி என் மகனை என் கிட்ட இருந்து பிரிச்சுட்டான்னு அவங்க நினைச்சா சத்தியமா என்னால சந்தோஷமா இருக்க முடியாது" வாய்விட்டு சிரித்த சக்தி, "உனக்கு இருக்கற அளவுக்கு எனக்கும் உன் வீட்டைப் பத்தி பயம் இருக்கு. என்ன பண்ணலாம் சொல்லு"சென்ற வாரம் லஞ்சுக்கு சென்ற ஸோஃபியா'ஸ் ஆஃப் லிட்டில் இட்டலியை அடைந்தனர். ரிஸர்வ் செய்யப் பட்டு இருந்த டேபிளில் அமர்ந்து உரையாடலை தொடர்ந்தனர். வந்தனா, "எப்படியாவுது அவங்க என்னை பார்க்க ஏற்பாடு பண்ணேன்" சக்தி, "நீ ஈரோடுக்கு போறியா?" வந்தனா, "வேணும்ன்னா போவேன். ஆனா ஒரு காரணமும் இல்லாம எப்படி போறது? .. எங்க வீட்டிலும் என்ன சொல்லிட்டு போறது?" சக்தி, "ஆக்சுவலா இந்த அசைன்மெண்ட் முடிஞ்சதும் அம்மாவையும் சாந்தியையும் டெல்லி ஆக்ரா ஜெய்பூரெல்லாம் கூட்டிட்டு போறதா சொல்லி இருக்கேன்." வந்தனா, "உங்க அம்மா இதுவரைக்கும் அங்கே எல்லாம் வந்தது இல்லையா?" சக்தி, "அம்மா பாத்து இருக்காங்க. சாந்திதான் பாவம் சென்னையை தாண்டி ஒரு ஊருக்கும் போனது இல்லை" வந்தனா, "எதுக்கு நீ திரும்பி வர்ற வரைக்கும் வெய்ட் பண்ணனும்? இந்த டிஸம்பர் சமயத்தில் அவங்களுக்கும் லீவ் இருக்கும். க்ளைமேட்டும் ரொம்ப நல்லா இருக்கும். அவங்க ரெண்டு பேரையும் அப்ப வரச் சொல்லேன். நான் லீவ் போட்டுட்டு டெல்லி, ஆக்ரா, ஜெய்ப்பூர் எல்லாம் சுத்தி காண்பிச்சுட்டு அப்படியே எங்க உதைப்பூருக்கும், எங்க வீட்டுக்கும் கூட்டிட்டு போறேன்" முகம் மலர்ந்த சக்தி, "அப்ப நான் அந்த இடமெல்லாம் பார்க்கலைன்னா பரவால்லைன்னு சொல்றியா?" வந்தனா, "ஹெல்லோ! கல்யாணத்துக்கு அப்பறம் அது எல்லாம் உன் மாமனார் ஊர்!!" சக்தி, "எது ஆக்ராவா?" வந்தனா, "ஜோக் அடிக்காதே. மத்த மூணு இடத்தையும் சொன்னேன். என்ன சொல்றே உங்க அம்மாவை எப்படியாவுது கன்வின்ஸ் பண்ணி இந்த டிஸம்பர்ல ஒரு ஹாலிடே ப்ரோக்ராமுக்கு ஒத்துக்க வைக்கறயா. I will make sure that it will be a memorable holiday for both of them" சக்தி, "உன் வேலைக்கு நடுவே உன்னால் அவங்க கூட டைம் ஸ்பெண்ட் பண்ண முடியுமா?" வந்தனா, "ஆக்சுவலா, எங்க ப்ளான் படி நாங்க இப்ப எடுத்துக்கப் போற அசைன்மெண்ட்டை டிஸம்பரில் பாதி முடிச்சு இருப்போம். கடைசிலதான் கொஞ்சம் டைட்டா இருக்கும். நடுவில் ரெண்டு வாரம் லீவ் போடறதில் ஒரு பிரச்சனையும் இருக்காது" சக்தி, "ஓ, நீங்க இப்ப எடுத்துக்கற அசைன்மெண்டை அடுத்த ஏப்ரலுக்கு முன்னாடி முடிச்சுடுவீங்களா?" வந்தனா, "எங்க ரெண்டு பேரோட கணிப்பு அது. நாளைக்கு எங்க பாஸ் வர்றார். நாளைக்கு சாயங்காலம் ஒரு முடிவுக்கு வருவோம்." சக்தி, "என்ன முடிவுக்கு" என்று கேட்டபின் "சாரி ..நீ ஒண்ணும் சொல்ல வேண்டாம். நான் தப்பா எடுத்துக்க மாட்டேன்" எதிரில் அமர்ந்தவனின் கையைப் பற்றியபடி, "ஷக்தி, எனக்கு ஒவ்வொண்ணும் உன் கிட்ட சொல்லணும்ன்னு இருக்கு. ஆனா சொல்ல முடியாம தவிக்கறேன்." சக்தி, "ஹேய், எனக்கு புரியுது ஹனி. இட்ஸ் ஓ.கே" வந்தன, "பட் யூ நோ சம்திங்க்? நீ மட்டும் இதில் முழுசா இன்வால்வ் ஆனா இந்த அசைன்மெண்ட் எல்லாம் ரெண்டே மாசத்தில் முடிக்கலாம்" சக்தி, "கை நிறைய கிடைக்கற சம்பளத்தை விட்டுட்டு கவர்மெண்ட் சம்பளத்துக்கு சேர சொல்றியா?." வந்தனா, "முடிக்கலாம்ன்னுதான் சொன்னேன். ஷாந்திக்கு கல்யாணம் பண்ணி வைக்கறவரைக்கும் உனக்கு இருக்கும் பொறுப்புக்கள் எல்லாம் எனக்கு தெரியும். அதனாலதான் வந்து எங்க R&AWவில் சேருன்னு சொல்லலை" சக்தி, "Don't worry. By God's grace .. நான் ஒரு அளவுக்கு சேத்து வச்சு இருக்கேன். நம் கல்யாணத்துக்கு முன்னாடியே அம்மாகிட்ட சாந்தியோட கல்யாணத்துக்குன்னு ஒரு FD போட்டு அம்மாகிட்ட கொடுத்துடலாம்" வந்தனா, "இன்னும் வேணும்ன்னா எங்க அப்பாகிட்ட வரதட்சணை டிமாண்ட் பண்ணலாம். நிச்சயம் கொடுப்பார்" சக்தி, "அம்மா தாயே! இந்த பக்கம் கொடுத்துட்டு அந்த பக்கம் உங்க சித்தப்பாவை விட்டு என்னை அரெஸ்ட் பண்ணறதுக்கா?" வாய் விட்டு சிரித்த வந்தனா, "யூ...! இந்த மாதிரி சீரியஸ்ஸா மூஞ்சியை வெச்சுட்டு ஜோக் அடிக்கறது மட்டும் போதும். எங்க அப்பாவும் அம்மாவும் உன்னை தலை மேல தூக்கி வெச்சுட்டு ஆடுவாங்க. சரி. அப்ப உங்க அம்மாவையும் ஷாந்தியையும் இந்த டிஸம்பர்ல டெல்லிக்கு வர வைக்கறே. ஓ.கே?" சக்தி, "ஓ.கே. உன்னை பத்தி என்னன்னு எங்க அம்மாகிட்ட சொல்றது?" வந்தனா, "காலேஜ் படிக்கும் போது அறிமுகம் ஆனான்னு சொல்லு. மறுபடி நான் யூ.எஸ் வந்து இருந்தப்ப நல்லா பழக்கமானான்னு சொல்லு" சக்தி, "முதல்ல ஃப்ரெண்ட்டுன்னு சொல்லிட்டு உன்னை பாத்ததுக்கு அப்பறம் அவளை உங்களுக்கு பிடிச்சு இருக்கான்னு கேக்கணுமா? எதுக்கு? எனக்கு எங்க அம்மாகிட்ட பொய் சொல்ல பிடிக்காது" வந்தனா, "ப்ளீஸ் ஷக்தி, அவங்களுக்கு என் மேல் ஒரு அன்பயாஸ்ட் ஒபீனியன் வரணும். நீ என்னை காதலிக்கறதா சொன்னதுக்கு அப்பறம் அவங்க என்னை பார்க்கும் விதமே வேற மாதிரி இருக்கும்" சக்தி, "சரி. ஆனா ஒண்ணு சொல்றேன். எங்க அம்மா ரொம்ப ஷார்ப். நான் எதுவும் சொல்லாமலே அவங்க அனேகமா கண்டுபிடிச்சுடுவாங்க" வந்தனா, "கவலைப் படாதே. அப்படி கண்டுபிடிச்சுட்டா உடனே காலில் விழுந்து நான் தான் என்னை பத்தி சொல்ல வேண்டாம்ன்னு சொன்னேன்னு சொல்லி மன்னிப்பு கேக்கறேன்" சக்தி, "Let us hope she believes that .. " வந்தனா, "ரொம்ப பயமுறுத்தாதே. எனக்கு இப்பவே ரொம்ப எக்ஸைட்டடா இருக்கு" சக்தி, "ஹூம் .. உங்க அப்பா அம்மாவை என்னை பாத்து ஓ.கே சொல்ல நான் தான் அடுத்த மே மாசம் வரைக்கும் வெய்ட் பண்ணனும்" வந்தனா, "முதல்ல உன் அம்மா என்னை பாத்து ஓ.கே சொல்லட்டும்" மேலும் கனவுகளை பகிர்ந்தவாறு டின்னரை முடித்தனர். வாங்கிய இரண்டு டெஸர்ட்டுகளையும் அவனை சுவைக்க விட்டு வந்தனா அவன் ஒரு குழந்தையின் ஆர்வத்துடன் இனிப்பில் திளைப்பதை பார்த்து ரசித்தாள். திரும்ப ஹோட்டலுக்கு வந்து காரில் அமர்ந்த படி சிறிது நேரம் பேச்சு தொடர்ந்தது .. வந்தனா, "நாளைக்கு எங்க பாஸ் வரார் நாங்களும் பிஸியாதான் இருப்போம். ஆனா உன்னை மறுபடி பாக்காம நான் ஃப்ளைட் ஏற மாட்டேன். சனிக்கிழமை முழுவதும் பிஸின்னு சொல்லாதே...." சக்தி, "ம்ம்ம் .. ஏர்போர்ட்டுக்கு வரேன். ஓ.கே?" வந்தனா, "ஏர்போர்ட்டில் ப்ரைவஸியே இருக்காது. அதுக்கு முன்னாடி முடியாதா?" சக்தி, "எதுக்கு ப்ரைவஸி?" வந்தனா, "ம்ம்ம் .. இன்னைக்கு சாயங்காலம் மாதிரி ஹோட்டல் லாபின்னா கூட பரவால்லை. அங்கே ஏர்போர்ட்டில் என் பாஸ் கூட இருப்பார்" என்றபிறகு வெட்கத்தை மறைக்க வெளியில் பார்த்தாள். அடுத்த கணம் காரின் இரண்டு இருக்கைகளுக்கு நடுவே இழுக்கப் பட்டு அவனது அணைப்பில் இருந்தாள். பல முத்தங்களுக்கு பிறகு பிரியாவிடை பெற்றனர்.Friday, 29 August 2008 வெள்ளி, ஆகஸ்ட் 29 2008 நியூ யார்க்கை சுற்றி இருந்த பல ஊர்களில் இருந்த கிளைகளில் ஒரு வியாபார நிறுவனத்தின் கணக்கில் கேஷாக டெபாசிட் ஆகப் போகும் இருநூற்று நாற்பது மில்லியன் டாலர்கள் கொலம்பியன் ட்ரக் கார்ட்டலை சேர்ந்த வெனிஸுவேலாவில் இருக்கும் ஒரு பினாமிக் கம்பெனியின் கணக்குக்கு ட்ரான்ஸ்ஃபர் செய்வதற்கான வேலைகளில் நண்பர்கள் மூவரும் அன்று லீவ் எடுத்துக் கொண்டு காலையில் இருந்து மூழ்கினர். ~~~~~~~~~~~~~~~~~~~~~~~~ Friday, 29 August 2008 9:00 AM FBI New York Field Office, 23rd Floor, Federal Plaza, NY வெள்ளி, ஆகஸ்ட் 29 2008 எஃப்.பி.ஐ நியூ யார்க் அலுவலகம், 23ம் தளம், ஃபெடரல் ப்ளாஸா, நியூ யார்க் காலை எட்டு மணிக்கு முன்பே வந்த வந்தனாவும் தீபாவும் தங்களது செயற்திட்டத்தை மறுபடி ஒரு முறை பரிசீலனை செய்து முடித்தனர். அவர்களது அன்றைய உபயோகத்துக்கு ஒதுக்கப் பட்ட கான்ஃபரன்ஸ் ரூமில் வந்தனா தனது லாப்டாப்பை ப்ரொஜெக்டரில் இணைத்து திரையில் விழும் பிம்பத்தை சரி செய்து முடிக்க, முரளீதரன், எஃப்.பி.ஐ தலைமை அலுவலகத்தில் இருந்து வந்து இருந்த க்ரிஸ்டஃபர் மோரிஸ் (Christopher Morris), ஷான் ஹென்ரி, மற்றும் சான்ட்ரா ஆஸ்டின், இந்த நால்வரும் அந்த அறைக்குள் நுழைந்தனர். அறிமுகங்களுக்கு பிறகு வந்தனாவும் தீபாவும் தங்களது செயற்திட்டத்தை விளக்கினர். வந்தனாவின் மேலோட்டமான அறிமுகத்துடன் அவர்களது ப்ரஸெண்டேஷன் ஆரம்பித்தது தீபா பிறகு தொடர்ந்தாள் "முதலில் நாங்க இதுவரைக்கும் மாங்க்ஸ் பாட் நெட்டை பத்தி தெரிஞ்சுகிட்ட விவரங்கள்: 1. மாங்க்ஸ் பாட் நெட் வைரஸ் புகுந்த கணிணிகளை என்ன வேண்டுமானாலும் செய்ய வைக்க முடியும். அதுவும் அதன் உரிமையாளர் செஞ்ச மாதிரியே செய்ய வைக்க முடியும். இது ஷானும் சான்ட்ராவும் ஏற்கனவே கண்டு பிடிச்சது 2. இந்த பாட் நெட்டில் இருக்கும் கணிணிகளுக்கு பெரும்பாலான சமயங்கள் நேரடியா சர்வர்கிட்ட இருந்து எந்த தகவலும் (மெஸ்ஸேஜும்) வருவது இல்லை. மத்த கணிணிகளிடம் இருந்துதான் மெஸ்ஸேஜஸ் வருது. சர்வர் ஒரு குறிப்பிட்ட கணிணிக்கு அனுப்பும் நேரடி மெஸ்ஸேஜாக இருந்தால் கூட அது பல கணிணிகள் கை மாறி குறிப்பிட்ட கணிணிக்கு வந்து சேருது. சோ, ஒரு மெஸ்ஸேஜ் எந்த இணைய விலாசத்தில் இருந்து வந்து இருக்குன்னு பாத்து சர்வரை கண்டு பிடிக்க முடியாது. 3. ஒரு கணிணியில் இருந்து வெளியில் போகும் மெஸ்ஸேஜை டாம்பர் (tamper) பண்ணினா அந்த கணிணியில் இருக்கும் வைரஸ்ஸுக்கு தன்னை தானே அழித்துக் கொள்ளும்படியான ஒரு மெஸ்ஸேஜ் சர்வரில் இருந்து வருது. இதனால் அந்த கணிணி பாட் நெட்டில் இருந்து நீக்கப் படுகிறது. அந்த கணிணிக்குள் மறுபடி வைரஸ்ஸை புகுத்தினாலும் அந்த கணிணி பாட் நெட்டுக்குள் ஏற்றுக் கொள்ளப் படுவது இல்லை. அதன் இணைய விலாசத்தை முற்றிலும், அதாவது அந்த டொமெயினையே (domain), மாற்றினால் மறுபடி ஏற்றுக் கொள்ளப் படுகிறது. அதாவது சர்வர் வேறு ஒரு கணிணி என்று நினைத்து அதை ஏற்றுக் கொள்ளுது. 4. மாங்க்ஸ் பாட் நெட்டில் நடக்கும் தகவல் பரிமாற்றம் (மெஸ்ஸேஜ்) எல்லாம் சங்கேத மொழியில் இருக்கு என்பது ஏற்கனவே தெரிஞ்ச விஷயம். மேலும் எந்த விதமான சங்கேத முறை (Encryption algorithm) உபயோகிக்கறாங்க என்பதும் இதுவரைக்கும் கண்டுபிடிக்க முடியாம இருக்கு. மாங்க்ஸ் பாட் நெட்டின் சர்வரை நாம் கண்டுபிடிக்கணும்ன்னா அவங்க உபயோகிக்கும் சங்கேத முறையை கண்டு பிடிச்சே ஆகணும். ஏன்னா சர்வரின் இணைய விலாசம் அவங்க அனுப்பும் மெஸ்ஸேஜுக்குள் பொதிந்து இருக்குன்னு நாங்க நம்பறோம். அடுத்தபடியாக அவங்க சங்கேத முறையை கண்டு பிடிக்க பல மெஸ்ஸேஜுகளையும் நாங்க அனலைஸ் பண்ணினோம். மாங்க்ஸ் பாட் நெட்டில் அனுப்பப் படும் தகவல் பரிமாற்றங்களை நாலு விதமா பிரிக்கலாம்: 1. விளம்பர ஈமெயில் அனுப்புவதற்கான சர்வரிடம் இருந்து வரும் ஆணை ... 2. தன்னை தானே அழித்துக் கொள்வதற்கான ஆணை அதாவது செல்ஃப் டிஸ்ட்ரக்ட் கமாண்ட் (Self Destruct Command).. 3. மாங்க்ஸ் பாட் நெட்டில் இருக்கும் வைரஸ்கள் ஒழுங்கா வேலை செஞ்சுட்டு இருக்கான்னு சர்வர் கண்டுபிடிக்கறதற்கான தகவல் பரிமாற்றங்கள். (Health Check Messages) 4. கணிணிக்கு அந்த உரிமையாளர் கொடுத்ததுபோல் பிறப்பிக்க படும் ஆணைகள் ... இந்த நான்கு வகை தகவல் பரிமாற்றங்களில் ஈமெயில் அனுப்புவதற்கான மெஸ்ஸேஜ்களை இப்ப எங்களால் அடையாளம் கண்டுபிடிக்க முடியுது. ஆனால் இன்னும் அவங்க உபயோகிக்கும் சங்கேத மொழியை புரிஞ்சுக்க முடியலை." என்று தீபா தன் பகுதியின் ஒவ்வொரு பாயிண்ட்டுக்கும் விளக்கம் கொடுத்து முடித்தாள். கிரிஸ்டஃபர் மோரிஸ், "ஷான், அந்த கடைசி பாயிண்டைதான் நீ ஒரு மேஜர் ஃபைண்டிங்க் அப்படின்னு சொன்னியா?" ஷான், "ஆமா. நாம் இதுவரைக்கும் கண்டு பிடிக்காத இன்னொரு விஷயம். தீபா, எப்படி அதை கண்டு பிடிச்சீங்கன்னு கொஞ்சம் விளக்கறயா?" தீபா, "ஷ்யூர் ஷான், . ... ஒரு கணிணியில் இருந்து அனுப்பப் பட்ட விளம்பர ஈமெயிலையும் அந்த கணிணிக்கு வந்த மெஸ்ஸேஜஸ்ஸையும் சேர்த்து வைத்து அனலைஸ் பண்ணினோம். விளம்பரத்தில் இருக்கும் எழுத்துக்கள், வார்த்தைகள் மற்றும் வாக்கியங்களின் நீளம் இதை எல்லாம் வெச்சு பாக்கும் போது ஒவ்வொரு விளம்பர ஈமெயிலுக்கும் ஒரு தனி பாட்டர்ன் (எழுத்துக் கோர்வையின் அமைப்பு) இருப்பதை கவனிச்சோம். இந்த இரண்டு வாரத்தில் இதுவரைக்கும் ஐந்து வெவ்வேறு விளம்பர ஈமெயில்கள் அனுப்பப் பட்டு இருக்கு. இதில் ஒவ்வொண்ணுக்கும் இருக்கும் தனி பாட்டர்னை ஒரு அளவுக்கு எங்களால் ஐடெண்டிஃபை பண்ண முடிஞ்சுது. அந்த பாட்டர்னை வெச்சு எல்லா மெஸ்ஸேஜஸ்ஸையும் ஃபில்டெர் (சல்லடையால் சலிப்பதுபோல்) பண்ணினோம். ஈமெயில் அனுப்புவதற்கான ஆணைகளை எங்களால் தனியா பிரிக்க முடிஞ்சுது. அப்படி ஒரு கணிணிக்கு வந்த ஒரு ஆணையை எடுத்து நாங்களே மறுபடி அந்த கணிணிக்கு அனுப்பினோம். அந்த கணிணி இன்னொரு முறை அதே ஈமெயில் விளம்பரத்தை அனுப்புச்சு. " கிரிஸ்டஃபர், "ஃபெண்டாஸ்டிக் ... முரளீ, your girls are terrific!. ப்ளீஸ் கண்டின்யூ" தீபா, "சோ, ஒரு விளம்பர ஈமெயிலை ஒரு கணிணி அனுப்பினதுக்கு அப்பறம் எந்த ஆணை மூலம் அந்த விளம்பர ஈமெயிலை அந்த கணிணி அனுப்புச்சுன்னு இப்ப கண்டு பிடிக்க முடியும். இதுவரைக்கும் எங்ககிட்ட அந்த மாதிரி அஞ்சு மெஸ்ஸேஜஸ் இருக்கு. ஆனா, அவங்க சங்கேத முறையை கண்டு பிடிக்க எங்களுக்கு அந்த மாதிரி சில நூறு மெஸ்ஸேஜ்கள் தேவை படுது. முடிந்த வரை வெவ்வேறு விளம்பரங்களுக்கு வெவ்வேறு கணிணிகளுக்கு வந்ததா இருக்கணும் அப்படி இருக்கும் போதுதான் சர்வரின் இணைய விலாசத்தை கண்டு பிடிக்க முடியும். அதே மாதிரி சில நூறுகள் இல்லைன்னாலும் நூறு தன்னை தானே அழித்துக் கொள்ளும் ஆணைகள் எங்களுக்கு தேவை" கிரிஸ்டஃபர், "சில நூறுன்னா, குறைஞ்சது எத்தனை?" தீபா, "குறைந்தது இருநூறு. முந்நூறு இருந்தா வேலை இன்னும் சுலபமா முடியும். அதிகமாக அதிகமாக கண்டுபிடிப்பது சுலபமாகும்" ஷான், "இந்த ரெண்டு வாரத்தில் ஐந்து வெவ்வேறு ஈமெயில் விளம்பரங்கள் போயிருக்கு. உங்க கணக்குப் படி ஒரு ரெண்டு வருஷத்துக்குள்ள உங்களுக்கு இருநூறு விளம்பரங்களுக்கான மெஸ்ஸேஜஸ் கிடைக்கும் ... இல்லையா?" வந்தனா, "அவங்களுக்கு அத்தனை ஆர்டர் வந்தாதான் அத்தனை விளம்பர ஈமெயில் அனுப்புவாங்க. அப்படி ஆர்டர் வரலைன்னா?" கிரிஸ்டஃபர், "ஷான், நீ அப்ஸர்வ் பண்ணின இந்த ரெண்டு வருஷத்தில் சுமார் எத்தனை விளம்பரங்கள் போயிருக்கும்? வாரத்துக்கு எத்தனை போகுது?" ஷான், "வந்தனா சொன்ன மாதிரி ரெகுலரா வாரத்துக்கு இத்தனைன்னு சொல்ல முடியாது" கிரிஸ்டஃபர், "ஸோ என்ன பண்ணலாம்? ரெண்டு வருஷம் எல்லாம் பொறுத்துட்டு இருக்க முடியாது" வந்தனா, "அதையே தான் நானும் சொல்றேன். அவங்களுக்கு ஆர்டர் வந்து அவங்க அனுப்பும் வரை நாம் வெயிட் பண்ணாம நாமே ஏன் அவங்களுக்கு ஆர்டர் கொடுக்கக் கூடாது?" அந்த அறையில் சில நிமிடங்கள் அமைதி குடி கொண்டது. கிரிஸ்டஃபர், "எப்படி?" வந்தனா, "எதாவுது ஒரு பொருளுக்கோ அல்லது வலை தளத்துக்கோ நமக்கு தெரிஞ்ச யார் மூலமாவுது அவங்களுக்கு விளம்பர ஈமெயில் அனுப்ப ஆர்டர் கொடுப்போம். நமக்கு வெவ்வேறு மெஸ்ஸேஜஸ் கிடைக்கும். கூடவே அவங்களை அணுக அவங்க உபயோகிக்கும் முறையையும் நாம் இன்வெஸ்டிகேட் பண்ணி அவங்களை பிடிக்க முடியுமான்னு பார்க்கலாம். After all, அந்த சர்வரை எதுக்கு கண்டு பிடிக்கணும்? அதை கன்ட்ரோல் செய்யறவங்களை பிடிக்கத்தானே?" முரளீதரன், "Greate Vanthana! இது தான் போலீஸ் புத்தி!"கிரிஸ்டஃபர், "சுலபமா பண்ணலாம். துப்பறியறதுக்காக எஃப்.பி.ஐ மற்றும் ஸீ.ஐ.ஏவை சேர்ந்த நிறைய பினாமி கம்பெனிகள் இருக்கு. அந்த கம்பெனிகள் கொடுத்தது போல் விளம்பர ஈமெயிலுக்கான ஆர்டர்களை கொடுக்கலாம்" ஷான், "சரி, இந்த மாதிரி முறையில உங்களுக்கு தேவையான அளவுக்கு விளம்பர ஈமெயிலுக்கான மெஸ்ஸேஜ்கள் கிடைக்கும். தன்னை தானே அழித்துக் கொள்ளும் ஆணைகள் அத்தனைக்கு எங்கே போவீங்க?" தீபா, "எங்களுக்கு நூறு கணிணிகள் வேணும். எங்களுக்கு உதவறதுக்கு நான்கு அல்லது ஐந்து பேர் வேணும்" முரளீதரன், "ஒவ்வொரு கணிணியிலும் வைரஸ்ஸை புகுத்தி அதன் மெஸ்ஸேஜை டாம்பர் பண்ணப் போறீங்களா?" தீபா, "ஆமா, எங்க கணிப்பில் ஒரே நாளில் நூறு கணிணிகளிலும் மெஸ்ஸேஜ் டேம்பர் செய்யணும். அப்ப அடுத்த நாள் நூறு கணிணிக்கும் செல்ஃப் டிஸ்ட்ரக்ட் மெஸ்ஸேஜ் வரும்" சான்ட்ரா, "ஏன் ஒரே நாளில் அவ்வளவு கணிணிகளில் டேம்பர் பண்ணனும்?" வந்தனா, "சில கணிணிகளை வெச்சு பல நாட்களில் தினம் தினம் அவைகளின் இணைய விலாசங்களை மாற்றி செய்யலாம்ன்னுதான் நாங்க முதலில் நினைச்சோம். ஆனா, இவ்வளவு நூதனமான ஒரு பாட் நெட்டை உருவாக்கினவங்க நிச்சயம் இந்த மாதிரி மெஸ்ஸேஜ் போறதை கண்காணிச்சுட்டு இருப்பாங்கன்னு தோணுது. யாரோ வேணும்ன்னே டாம்பர் பண்ணறாங்கன்னு அவங்களுக்கு தெரியும். ஒண்ணு ரெண்டு நாளில் நாம் என்ன செய்ய முயற்சிக்கறோம்ன்னு அவங்களுக்கு தெரிஞ்சுதுன்னா உடனே சுதாரிச்சுட்டு அந்த மாதிரி ஒரு மெஸ்ஸேஜ் போறதை நிறுத்தக் கூடும் இல்லையா? ஒரே நாளில் செய்யும் பொது நூறு மெஸ்ஸேஜும் போனதுக்கு அப்பறம்தான் அவங்களுக்கு தெரியும்" கேட்டுக் கொண்டு இருந்த அனைவரும் சற்று மலைத்து அமர்ந்து இருந்தனர். முரளீதரனின் முகத்தில் அளவிலா பெருமிதம். ஷான், "God, you girls really think big!" கிரிஸ்டஃபர், "சரி, நூறு கணிணிகளையும் நீங்க ஏழு பேர் எப்படி ஆபரேட் பண்ணப் போறீங்க. ?" வந்தனா, "நாங்களே உக்காந்து டாம்பர் பண்ணப் போறது இல்லை. டாம்பர் பண்ணறதுக்கு ஒரு மென் பொருள் எழுதப் போறோம். அந்த மென்பொருளை நூறு கணிணிகளில் புகுத்தப் போறோம். வைரஸ் அனுப்பும் மெஸ்ஸேஜ்களை நாங்க குறிப்பிடும் நாளில் எங்க மென் பொருள் டாம்பர் செய்யும். எங்களுக்கு இந்த வேலையில் உதவறதுக்குத்தான் அந்த டீம்" சான்ட்ரா, "வாவ்!" கிரிஸ்டஃபர், "சர், உங்களுக்கு விளம்பர ஈமெயிலுக்கான சில நூறு மெஸ்ஸேஜ்களும் செல்ஃப் டிஸ்ட்ரக்ட்டுக்கான நூறு மெஸ்ஸேஜ்களும் கிடைக்குது. அதுக்கு அப்பறம்?" வந்தனா, "அதுக்கு அப்பறம்தான் ரொம்ப முக்கியமான வேலை இருக்கு. அதுக்கு எங்களுக்கு ஒரு சக்தி வாய்ந்த கணிணியும் பாட்டர்ன் மாட்சிங்க் அல்காரிதம் எல்லாம் தெரிஞ்ச சிலரின் உதவியும் வேணும்" ஷான், "எதுக்கு?" வந்தனா, "இந்த மெஸ்ஸேஜ்களை எல்லாம் சேர்த்து வைத்து அவைகளை வெவ்வேறு முறைகளில் ஒரு மென் பொருள் மூலம் அனலைஸ் பண்ணி அவங்களோட சங்கேத முறையை கண்டு பிடிக்க. அப்படிப் பட்ட ஒரு மென்பொருளை எங்களால் எழுத முடியாது" கிரிஸ்டஃபர், "சரி, நான் விசாரிக்கறேன். முரளி, உங்களுக்கு அப்படிப் பட்டவங்க யாராவுது தெரியுமா?" தீபாவும் வந்தனாவும் ஒன்று சேர்ந்து மனதுக்குள், 'அந்த மாதிரி ஆளுங்க ரெண்டு பேரை எனக்கு தெரியும். ஆனா ரெண்டும் இப்ப இன்ஸ்யூரன்ஸ் கம்பெனிக்கு கோட் எழுதிட்டு இருக்குங்க' என்று நித்தினையும் சக்தியையும் திட்டினர். முரளீதரன், "நிச்சயம் ஐ.ஐ.டிகளில் யாராவது இருப்பாங்க. பிரச்சணை இல்லை அரேஞ்ச் பண்ணலாம்" கிரிஸ்டஃபர், "Great Team India! முரளி, ஊருக்கு போனதும் எனக்கு ஒரு டீடெயிலான செயல் திட்டம், முடிஞ்ச வரை நாள், தேதியோட தயாரிச்சு எனக்கு அனுப்புங்க. இவங்க கேட்டது எல்லாம் அரேஞ்ச் பண்ண நான் எஃப்.பி.ஐயில் இருந்து பணம் ஒதுக்கறேன். அதுக்கப்பறம் உடனே நீங்க உங்க வேட்டையை தொடங்கலாம். இப்ப என்னோட லஞ்ச் சாப்பிட வாங்க" என்றவாறு முடித்து அனைவரையும் அழைத்துக் கொண்டு மதிய உணவுக்கு ஒரு ரெஸ்டாரண்டுக்கு அழைத்துச் சென்றார்.சாப்பிட்டுக் கொண்டு இருக்கையில் வந்தனா, "கிரிஸ், எனக்கு ஒரு சந்தேகம்" கிரிஸ்டஃபர், "ப்ளீஸ் கோ அஹெட் ..." வந்தனா, "நம் நோக்கம் என்ன? மாங்க்ஸ் பாட் நெட்டை கைபற்றி அதை உருவாக்கினவங்களை கைது செய்வதா?" ஷான், "அவங்களை கைது செய்வது நடக்காத காரியம். ஒரு சட்ட விரோதமான செயலிலும் ஈடு படாதவங்களை என்னன்னு பிடிக்கறது?" கிரிஸ்டஃபர், "இல்லை ஷான், தவறான வழியில் உபயோகிக்க கூடிய விஞ்ஞான ஆராய்ச்சிகள் தேச துரோகிகள் கையில் சிக்காமல் அரசாங்கத்தில் மேற்பார்வைக்கு கொண்டு வருவதற்கு சட்டம் இருக்கு. மாங்க்ஸ் பாட் நெட் கெட்டவங்க கைக்கு போனா இருக்கும் அபாயத்தை கருதி அந்த சட்டத்தை பயன் படுத்தலாம்" முரளீதரன், "மாங்க்ஸ் பாட் நெட்டின் சர்வர் அமெரிக்காவுக்கு வெளியில் இருந்தா? அல்லது அதை க்ண்ட்ரோல் பண்ணறவங்க அமெரிக்கர்களா இல்லாமல் இருந்தா?" கிரிஸ்டஃபர், "முரளீ, ஐ.நா சபையின் சைபர் க்ரைம் பிரிவு அமெரிக்காவோட கைப் பொம்மை அப்படிங்கறது உனக்கு தெரிஞ்ச விஷயம்தானே? இன்டர்போல் மூலம் மாங்க்ஸ் பாட் நெட்டை நம் மேற்பார்வைக்கு கொண்டு வரலாம்" தீபா, "அவங்க அதுக்கு ஒத்துக்கலைன்னா? அவங்க லீகலா மூவ் பண்ணினா?" முரளீதரன், "அவளோட அப்பா இந்தியாவில் ஒரு பெரிய லாயர்" என்று கிண்டலடித்தார் ஷான், "காட்! அது வேறயா?" என்க எல்லோரும் சேர்ந்து சிரித்தனர் ... கிரிஸ்டஃபர், "தீபா, நீ என்ன சொல்ல வரேன்னு தெரியுது. ஒரு நல்ல லாயரை பிடிச்சு அரசாங்கத்தின் மீது கேஸ் போட்டா அரசாங்கத்தினால் ஒண்ணும் பண்ண முடியாது. பேச்சு வார்த்தையில் தான் அவங்களை நம் வழிக்கு கொண்டு வரணும். அல்லது அவங்களுக்கு பணம் கொடுத்து இதை விலைக்கு வாங்கணும். ஷான், "சோ, உண்மையில் அவங்க பணம் சம்பாதிக்க நாம் இப்ப உதவிட்டு இருக்கோம்." வந்தனா, "அப்படி மட்டும் ஏன் பார்க்கறீங்க ஷான்? இந்த மாங்க்ஸ் பாட் நெட் அரசாங்கத்தின் கையில் அல்லது மேற்பார்வையில் இருந்தா இதை நிறைய நல்ல விதத்திலும் உபயோகிக்கலாம்" கிரிஸ்டஃபர், "எப்படி?" வந்தனா, "இந்த மாங்க்ஸ் பாட் நெட்டில் இருக்கும் எந்த கணிணியையும் ஒரே இடத்தில் இருந்த படி எந்த வேலை வேணும்னாலும் செய்ய வைக்கலாம். இந்த ஒரு திறமையை மட்டும் வெச்சு யாராலையும் ஊடுருவ முடியாத ஒரு தகவல் பரிமாற்றத்தை உருவாக்கலாம் இல்லையா? ரொம்ப செக்யூரா இருக்கும். தீவிரவாதிகளும் ஒற்றர்களும் கண்டு பிடிக்க முடியாத படி தகவல்களை பரிமாறிக் கொள்ள முடியும்" கிரிஸ்டஃபர், "யூ ஆர் ரைட்! கொடுக்கற காசுக்கு நிறையவே சாதிக்கலாம்" தீபா, "அதாவது அவங்க உங்ககிட்ட மாங்க்ஸ் பாட் நெட்டை கொடுக்க ஒத்துகிட்டா!" முரளீதரன், "விட்டா நீயே உன் அப்பாவை அவங்களுக்கு லாயரா இருக்க வைப்பே மாதிரி இருககே" தீபா, "இல்லை சார், எப்ப ஹார்ஷ்7 இதில் இன்வால்வ் ஆகி இருக்கார்ன்னு தெரிஞ்சுதோ அப்ப இருந்தே எனக்கு அவங்க நாம் சொல்றது எதுக்கும் ஒத்துக்க மாட்டாங்கன்னு தோணுது" முரளீதரன், "ஏன் அப்படி சொல்றே?" தீபா, "யாரையும் நம்பாத ஆள் ஹார்ஷ்7. ஒண்ணு சொல்லுங்க சார், அரசாங்கம் அப்படின்னா என்ன? உங்களை போன்ற அதிகாரிகள் சேர்ந்த அமைப்புதானே அது? அதில் எல்லோரும் நல்லவங்களா இருப்பாங்கன்னு என்ன நிச்சயம்? ஒப்படைத்த பிறகு அரசாங்கத்தை சேர்ந்த ஒருவரே இதை கெட்ட வழியில் பயன் படுத்த மாட்டான்னு என்ன நிச்சயம்?" கிரிஸ்டஃபர், "நீ சொல்வது நூத்துக்கு நூறு உண்மை. அப்ப என்னதான் செய்யணும்?" வந்தனா, "அவங்க எப்படிப் பட்டவங்கன்னு பாத்துட்டு அவங்க கிட்டயே விட்டுடணும். முடிஞ்சா அவங்ககூட இருந்து அந்த மாங்க்ஸ் பாட் நெட்டின் செயல்களை கண்காணிக்க சிலரை நியமிக்கணும்" முரளீதரன், "நீ சொல்றதும் சரிதான்"அடுத்த நாள் காலை அவர்களது அறையின் கதவு தட்டப் பட்டது தூக்கக் கலக்கத்துடன் கதவை திறந்த தீபா, "ஹாய் சஞ்சனா" அறைக்குள் நுழைந்த சஞ்சனா, "தூங்கு மூஞ்சி .. இன்னும் படுக்கையில் இருந்து எந்திரிக்கலையா? வந்தனா எங்கே?" தீபா, "வந்தனா குளிச்சுட்டு இருக்கா" சஞ்சனா, "நீங்க ரெண்டு பேரும் போரடிச்சுட்டு இருப்பீங்கன்னு உங்க கூட இருக்க நான் வந்து இருக்கேன்" தீபா, "ஜாஷ்வா வரலை?" சஞ்சனா, "மூணுக்கும் மந்த் எண்ட் வேலை! எங்க ஆளுக்கு அவன் பேங்கில் உங்க ஆளுங்களுக்கு அவங்க இன்ஸ்யூரன்ஸ் கம்பெனியில். நாம் மூணு பேரும் நியூ யார்க்கை ஒரு கலக்கு கலக்கலாம் வாங்க" மாலை வரை தந்தையர் கொடுத்து இருந்த க்ரெடிட் கார்டின் வரம்பு வரை செலவு செய்து குடும்பத்தில் இருந்த அத்தனை பேருக்கும் பொருட்கள் வாங்கி குவித்தனர். ஏழு மணிக்கு அவர்களை ஹோட்டலில் விட்டு சஞ்சனா விடைபெற்றாள். மாலை எட்டு மணியளவில் தோழிகள் இருவரும் பல முறை தங்களது காதலர்களை அவர்கள் கைபேசியில் அழைத்தும் பதில் இல்லாமல் போக பெரும் கோபத்தில் இருந்தனர். அந்த ஹோட்டலிலேயே முந்தைய தினம் இரவு அறை எடுத்து இருந்த முரளீதரன் அவர்களை லாபியில் இருந்து அழைக்க வேண்டா வெறுப்புடன் அறையை காலி செய்து முரளீதரனுடன் விமான நிலையத்தை நோக்கி பயணித்தனர்.





விமான நிலையத்தில் போர்டிங்க் பாஸ் எடுக்கும் க்யூவில் நின்று கொண்டு இருந்த போது நித்தினும் சக்தியும் அங்கு வந்து சேர்ந்தனர். அவர்களுக்கு அருகே வந்த இருவரும், "ஹாய், சாரி லேட்டாயிடுச்சு" என்று வழிந்தனர். முரளீதரன் தான் இருப்பதால் வந்த சங்கடத்தில் நெளிந்த தோழிகளிடம், "நான் க்யூவில் நின்னுட்டு இருக்கேன். நீங்க உங்க ஃப்ரெண்ட்ஸ்கூட பேசிட்டு வாங்க. க்யூ நகர இன்னும் பதினைந்து நிமிஷமாவுது ஆகும்" என்று அவர்களை அனுப்பினார். இரு ஜொடிகளும் இருபுறம் சென்றதை சுவாரசியமாக பார்த்துக் கொண்டு இருந்தார். ~~~~~~~~ தீபா, "பேசாதே போ!" நித்தின், "அதான் சாரின்னு சொன்னேன் இல்லை" தீபா, "உனக்கு இப்பத் தான் நேரம் கிடைச்சுதா?" நித்தின், "ஏய், ஐ செட் சாரி..." தீபா, "போய் உன் இன்ஸ்யூரன்ஸையே கட்டிட்டு அழு. உனக்காக காலையில் இருந்து வெயிட் பண்ணிட்டு இருக்கேன். எத்தனை தடவை உன் செல்லில் கூப்பிட்டேன். ஒரு தடவையாவுது ஆன்ஸர் பண்ணினயா. உனக்கு என் மேல ...." அதற்கு மேல் அவளால் பேச முடியவில்லை. அவளை இழுத்து அணைத்த நித்தினின் உதடுகள் அவளது இதழ்களை சிறை பிடித்து இருந்தன. பிறகு அணைத்தபடி அவர்களின் பேச்சு சகஜ நிலையில் தொடர்ந்தது. ~~~~~~~~~~~~~~
வந்தனா, "ஏன் இவ்வளவு லேட்? சீக்கிரம் வந்து இருக்கலாம் இல்லை?" சக்தி, "சாரி டியர். வேலை இருக்கும்ன்னு சொன்னேன் இல்லையா?" வந்தனா, "சொன்னேதான். ஏழு மணிக்காவுது நீ வந்து இருக்கலாம்" சக்தி, "சாரி ... இருக்கும் சில நிமிடங்களை வேஸ்ட் பண்ண வேண்டாம்" அருகில் வந்தவனின் கைகள் அவள் இடையை வளைத்து தூக்க அவள் கைகள் அவன் கழுத்தை வளைத்து இதழோடு இதழ் சேர்த்தனர். சில நிமிடப் பேச்சுக்கு பிறகு மறுபடி க்யூவை நோக்கி இருவரும் நடந்தனர். ~~~~~~~~~~~ க்யூவை அடைந்த தன் டீம் மெம்பர்கள் இருவரும் அவர்களுடன் இருந்த ஆடவர்களிடம் கண்களால் பகிர்ந்து கொண்ட அன்னியோன்னியத்தை முரளீதரன் கவனித்தார்.Monday, 1 Sep 2008 9:00 AM A conference room in R&AW Headquarters, CGO Complex, New Delhi திங்கள் செப்டம்பர் 1 2008 காலை 9:00 R&AW தலைமை அலுவலகத்தில் இருக்கும் கலந்தாய்வுக் கூடம், CGO காம்ப்ளெக்ஸ், புது தில்லி சுற்றி இருந்த நாற்காலிகளில் ஜாயிண்ட் டைரக்டர், வந்தனா, தீபா மற்றும் ஒரு தலை சிறந்த கல்லூரியில் கணிதப் பேராசிரியரான ப்ரொஃபெஸ்ஸர் கே.எஸ்.சாரி அவர்களும் அமர்ந்து இருந்தனர். முரளீதரன் மாங்க்ஸ் பாட் நெட்டைப் பற்றி ஒரு ப்ரஸெண்டேஷன் மூலம் விளக்கினார். ப்ரொஃபெஸ்ஸர் சாரி, "முரளி, Let me summarise what you said so far. Correct me where I am wrong, இந்த மாங்க்ஸ் பாட் நெட் மூலம் என்ன வேணும்னாலும் செய்யலாம். ஆனா அதை உருவாக்கினவங்க அப்படி இதுவரை செய்யலைன்னாலும் செய்யக் கூடும் என்ற அபாயம் கருதி அமெரிக்க அரசாங்கம் அதை கைப் பற்றணும்ன்னு முடிவெடுத்து இருக்கு. அதற்கு நாம் உதவப் போறோம். இல்லையா?" முரளீதரன், "எஸ், நீங்க சொல்றது ஓரளவு சரி. இதுவரை எந்த சட்ட விரோத செயலையும் பணத்துக்காக செய்யலைன்னு சொல்லலாம். அதே சமயம் அவங்க இதுவரை நடந்துகிட்ட விதத்தை வெச்சு அவங்க எப்படி பட்டவங்களா இருக்கக்கூடும்ன்னு மனோதத்துவ முறைப் படி ஆராய்ந்ததில் எந்த வெறித்தனமா சட்ட விரோத செயலிலும் ஈடுபட மாட்டாங்கன்னு தோணுது" ஜாயிண்ட் டைரக்டர், "அப்பறம் எதுக்கு அவங்க இந்த அளவுக்கு சக்தி வாய்ந்த ஒரு பாட் நெட்டை உருவாக்கணும்?" முரளீதரன், "எஃப்.பி.ஐயின் யூகம், which I concur, என்னன்னா, அவங்க அதை உருவாக்கும் போது எதுக்கு பயன் படுத்தணுன்னு நினைச்சு உருவாக்கலை. அவங்களோட கண்டுபிடிப்பு ஒரு அளவுக்கு accidentalன்னு (எதேட்சையா நடந்ததுன்னு) சொல்லலாம். கண்டு பிடிச்ச பிறகுதான் அவங்களுக்கே அதன் ஆற்றலைப் பற்றி புரிஞ்சு இருக்கு. ஆனால் அதை சட்ட விரோதச் செயலுக்கு பயன் படுத்த விரும்பலை. இருந்தாலும் தங்களோட கண்டு பிடிப்பை ஹாக்கர்கள் மத்தியில் சொல்லி பெருமை பட்டு இருக்காங்க" ஜாயிண்ட் டைரக்டர், "எப்படி விளம்பர ஈமெயில் அனுப்பறதைத் தவிர பணத்துக்காக எந்த சட்டவிரோதச் செயலில் ஈடுபடலைன்னு சொல்றீங்க?" முரளீதரன், "எஃப்.பி.ஐ அவங்களை மறைமுகமா பல முறை அணுகி பாத்து இருக்கு. விளம்பர ஈமெயில் அனுப்புவதை தவிர வேற எதற்க்கும் அவங்க ஒத்துக்கறது இல்லை" ப்ரொஃபெஸ்ஸர் சாரி, “எப்படி அவங்களை அணுகறது?” முரளீதரன், “monks2006@gmail.com அப்படிங்கற அவர்களின் ஜீமெயில் ஐடி மூலம்” ப்ரொஃபெஸ்ஸர் சாரி, "வாவ், அவங்களுக்கு மெயில் ஐ.டி இருக்குன்னா, அந்த மெயில் பாக்ஸை எந்த இணைய விலாசத்தில் இருந்து உபயோகிக்கறாங்கன்னும் கூகிள் நிறுவனத்தின் மூலமே தெரிஞ்சுக்கலாமே?" முரளீதரன், "இல்லை ப்ரோஃபெஸ்ஸர், இந்த மெயில் அக்கௌண்டை அவங்க வீட்டில் இருந்தோ அலுவலகத்தில் இருந்தோ ஓபன் பண்ணற அளவுக்கு அவங்க முட்டாள்களா இருக்க மாட்டாங்க. எதாவுது இன்டர்நெட் பார்லரில் இருந்து ஓபன் பண்ணி பாத்து பதில் போடுவாங்க. எந்த ஊர், எந்த நாடு எதுவும் சொல்ல முடியாத நிலையில் அந்த கோணத்தில் ஆராய்ந்தால் ஒரு பயனும் இல்லைன்னு விட்டுட்டாங்க. அது மட்டும் இல்லை மனித உரிமை சட்டம் அமெரிக்காவில் ரொம்ப ஸ்ட்ராங்க். அரசாங்கம் ஒரு மெயில் ஐடியின் போக்குவரத்தை அந்த மெயில் ஐடியின் உரிமையாளருக்கு தெரியாமல் கண்காணிக்கணும்ன்னா அதுக்கு தகுந்த கோர்ட் ஆர்டர் வேணும். அவங்க அரசாங்கத்துக்கு எதிரா செயல் படக்கூடும் அப்படிங்கறதுக்கு தகுந்த ஆதாரங்களோட அணுகினால்தான் கோர்ட்அதற்கான ஆர்டர் கொடுக்கும். இது எல்லாத்துக்கும் மேல், இவ்வளவு திறமையோட செயல்படறவங்க அந்த ஐ.டியை ஒரு நிஜமான நபரின் பெயரில் தொடங்கி இருக்க மாட்டாங்க. இல்லையா“ ப்ரொஃபெஸ்ஸர் சாரி, “இருந்தாலும் கோர்ட் ஆர்டர் வாங்கறது முடியாத ஒரு செயலா என்ன?” முரளீதரன், “முடியும். இல்லைன்னு சொல்லலை. ஆனா அது ஒரு பெரிய ப்ராஸஸ். அதனால எஃப்.பி.ஐ இதுவரை அதை செய்யலை. ஆனா, இப்ப மாங்க்ஸ் பாட் நெட்டுக்கு கிடைத்து இருக்கும் மோசமான விளம்பரத்தினால் எளிதா கோர்ட் ஆர்டர் வாங்கி கூகிள் நிறுவனத்தை அணுக முடியும்." ப்ரொஃபெஸ்ஸர் சாரி, "சரி, மேல சொல்லுங்க நீங்க எப்படி கண்டு பிடிக்கப் போறீங்க? எங்கே என் உதவி தேவை?" முரளீதரன், "வந்தனா, You please continue .. ." வந்தனா அவர்கள் இதுவரை கண்டு பிடித்ததையும் அவர்களது செயற்திட்டத்தையும் விளக்கினாள். முடிவில், "Let me summarize. மாங்க்ஸ் பாட் நெட் சர்வரில் இருந்து வரும் ஆணைகளில் அதன் இணைய விலாசம் புதைந்து இருக்கு. சர்வரில் இருந்து வரும் மெஸ்ஸேஜ்களை பிரிச்சு எடுத்து ஆராய்ந்து அந்த இணைய விலாசத்தை கண்டு பிடிக்கணும். கூடவே அவங்களுக்கு ஈமெயில் விளம்பரத்துக்கான ஆர்டர் கொடுக்கும் போதும் அதற்கான பணத்தை அவங்களுக்கு கொடுக்கும் போதும் அவங்களை நேரடியா அணுக முடியுதான்னு பார்க்கணும். எங்க ஆக்க்ஷன் ப்ளானை நான் மூணு மேஜர் ஸ்டெப்ஸா பிரிச்சு இருக்கேன். ஒவ்வொரு ஸ்டெப்புக்கும் எவ்வளவு நாள் தேவைன்னுநாங்க கணித்ததையும் கொடுத்து இருக்கேன்" என்ற படி அடுத்த ஸ்லைடைக் காட்டினாள் 1. ஈமெயில் விளம்பரங்களுக்கான ஆர்டர்களை கொடுத்து மாங்க்ஸ் சர்வரில் இருந்து வரும் ஆணைகள் கொண்ட மெஸ்ஸேஜ்களை பிரித்து எடுத்து சேமிப்பது. இதே கட்டத்தில் ஈமெயில் விளம்பரத்துக்கான ஆர்டர் கொடுக்கும் போதும் அதற்கான பணத்தை அவங்களுக்கு கொடுக்கும் போதும் அவங்களை நேரடியா அணுக முடியுதான்னு பார்க்கற வேலையை எஃப்.பி.ஐ செய்ய ஒத்துகிட்டு இருக்காங்க. .... மூன்று மாதங்கள் .... செப்டெம்பர் 1 2008 முதல் நவம்பர் 28 வரை 2. நூறு கணிணிகளில் மாங்க்ஸ் வைரஸை புகுத்தி அவைகளின் மெஸ்ஸேஜ்களை டாம்பர் செய்து சர்வரில் இருந்து தன்னை தானே அழித்துக் கொள்வதற்கான ஆணைகள் கொண்ட செல்ஃப் டிஸ்ட்ரக்ட் மெஸ்ஸேஜ்களை சர்வரில் இருந்து வரவழைத்து அவைகளை பிரித்து எடுப்பது. ..... ஒரு மாதம் ... டிஸம்பர் 2008 முழுவதும் 3. ஈமெயில் விளம்பரம் அனுப்ப வந்த ஆணைகளையும், தன்னை தானே அழித்துக் கொள்ள வந்த ஆணைகளையும் ஒன்றாக சேர்த்து அவைகளில் புதைந்து இருக்கும் சர்வரின் இணைய விலாசத்தை ஆராய்ந்து கண்டு பிடிப்பது .... மூன்று அல்லது நான்கு மாதங்கள் ஆகலாம் ... இதை இப்போதைக்கு சரியாக கணிக்க முடியாது" 4. ப்ரொஃபெஸ்ஸர் சாரி, "வந்தனா நானும் என் டீமும் எந்த ஸ்டெப்பில் முழுசா இன்வால்வ் ஆகணும்?" வந்தனா, "கடைசி ஸ்டெப் முழுக்க முழுக்க உங்களுதுதான் சார். அந்த ஸ்டெப்புக்கு தேவையான அளவுக்கு எங்களுக்கு தெரியாது. பட், மத்த ஸ்டெப்ஸ்லயும் வாரத்துக்கு ஒரு தடவை நீங்களும் முரளி சார்கூட சேர்ந்து ரிவ்யூ பண்ணினா நல்லா இருக்கும்" ப்ரொஃபெஸ்ஸர் சாரி, "ஓ.கே. டன்! ஆனா முரளி, அவங்களை அணுக இருக்கும் ஒரே வழி அவங்க ஜீமெயில் ஐ.டி. கூகிள் நிறுவனத்தின் உதவியோட அவங்களை கண்டு பிடிக்க முடியுமான்னு இன்னும் தீவிரமா முயற்சி செய்யணும்ன்னு எனக்கு தோணுது. அப்படி முடியும்ன்னா வந்தனா, நீ சொன்ன மத்த எதுவும் தேவை இல்லை. சரியா?" வந்தனா, "எஸ் ப்ரொஃபெஸ்ஸர்" ப்ரொஃபெஸ்ஸர் சாரி, "முதலில் ஏன் ஈமெயில் விளம்பரத்துக்கான் ஆர்டர் கொடுத்து சர்வரில் இருந்து வரும் ஆணைகளை பிரித்து எடுக்க மூணு மாசம் தேவைன்னு போட்டு இருக்கே?" வந்தனா, "நமக்கு குறைஞ்சசு முந்நூறு மெஸ்ஸேஜ்களாவுது தேவை. ஒரே நாளில் நிறைய ஆர்டர் கொடுக்க முடியாது. கொடுத்தா சந்தேகப் படுவாங்க. அதனால வாரத்துக்கு ரெண்டு அல்லது மூணு ஆர்டர்ன்னு கணக்கு பண்ணி இருக்கேன். நாம் கொடுப்பதை தவிர அவங்களுக்கு வாரத்துக்கு ஒரு ஆர்டராவுது வருது. அதையும் சேர்த்து முந்நூறுன்னு கணக்கிட்டு இருக்கேன்" ப்ரொஃபெஸ்ஸர் சாரி, "சோ, நீ போட்ட ப்ளானில் இருந்து ரொம்ப விலகாம ஒரு காரியம் செய்யலாம். உன் ப்ளான் படி முதலில் அவங்களுக்கு ஈமெயில் விளம்பரத்துக்கான ஆர்டர்களை கொடுக்கப் போறோம். அப்படி ஆர்டர் கொடுக்கறதுக்கு முன்னால் கூகிள் நிறுவனத்தை அணுகி அந்த ஐ.டியின் மெயில் போக்குவரத்து அனைத்தையும் நம்மிடம் அவங்க பகிர்ந்து கொள்ளணும்ன்னு அவங்களுக்கு ஒரு கோர்ட் ஆர்டர் கொடுக்க வைக்கணும். அப்படி ஒரு ஆணை தயாராக கொஞ்ச நாள் ஆனாலும் பரவால்லை. முதலில் கூகிள் நிறுவனம் ஒத்துகிட்டத்துக்கு அப்பறம் மாங்க்ஸ் ஜீமெயில் ஐடிக்கு ஈமெயில் விளம்பரத்துக்கான ஆர்டர்களை கொடுக்க சொல்லலாம். எஃப்.பி.ஐ கொடுக்கும் ஒவ்வொரு ஆர்டர் தொடர்பான மெயில் போக்குவரத்தையும் நாம் கண்காணிக்கலாம். கூடவே அந்த ஆர்டர்களினால் சர்வரிடம் இருந்து வரும் மெஸ்ஸேஜ்களையும் பிரிச்சு எடுத்து சேர்க்கலாம். அவங்க எந்த இணைய விலாசத்தில் இருந்து ஈமெயில்களை படிக்கறாங்கன்னு ஓரளவுக்கு க்ளூ கிடைச்சதும் அவங்க யார்ன்னு எளிதா கண்டு பிடிச்சுடலாம்" முரளீதரன், "வந்தனா, தீபா, ப்ரொஃபெஸ்ஸர் சொல்றது சரி. நான் முதலில் கூகிள் நிறுவனத்திடம் இருந்து ஒப்புதல் வாங்கறதுக்கு ஏற்பாடு பண்ணறேன். அதுவரைக்கும் நீங்க ஆபரேஷனை ஆரம்பிக்க வேண்டாம்" தீபா, "அதுக்கு எவ்வளவு நாள் ஆகும் சார்?" முரளீதரன், "தெரியலை தீபா. என் கணிப்புப் படி ரெண்டு மூணு வாரம் ஆகலாம்" வந்தனா, "சரி சார்" என்றாலும் டிஸம்பர் இறுதியில் இருந்து ஜனவரி முதல் இரண்டு வாரங்கள் வரை லீவ் எடுக்க வேண்டியதை மனதில் கணக்கிட்டாள். முரளீதரன், "பட், நீங்க கேட்ட மத்ததுக்கு ஏற்பாடு பண்ணறேன். நீங்க இரண்டாவதா செய்யறதா இருந்த அந்த மெஸ்ஸேஜ் டாம்பர் செஞ்சு செல்ஃப் டிஸ்ட்ரக்ட் ஆணை வரவழைக்கறதை முதலில் ஏன் செய்யக் கூடாது?" வந்தனா, "முடியாது சார். ஒரே நாளில் நூறு ஆணைகள் சர்வரில் இருந்து போறதை அவங்க பாத்த உடனே சுதாரிச்சுக்குவாங்க. அதுக்கு அப்பறம் என்ன செய்வாங்கன்னு நம்மால யூகிக்க முடியாது. நிச்சயம் கொஞ்ச நாள் அவங்க மாங்க்ஸ் பாட் நெட்டை நிறுத்தி வைப்பாங்க. ஈமெயில் விளம்பரத்துக்கான ஆர்டர்களை அவங்க எடுத்துப்பாங்களாங்கறது சந்தேகம். ஆனா, நமக்கு அந்த செல்ஃப் டிஸ்ட்ரக்ட் ஆணை மெஸ்ஸேஜ்களுடன் ஈமெயில் விளம்பரத்துக்கான முந்நூறு ஆணைகளுக்கான மெஸ்ஸேஜ்களும் தேவை. அதனால் அந்த செல்ஃப் டிஸ்ட்ரக்ட் மெஸ்ஸேஜ் வரவழைக்கறதை ரெண்டாவதாதான் செய்ய முடியும்" தீபா, "இல்லை வந்தனா. ரெண்டாவுது ஸ்டெப்பில் இருக்கும் எல்லா வேலைகளையும் இப்போ செய்ய முடியாது. ஆனா சில வேலைகளை செய்ய முடியும். இப்போ இருந்து ஒரு நாளைக்கு ஒரு டாம்பர் செஞ்சு அந்த செல்ஃப் டிஸ்ட்ரக்ட் மெஸ்ஸேஜ்களை எப்படி பிரித்து எடுப்பதுன்னு ஆராயலாம். கூடவே இந்த ஸ்டெப்புக்கு தேவையான மென்பொருள்களை எழுதலாம். இந்த ரெண்டு வேலைகளை முடிக்க நமக்கு எப்படியும் ரெண்டு மூணு வாரம் ஆகும். அந்த வேலைகள் எல்லாம் முடிச்சுட்டா நூறு கணிணிகளையும் ஒரே சமயத்தில் டாம்பர் செய்யறது, மாங்க்ஸ் சர்வரில் இருந்து வரும் செல்ஃப் டிஸ்ட்ரக்ட் மெஸ்ஸேஜ்களை பிரிக்கறது இதெல்லாம் ரெண்டு மூணு நாளில் முடிச்சுடலாம்.
ஏன்னா அதெல்லாம் ஆடோமாட்டிக்கா மென்பொருள் மூலம் செய்யற வேலைகள்வந்தனா, "அப்படின்னா அந்த ரெண்டாவதா ஸ்டெப்பை செல்ஃப் டிஸ்ட்ரக்ட் மெஸ்ஸேஜ் வரவழைக்க தேவையான் ஏற்பாடுகள் செய்வது, செல்ஃப் டிஸ்ட்ரக்ட் மெஸ்ஸேஜ் வரவழைக்கறது அப்படின்னு ரெண்டா பிரிச்சுக்கலாம்" என்ற படி தன் பவர் பாயிண்டில் கீழ்கண்ட் மாற்றங்களை செய்தாள். மனதுக்குள் தனக்கு டிசம்பர் இறுதியில் தேவையான மூன்று வாரங்களை கழித்து கணக்கிட்டு எழுதினாள். 1. தன்னை தானே அழித்துக் கொள்வதற்கான ஆணைகள் கொண்ட செல்ஃப் டிஸ்ட்ரக்ட் மெஸ்ஸேஜ் சர்வரில் இருந்து வரவழைக்க தேவையான் ஏற்பாடுகள் செய்வது ... மூன்று வாரங்கள் .... செப்டெம்பர் 1 2008 முதல் செப்டெம்பர் 19 2008 வரை 2. ஈமெயில் விளம்பரங்களுக்கான ஆர்டர்களை கொடுத்து சர்வரிடம் இருந்து வரும் ஆணைகள் கொண்ட மெஸ்ஸேஜ்களை பிரித்து எடுத்து சேமிப்பது. எஃப்.பி.ஐ மூலம் ஈமெயில் விளம்பரத்துக்கான ஆர்டர் கொடுக்கும் போதும் அதற்கான பணத்தை அவர்களுக்கு கொடுக்கும் போதும் அவர்களை நேரடியா அணுக முடிகிறதா என்று பார்க்கின்ற வேலை.... மூன்று மாதங்கள் ... செப்டெம்பர் 22 2008 முதல் டிசம்பர் 19 2008 வரை 3. நூறு கணிணிகளில் வைரஸ்ஸை புகுத்தி அவைகளின் மெஸ்ஸேஜ்களை டாம்பர் செய்து சர்வரில் இருந்து தன்னை தானே அழித்துக் கொள்வதற்கான ஆணைகள் கொண்ட செல்ஃப் டிஸ்ட்ரக்ட் மெஸ்ஸேஜ்களை சர்வரில் இருந்து வரவழைத்து அவைகளை பிரித்து எடுப்பது. .... அதிக பட்சம் ஐந்து நாட்கள் ... டிசம்பர் 22 2008 முதல் டிசம்பர் 26 2008 வரை 4. ஈமெயில் விளம்பரம் அனுப்ப வந்த ஆணைகளையும், தன்னை தானே அழித்துக் கொள்ள வந்த ஆணைகளையும் ஒன்றாக சேர்த்து அவைகளில் புதைந்து இருக்கும் சர்வரின் இணைய விலாசத்தை ஆராய்ந்து கண்டு பிடிப்பது .... அடுத்த மூன்று அல்லது நான்கு மாதங்கள் ... முரளீதரன், "எக்ஸலெண்ட். நீங்க அந்த நூறு கணிணிகளையும் டாம்பர் செய்யறதை டிசம்பர் 24 தேதி அன்னைக்கு பண்ணுங்க. அடுத்த ஒரு வாரம் அமெரிக்காவில் எல்லாரும் லீவில் போவாங்க. ஒரு வேளை நம் மாங்க்ஸ் சூத்திரதாரிகள் அமெரிக்கர்களா இருந்தா ஒரு வாரத்துக்கு சர்வரை கண்காணிக்காமல் இருக்க வாய்ப்பு இருக்கு" தீபா, "வாவ்! முரளி சார்!! பரவால்லை சார் உங்களுக்கும் கொஞ்சம் தெரிஞ்சு இருக்கு" ஜாயிண்ட் டைரக்டர் முறைக்க மற்றவர் அனைவரும் சிரித்தனர். முரளீதரன் ஜாயிண்ட் டைரக்டரிடம், "கண்டுக்காதீங்க சார். என் டீமில் எல்லாரையும் நான் என்னையே கிண்டல அடிக்க விடுவேன். அந்த சலுகையை முழுக்க பயன் படுத்திக்கற ஒரே ஆள் தீபா" அன்றில் இருந்து வந்தனா ஒவ்வொரு நாளும் வெவ்வேறு இணைய விலாசம் கொண்ட ஒன்று இரண்டு கணிணிகளில் மாங்க்ஸ் வைரஸ்ஸை புகுத்தி அவற்றின் மெஸ்ஸேஜ்களை டாம்பர் செய்து சர்வரில் இருந்து அடுத்த நாள் வரும் ஆணைகளை எப்படி பிரித்து எடுப்பது என்று ஆராயத் தொடங்கினாள். தீபா மென்பொருள் எழுதுவதில் மூழ்கினாள்.Sunday, 7 September 2008 11:30 AM Joshua's Flat, New York, USA செப்டெம்பர் 7 2008, காலை 11:30 மணி ஜாஷ்வாவின் இல்லம், நியூ யார்க் ஜாஷ்வா, "என்ன சக்தி, ஒரு வாரமா வந்தனா நினைப்பாவே இருக்கா?" சக்தி, "ம்ம்ம் ... ஆமா. ஆனா கூட கடுப்பாவும் இருக்கு" ஜாஷ்வா, "ஏன்?" நித்தின், "அவங்க ஊருக்கு போன ரெண்டு நாளில் இருந்து தினம் ஒண்ணு ரெண்டு செல்ஃப் டிஸ்ட்ரக்ட் மெஸ்ஸேஜ் சர்வரில் இருந்து போயிட்டு இருக்கு" ஜாஷ்வா, "பொண்ணுங்க அவங்க வேலையை தொடங்கிட்டாங்க! சரி, அவங்க என்ன செய்யறாங்கன்னு கண்டு பிடிச்சீங்களா?" சக்தி, "ம்ம்ம் ... அவங்க கணிணியில் இருந்து போற மெஸ்ஸேஜ்ஜை டாம்பர் செய்யறாங்க" ஜாஷ்வா, "சோ, அவங்களால் இப்ப மாங்க்ஸ் வைரஸ்ஸின் மெஸ்ஸேஜ் போக்கு வரத்தை அந்த கணிணியின் மத்த மெஸ்ஸேஜ்களில் இருந்து தனியா பிரிச்சு எடுக்க முடியுது. இல்லையா?" நித்தின், "ஆமா .. " ஜாஷ்வா, "அடுத்ததா என்ன செய்வாங்கன்னு நீங்க நினைக்கறீங்க?" சக்தி, "நம்மை, மாங்க்ஸ் சர்வரை அடையாளம் கண்டு பிடிப்பதுதான் அவங்களோட குறிக்கோள் இல்லையா?" ஜாஷ்வா, "ஆமா" சக்தி, "சோ, மெஸ்ஸேஜஸ்ல இருக்கும் சர்வரோட ஐ.பி அட்ரெஸ்ஸை கண்டு பிடிக்க என்ன வழின்னு பார்ப்பாங்க" நித்தின், "அதாவது நம் மெஸ்ஸேஜஸுக்குள்ள ஐ.பி அட்ரெஸ் இருக்குன்னு அவங்க நினைச்சா" ஜாஷ்வா எழுந்து கிச்சனுக்கு சென்று அங்கிருந்து, "Beer ... anybody?" என்று கூப்பிட்டான் சக்தியும் நித்தினும் எழுந்து கிச்சனுக்கு சென்றனர். சக்தி ஃப்ரிட்ஜில் இருந்த பியர் கேனை எடுத்து உடைத்தவாறு, "நம் ஆளுங்களை அவ்வளவு கம்மியா எடை போடாதே. நிச்சயம் அப்படி யூகிச்சு இருப்பாங்க. ஆனா நம் மெஸ்ஸேஜகளை அவங்களால டீ-கோட் செய்ய முடியும்ன்னு எனக்கு தோணலை." என்றான். பிறகு நித்தினிடம் தமிழில் "எப்படியும் ஒண்ணு ரெண்டு மெஸ்ஸேஜ்களை வெச்சுகிட்டு ஒரு மயிரையும் புடுங்க முடியாது" என்றான். சஞ்சனா சுவாரஸ்யமாக அந்த உரையாடலை கேட்டவாறு சமைத்துக் கொண்டு இருந்தாள். ஜாஷ்வா சஞ்சனாவின் இடுப்பை வளைத்து அவள் அருகில் நின்றபடி, "ஹனி, சக்தி கடைசியா என்ன சொன்னான்?" விழித்து தலையை சொறிந்த சக்தியையும் ஜாஷ்வாவையும் பார்த்து சஞ்சனா, "ஜாஷ் கண்ணா, முதல்ல நீ சாதாரண பேச்சு எல்லாம் கத்துக்கோ. அண்ணன் சொன்னதை அப்படியே மொழி பெயர்த்தான்னா நீ எக்கச் சக்கமா கேள்வி கேப்பே. உனக்கு பதில் சொல்ல எங்களுக்கு தெரியாது. அதான் தலையை சொறிஞ்சுட்டு நிக்கறான்" சக்தி, "நோ சஞ்சனா, ஐ வில் ட்ரை" என்றபடி ஜாஷ்வாவை அழைத்துக் கொண்டு சென்றான். சஞ்சனா, "சரி, நீயாச்சு உன் மாமனாச்சு .. என்னை மட்டும் உதவிக்கு கூப்பிடாதே" மதிய உணவு தொடங்குகையில் சக்தி இந்திய பண்பாட்டில் ஏன் தலை முடிக்கு மதிப்பு இல்லை என்பதை ஜாஷ்வாவுக்கு விளக்க திணறிக் கொண்டு இருந்தான். Monday, 20 October 2008 9:00 AM Conference room in R&AW Headquarters, CGO Complex, New Delhi திங்கள், அக்டோபர் 20 2008 காலை 9:00 மணி R&AW தலைமை அலுவலகத்தில் இருக்கும் கலந்தாய்வுக் கூடம், CGO காம்ப்ளெக்ஸ், புது தில்லி ஒவ்வொரு திங்களன்றும் அவர்கள் கூடி கடந்த வாரத்தின் செயல்களையும் அந்த வாரத்தில் செய்யப் போவதையும் அலசுவது என்று முடிவெடுத்து இருந்தனர். கடந்த மூன்று வாரமாக ரிவ்யூ மீட்டிங்க்கிற்கு ப்ரொஃபெஸ்ஸர் சாரி வந்து இருக்கவில்லை. ப்ரொஃபெஸ்ஸர் சாரி, "சோ, ஈமெயில் விளம்பரத்துக்கான ஆர்டர்கள் கொடுக்கற வேலை ஆரம்பிச்சாச்சா?" வந்தனா, "எஸ் ப்ரொஃபெஸ்ஸர். கூகிள் நிறுவனத்திடம் இருந்து செப்டெம்பர் 25ம் தேதிதான் ஒப்புதல் வந்துது. அதுக்கு அடுத்த ரெண்டு நாளில் ஆரம்பிச்சோம். இப்ப மூணு வாரமா ஏழு ஈமெயில் விளம்பரத்துக்கு ஆர்டர் கொடுத்து இருக்கோம்" ப்ரொஃபெஸ்ஸர் சாரி, "அவங்க நாம் அனுப்பும் மெயிலை எந்த இணைய விலாசத்தில் இருந்து படிக்கறாங்கன்னு தெரிஞ்சுதா? எதாவுது க்ளூ கிடைச்சுதா?" தீபா (ஏளனம் மிகுந்த குரலில்), "ஓ நிறைய தெரிஞ்சுது. இது வரைக்கும் அனுப்பிய. ஒவ்வொரு மெயிலையும் ரஷ்யா, ஐஸ்லாந்து, ஐயர்லாண்ட், லித்துவேனியா இப்படி வெவ்வேற நாட்டில் இருக்கும் கணிணியில் இருந்து படிச்சு இருக்காங்க. நாங்க சுத்தமா குழம்பிப் போயிருக்கோம்" ப்ரொஃபெஸ்ஸர் சாரி, "என்ன சொல்றே நீ." வந்தனா, "நாங்க எப்படி வெவ்வேறு இணைய விலாசத்தை வெச்சுட்டு டாம்பர் பண்ண முயற்சி செய்யறமோ அதுக்கும் ஒரு படி மேல அவங்க இருப்பாங்கன்னு தோணுது. விலாசம் மட்டும் இல்லை அவங்க ஆக்ஸஸ் செய்யும் கணிணியே வேற நாட்டில் இருப்பது போல் இருக்கு" ப்ரொஃபெஸ்ஸர் சாரி, "அப்ப மாங்க்ஸ் பாட் நெட்டை ஒரு கூட்டமே ஒண்ணா சேந்து ஆபரேட் பண்ணுதா?" முரளீதரன், "அப்படி இருக்க முடியாதுன்னு ஷான் ஹென்றி அடிச்சு சொல்றார். ஆனா அவருக்கும் எப்படி அவங்க ஆக்ஸஸ் பண்ணறாங்கன்னு புரியலை" ப்ரொஃபெஸ்ஸர் சாரி, "சரி அதை விடுங்க. விளம்பர ஆர்டருக்கான பணத்தை எப்படி வசூல் செய்யறாங்க?" முரளீதரன், "ஒரு அமெரிக்கன் பாங்கில் அட்லாண்டா நகரத்தில் இருக்கும் கிளையில் ஒரு அக்கௌண்டில் போட சொல்லி மெயில் அனுப்பறாங்க. அந்த அக்கௌண்ட் யாருதுன்னு எஃப்.பி.ஐ விசாரிச்சு பார்த்தது. அஞ்சு மாசத்துக்கு முன்னாடி யாரோ ஒரு ஆஃப்ரிக்கன்-அமெரிக்கன் வந்து அந்த அக்கௌண்டை ஓபன் பண்ணி இருக்கான். அவன் கொடுத்த ஐடி ப்ரூஃப் அட்ரெஸ் ப்ரூஃப் எல்லாம் போலி. அதுக்கு அப்பறம் அவன் பாங்க் பக்கம் வரவே இல்லை. டெபாசிட் ஆகிற பணத்தில் இதுவரைக்கும் மூணு தடவை அவங்க எடுத்து இருக்காங்க. எடுத்து இருக்காங்கன்னா அவங்க எடுத்துக்கலை. ஒரு சர்ச், ஒரு அனாதை இல்லம் அப்பறம் சால்வேஷன் ஆர்மி இந்த மூணுக்கும் அவங்க நெட் பாங்கிங்க் மூலம் பணம் ட்ரான்ஸ்ஃபர் பண்ணி இருக்காங்க" ப்ரொஃபெஸ்ஸர் சாரி, "என்னது இது?, வாங்கற காசை எல்லாம் தர்மம் பண்ணறாங்களா?" வந்தனா, "அப்படித்தான் தோணுது. ரொம்ப நல்லவங்களா இருப்பாங்க போல இருக்கு. அதே சமயம் பணக்காரங்களா இருப்பாங்க மாதிரி இருக்கு" முரளீதரன், "Any how, உங்க திட்டத்தின் படி உங்களுக்கு தேவையான மெஸ்ஸேஜஸ் கிடைக்குது இல்லையா?" தீபா, "கிடைக்குது சார்." வந்தனா, "ப்ரொஃபெஸ்ஸர், இன்னொரு சுவாரஸ்யமான விஷயம். அவங்க ஜீமெயில் ஐடிக்கு மெயில் வந்தால் மட்டும் அவங்க மெயில் பாக்ஸை ஓபன் பண்ணறாங்க. மெயில் எதுவும் வராத தினத்தில் மெயில் பாக்ஸ் ஓபன் செய்யப் படுவதே இல்லை. ஆனா, வெவ்வேற கணிணிகளில் இருந்து ஜீடாக் மூலம் மெயில் வந்துதான்னு செக் பண்ணறாங்க. ஜீடாக் மூலம் செக் பண்ணற கணிணியும் மெயில் ஓபன் பண்ணி பாக்கற கணிணியும் வெவ்வேற" ப்ரோஃபெஸ்ஸார் சாரி, "எப்படி இதை செய்யறாங்க. புரிஞ்சுக்கவே முடியலையே" முரளீதரன், "இதுவரைக்கும் அமெரிக்காவிலோ இந்தியாவிலோ இருக்கும் எந்த கணிணியில் இருந்தும் அவங்க மெயில் ஆக்ஸஸ் பண்ணலை. ஒவ்வொரு முறையும் ஆர்டர் கொடுத்ததுக்கு பிறகு எந்த இணைய விலாசத்தில் இருந்து அவங்க ஆக்ஸஸ் செய்யறாங்கன்னு தொடர்ந்து கண்காணிச்சுட்டு வருவோம். நிச்சயம் ஒரு நாள் நாம் எளிதில் கண்டு பிடிக்கக் கூடிய எதாவுது ஒரு நாட்டில் இருக்கும் கணிணியில் இருந்து அவங்க ஆக்ஸஸ் பண்ணுவாங்கன்னு தோணுது. பார்க்கலாம்" தீபா, "ஆனா, எங்களுக்குதான் டிசம்பர்வரை ஒரு வேலையும் இல்லை" முரளீதரன், "இந்திய அரசாங்கத்தில் இருக்கற ஒவ்வொரு ஊழியனும் உன்னை மாதிரி வேலை செய்யணும்ன்னு பார்த்தா பாதி பேருக்கு ஒரு வேலையும் இருக்காது. ஜாலியா இரு." தீபா, "அப்ப நாங்க தீபாவளிக்கு ஒரு வாரம் லீவ் எடுத்துட்டு ஊருக்கு போயிட்டு வரலாமா?" முரளீதரன், "என்னைக்கு போறீங்க?" வந்தனா, "வரும் வெள்ளிக் கிழமை, தட் ஈஸ் 24ம் தேதி சாயங்காலம் புறப்படலாம்னு இருக்கோம். அடுத்த வாரம் ஞாயிற்று கிழமை நவம்பர் ஒண்ணாம் தேதி திரும்பி வந்துடுவோம்" முரளீதரன், "நீங்க ஏற்கனவே ப்ளான் பண்ணிட்டு கேட்கற மாதிரி இருக்கு. நீங்க இங்கே இல்லாத சமயத்தில் சர்வரில் இருந்து வரும் ஈமெயில் விளம்பரம் அனுப்பறதுக்கான ஆணைகளை உங்க புது அஸிஸ்டண்ட்ஸ் ஒழுங்கா செய்வாங்களா?"
தீபா, "நான் என் லாப் டாப்பை எடுத்துட்டுத்தான் போறேன். அவங்க பிரிச்சு எடுத்த மெஸ்ஸேஜ்களை எனக்கு அனுப்பச் சொல்லப் போறேன். தினமும் நான் செக் பண்ணறேன்" ப்ரோஃபெஸ்ஸர் சாரி, "அந்த மெஸ்ஸேஜ்ஜை எப்படி உனக்கு அனுப்புவாங்க?" தீபா, "பிரிச்சு எடுத்த ஒவ்வொரு மெஸ்ஸேஜையும் ஒரு தனி ஃபைலில் ஸ்டோர் பண்ணி வைக்கறோம். அந்த ஃபைலை எனக்கு ஈமெயிலில் அட்டாச்மெண்ட்டா அனுப்புவாங்க" முரளீதரன், "அதனால் உன் லாப்டாப்புக்கு ஒரு தொந்தரவும் வராதா?" தீபா, "ம்ம்ம்ஹும், மைக்ரோஸாஃப்ட் விண்டோஸுக்கு அந்த மெஸ்ஸேஜ் என்னன்னே தெரியாது" ப்ரோஃபெஸ்ஸர் சாரி, "சோ, அடுத்த வாரம் ரிவ்யூ மீட்டிங்க இருக்கப் போறது இல்லையா?" முரளீதரன், "அதுக்கு அடுத்த வாரம் மீட் பண்ணலாம் ப்ரொஃபெஸ்ஸர்" அடுத்த வாரம் தோழிகள் இருவரும் தீபாவளியை குடும்பத்தினருடன் கொண்டாட புறப்பட்டு சென்றனர்.

செக்மேட் - சைபர் கிரைம் - பகுதி - 9

சக்தி, “என்ன ஜாஷ், காரோட்டும் போது சரளமா பேசிட்டே ஓட்டுவே. என்ன இன்னைக்கு ரொம்ப கான்ஸென்ட்ரேட் பண்ணி ஓட்டறே? நான் வேணும்ன்னா கொஞ்சம் தூரம் ஓட்டிட்டு வரட்டுமா?” சஞ்சனா, “விடுண்ணா, அய்யா ஆஃபீஸ்ல இருந்து வந்ததில் இருந்தே என்னவோ மூட் அவுட். அங்க போனதுக்கு அப்பறம் சரியாயிடுவாரு” எட்டு மணிக்கே லேக் ஜார்ஜில் இருக்கும் ஹாலிடே இன் ரிஸார்ட்டை அடைந்தனர். மூன்று அறைகளுக்கு சாவியுடன் நித்தின் வாசலில் காத்து இருந்தான். ஜாஷ்வா பெண்கள் மூவரையும் பார்த்து, “கால்ஸ், நீங்க மூணு பேரும் ரூமுக்கு போய் ஃப்ரெஷன் அப் பண்ணிட்டு டின்னருக்கு போங்க. நாங்க மூணு பேரும் தண்ணி அடிக்க போறோம்” சஞ்சனா, “என்னப்பா இது திடீர்ன்னு? நம்ம ப்ரோக்ராம்ல இது இல்லையே.

நாளைக்கு சாயங்காலம் போங்களேன்” ஜாஷ்வா, “நோ! எனக்கு இப்ப தண்ணி அடிக்கணும்” சஞ்சனாவின் முகம் சுருங்கியது. சக்தி, “என்ன ஜாஷ் இது?” சஞ்சனா ஜாஷ்வாவை தனியே அழைத்துச் சென்றாள். சற்று நேரத்திற்கு பிறகு திரும்பியவள் முகத்தில் பழைய உற்சாகத்துடன், “வந்தனா, தீபா, ஜாஷ்வா சொல்றதும் சரிதான். இன்னைக்கு சாயங்காலம் நம்ம மூணு பேரும் கொட்டம் அடிக்கலாம். அவங்க மூணு பேரும் தனியா கொட்டம் அடிக்கட்டும்” ஜாஷ்வா, நித்தின், சக்தி மூவரும் அந்த பெரிய ரிஸார்ட்டில் இருந்த பாரில் ஒரு மூலையில் இருந்த மேசைக்கு சென்று அமர்ந்தனர். சக்தி, “என்ன ஜாஷ் திடீர்னு?” நித்தின், “ஆக்சுவலா எனக்கு தண்ணி அடிக்கற மூட் இல்லை” ஜாஷ்வா, “உங்க ரெண்டு பேர் முகத்திலும் ஏமாற்றம் எழுதி ஒட்டி இருக்குது. ஆனா ஒரு முக்கியமான விஷயத்தை டிஸ்கஸ் பண்ணி முடிவெடுக்கணும். அதுக்கு தான் நான் அப்படி அவங்க கிட்ட இருந்து உங்களை கழட்டிட்டு வந்தேன்” நித்தின், “என்ன விஷயம்?” சக்தி, “எனி ப்ராப்ளம்?” ஜாஷ்வா, “தீபாவும் வந்தனாவும் இந்தியாவோட R&AWவின் சைபர் க்ரைம் பிரிவில் வேலை செய்யறவங்க. அதை விட முக்கியமா, மாங்க்ஸ் பாட் நெட்டை வேட்டை ஆடும் பொறுப்பை எடுத்துக்கறதுக்காக இங்கே வந்து இருக்காங்க”ஜாஷ்வா, “தீபாவும் வந்தனாவும் இந்தியாவோட R&AWவின் சைபர் க்ரைம் பிரிவில் வேலை செய்யறவங்க. அதை விட முக்கியமா, மாங்க்ஸ் பாட் நெட்டை வேட்டை ஆடும் பொறுப்பை எடுத்துக்கறதுக்காக இங்கே வந்து இருக்காங்க” சில நிமிடங்கள் மௌனமாக கழிந்தது ... மௌனத்தை கலைத்த சக்தி, "இது மாதிரி தான் இருக்கும்ன்னு நான் சந்தேகப் பட்டேன். ஆனா, நம் பாட் நெட்டை கண்டு படிக்கும் வேலையை இவங்க ரெண்டு பேரும் செய்யப் போறாங்கங்கன்னு எதிர்பார்க்கலை. சரி, நீ எதையும் தீர விசாரிக்காம சொல்ல மாட்டேன்னு தெரியும். இருந்தாலும், எப்படி உனக்கு தெரிஞ்சுதுன்னு சொல்றயா?" ஜாஷ்வா, “சக்தி, நேத்து நைட்டு சர்வரில் இருந்து ஒரு செல்ஃப் டிஸ்ட்ரக்ட் கமாண்ட் (தன்னை தானே அழித்துக் கொள்ள ஆணை) போயிருக்குன்னு சொல்லி ஒரு ஐ.பி அட்ரெஸ் (இணைய விலாசம்) கொடுத்தே இல்லையா?” சக்தி, “ஆமா ..” ஜாஷ்வா, “அது யாரோடதுன்னு விசாரிச்சேன். ஃபெடரல் ப்ளாசா கட்டிடத்தில் இருக்கும் ஃபெஸிலிட்டீஸ் ஸ்டாஃப்கிட்ட (facilities staff) கேட்டபோது அந்த இணைப்பு ‘ஓ.பி.ஆர் 2 இந்தியா டீம்’ இருக்கும் ரூமுக்குன்னு சொன்னாங்க." நித்தின், "ஓ.பி.ஆர் 2?" ஜாஷ்வா, "ஆபரேஷன் பாட் ரோஸ்ட் 2 (Operation Bot Roast II) அப்படிங்கறது AKBOT புகழ் ஓவன் வாக்கரை பிடிச்ச மிஷனோட பெயர். அந்த ரூமில் யார் வொர்க் பண்ணிட்டு இருக்காங்கன்னு விசாரிச்சேன். இந்தியாவில் இருந்து வந்து இருக்கும் ரெண்டு பெண்கள்ன்னு சொன்னாங்க." சக்தி, "இவங்க ரெண்டு பேரைத் தவிர வேறு யாராவுது ... வந்தனா நிறைய பேர் ட்ரெயினிங்கில் கலந்துக்கறாங்கன்னு சொன்னாளே?" ஜாஷ்வா, "நோ! வெளி ஆளுங்க அந்த கட்டிடத்துக்கு நுழையும் போது விசிடர்ஸ் பாஸ் எடுத்துட்டு போகணும். யாராவுது தொடர்ந்து வந்துட்டு போகணும்னா டெம்பரரி ஐ.டி கார்ட் இஸ்ஸ்யூ பண்ணுவாங்க. இப்போதைக்கு இவங்க ரெண்டு பேருக்குத்தான் இஸ்ஸ்யூ பண்ணி இருக்காங்க. இதை அங்கே இருக்கும் செக்யூரிடி ஏஜன்ஸிகிட்ட இருந்து தெரிஞ்சுகிட்டேன்." நித்தின், "எப்படி அவங்க மாங்க்ஸ் பாட் நெட் வேட்டைல இறங்கி இருக்காங்கன்னு சொல்றே?" ஜாஷ்வா, "இன்னைக்கு காலைல இருந்து நாலஞ்சு பேர் மூலமா தகவல் சேகரிச்சேன். தீபாவும் வந்தனாவும் AKBOT வேட்டையில் முக்கிய பங்கு ஏற்று இருக்காங்க. மாங்க்ஸ் பாட் நெட்டை சில மாதங்கள் வரைக்கும் எஃப்.பி.ஐயில் இருக்கும் ரெண்டு பேர் கண்காணிச்சுட்டு வந்து இருக்காங்க. ஒரு வருஷமா கண்காணிச்சதில் மாங்க்ஸ் பாட் நெட் மூலம் எந்த விதமான அபாயமும் இல்லைன்னு நம்பறாங்க. இப்போதைக்கு அவங்க ஸ்டார்ம் பாட் நெட்டை(Storm Bot Net)யும் க்ரெடிட் கார்ட் விவரங்களை திருடும் இன்னும் சில பாட் நெட்டுகளையும் தீவிரமா வேட்டை ஆடிட்டு இருக்காங்க. இந்த சமயத்தில் நியூஸ் பேப்பர்காரங்க அரசியல் வாதிகள் எல்லாமா சேர்ந்து சத்தம் போட்டதும் எதாவது செஞ்சாகணும். அதனால இந்தியாவை உதவிக்கு அழைத்து இருக்காங்க. முக்கியமா, முரளீதரன் தலைமையில் இயங்கிய வந்தனா-தீபா டீமை கேட்டு இருக்காங்க. இப்போ அவங்களுக்கு மாங்க்ஸ் பாட் நெட்டை பத்தி அவங்களுக்கு தெரிஞ்ச விவரங்களை கொடுத்துட்டு இருக்காங்க. கண்காணிக்கும் பணியையும் கண்டு பிடிக்கும் பணியையும் அவங்க இந்தியா போய் தொடரப் போறாங்க" இந்திய நண்பர்கள் இருவரும் மௌனமாக தலை குனிந்து அமர்ந்து இருந்தனர். ஜாஷ்வா, "நீங்க இந்தியாவில் மேலும் விசாரிச்சா இவங்க ரெண்டு பேரைப் பத்தி முழு விவரமும் தெரியும்" நித்தின், "எனக்கு அவ குடும்ப சரித்திரமே தெரியும். " சக்தி, "அப்படியா?" நித்தின், "எஸ், அவங்க அப்பாவும் ஒரு பிரபலமான லாயர். நேத்து சாயங்காலம் அப்பாகிட்ட பேசிட்டு இருந்தப்ப அவர் கிட்ட காஷுவலா கேட்டேன். எங்க அப்பாவுக்கு அவரை நல்லா தெரியும். நான் எதோ மழுப்பறேன்னு புரிஞ்சுட்டு அவர் என் கிட்ட அவளை விரும்பறையான்னு நேரடியா கேட்டார். இல்லை, இப்போதைக்கு ஃப்ரெண்டாதான் பழகிட்டு இருக்கேன்னேன். அவருக்கு ரொம்ப சந்தோஷம். நான் ஒரு வார்த்தை சொன்னா போதும் உடனே அவரே அவங்க வீட்டில் போய் பேசி முடிச்சுடுவார்" ஜாஷ்வா, "சக்தி, உன் முகத்தில் ஏமாற்றம் தாண்டவமாடுது. வந்தனா உனக்கு ரொம்ப பொருத்தமானவன்னு சஞ்சனா என் கிட்ட பத்து தடவையாவுது சொல்லிட்டா. நிச்சயம் உங்க ரெண்டு பேர் வீட்டிலும் இதுக்கு ஒரு அப்ஜெக்க்ஷனும் இருக்காது இல்லை?" சக்தி, "எங்க அம்மா என் இஷ்டத்துக்கு எப்பவும் குறுக்கே நின்னது கிடையாது" ஜாஷ்வா, "கய்ஸ், இட்ஸ் ஓ.கே. உங்க ரெண்டு பேருக்கும் அவங்களை பிடிச்சு இருக்கு. அவங்களுக்கும் உங்களை பிடிச்சு இருக்கு. அவங்களோட வேலை உங்க காதலுக்கு இடையூறா இருக்கக் கூடாது. மாங்க்ஸ் பாட் நெட்டால மட்டும் உங்க காதலுக்கு எந்த இடையூறும் வராது. ஆனா நம் ட்ரான்ஸ்ஃபர் ஆபரேஷன் அரசாங்கத்தின் கண்களில் சட்ட விரோதமான செயல். உடனே நம் ஆபரேஷனை இழுத்து மூடிடலாம்" இன்னும் சில நிமிடங்கள் மௌனமாக கழிந்தது. குறும்பு புன்னகையுடன் சக்தி, "ஜாஷ், நித்தின், மாங்க்ஸ் பாட் நெட்டை அவங்களால கண்டு பிடிக்க முடியும்ன்னு நினைக்கறீங்களா?" ஜாஷ்வா, "இதை பத்தி நாம் முன்னாடி ஒரு தடவை டிஸ்கஸ் பண்ணி இருக்கோம். நிச்சயமா கண்டு பிடிக்க முடியாது." சக்தி, "நீ என்னடா சொல்றே?" நித்தின், "முதல்ல அப்படித்தான் நானும் நினைச்சேன். ஆனா தீபாகூட பழகினதுக்கு அப்பறம் கொஞ்சம் சந்தேகமா இருக்கு ... பாரேன், வந்து ஒரே வாரத்தில் அவ எதையோ நோண்டி இருக்கா சர்வரில் இருந்து ஸெல்ஃப் டிஸ்ட்ரக்ட் மெஸ்ஸேஜ் போயிருக்கு. நிச்சயம் சர்வரில் இருந்து நேரடியா போற மெஸ்ஸேஜுன்னு தெரிஞ்சு இருக்கும். அதை வெச்சுட்டு சர்வரை ட்ராக் பண்ண முயற்சிக்கலாம் இல்லையா?" சக்தி, "நானும் அதை யோசிச்சேன். அவங்க நோண்டின கணிணிக்கு வரும் பல மெஸ்ஸேஜ்களுக்கு நடுவே ஒண்ணு சர்வரில் இருந்து போயிருக்கும். முதல்ல அதை அவங்க எதுன்னு கண்டு பிடிக்கணும். அதுக்கப்பறம், ஒரு மெஸ்ஸேஜை வெச்சுட்டு ஒரு மயிரையும் புடுங்க முடியாது. எந்த ஒரு கணிணியையும் அணுக நமக்கு குறைஞ்சது நாலு ரூட் இருக்கும். இது நாம் முதல்லயே மாங்க்ஸ் பாட் நெட்டை உருவாக்கும் போது ப்ளான் பண்ணினது. தவிர, Thanks to Joshua's insistence, மூணு ப்ராக்ஸிக்கு பின்னாடி நம் சர்வர் இருக்கு. அதை ட்ரேஸ் அவுட் பண்ண அவங்களுக்கு எக்கச்சக்கமான நேரடி மெஸ்ஸேஜஸ் தேவைப் படும். அத்தனையும் ஒரே நாளில் அனுப்பினதா இருக்கணும். ஏன்னா நாம் டெயிலி ப்ராக்ஸி சர்வரை மாத்தறோம். ஒரு நாள் உபயோகிச்ச ப்ராக்ஸி சர்வரை அடுத்த பதினஞ்சு நாளுக்கு உபயோகிக்கறது இல்லை. இதை எல்லாம் வெச்சு பாத்தா நம் சர்வரை அவங்களால் கண்டு பிடிக்க முடியும்ன்னு எனக்கு தோணலை" ஜாஷ்வா, "அது மட்டும் இல்லை. அவங்க எந்த வழியில் முயற்சி செய்யறாங்கன்னு நமக்கு இப்போ தெரிஞ்சுருச்சு. ஒரு வேளை ஒரே நாளில் நிறைய மெஸ்ஸேஜ் போச்சுன்னா அன்னைக்கே நாம் சர்வரையே மாத்திடலாம்!" நித்தின் (சற்று யோசித்த பிறகு சிரித்தபடி), "எஸ் நீ சொல்றது சரி ... It will be fun to play hide-and-seek with that devil (அந்த பிசாசு கூட கண்ணாமூச்சி ஆட ஜாலியா இருக்கும்) .. " சக்தி, "அப்படியே அவங்க நம் பாட் நெட் சர்வரை கண்டு பிடிக்கறாங்கன்னு வெச்சுக்குவோம். அவங்களுக்கு நம் ட்ரான்ஸ்ஃபர் ஆபரேஷனைப் பத்தி தெரிஞ்சுக்க முடியுமா?" நித்தின், "முடிஞ்சு போன ட்ரான்ஸ்ஃபர் ஆபரேஷனைப் பத்தி நாமே எங்கேயும் ஸ்டோர் பண்ணி வெக்கறது இல்லையே. அவங்களுக்கு எப்படி தெரியப் போகுது? ட்ரான்ஸ்ஃபர் ஆபரேஷன் எப்படி நடக்குதுன்னு முன் கூட்டியே தெரிஞ்சுட்டு, எந்த எந்த கணிணிகள் அதில் இன்வால்வ் ஆகியிருக்குன்னும் தெரிஞ்சுகிட்டு, ஆபரேஷன் நடக்கும் போது கண்காணிச்சாத்தான் கண்டு பிடிக்க முடியும்". சக்தி, "சோ, அப்படி பாட் நெட் சர்வரை கண்டு பிடிக்கும் பட்சத்தில் நாம்தான் பாட் நெட்டை உருவாக்கினோம் அப்படிங்கற விவரம் மட்டும்தான் வெளிய வரப் போகுது. இல்லையா?" ஜாஷ்வா, "நீ சொல்றது சரி சக்தி. நீ எந்த அளவுக்கு வந்தனாவை நேசிக்கறே முதல்ல அதை சொல்லு" சக்தி, "ரொம்ப. அவளை கல்யாணம் பண்ணிக்கணும்ன்னு ஆசைப் படறேன்" ஜாஷ்வா, "அப்ப இதை சொல்லு. நாளைக்கு உனக்கு மனைவியா வரப்போறவகிட்ட உன்னால் நீ செய்யறதை மறைக்க முடியுமா? இல்லை மனைவியானதுக்கு அப்பறம் நீ செஞ்சதை மறைக்க முடியுமா. உன் மனசாட்சி உறுத்தும்" சக்தி, "இப்ப ஆபரேஷனை இழுத்து மூடிட்டா மட்டும் உறுத்தாதா? மூணு மாசமா செஞ்சுட்டுதானே இருக்கோம்?" ஜாஷவா (சற்று நேர யோசனைக்கு பிறகு), "யூ ஆர் ரைட் சக்தி, நான் இந்த கோணத்தில் யோசிக்கலை"சக்தி, "Besides, அடுத்த வாரம் ஒரு ட்ரான்ஸ்ஃபர் செய்யறதுக்கு ஒத்துகிட்டு இருக்கோம். எப்படியோ இறங்கியாச்சு இனி பாதில எதுக்கு விட்டுட்டு போகணும்? ஜாஷ்வா, நாங்க இங்கே இருக்கும் இந்த ஒரு வருஷத்துக்கு அப்பறம் நாம் ட்ரான்ஸ்ஃபர் ஆபரேஷனை தொடர முடியுமான்னு தெரியலை. நீயே அதை சொன்னே ஞாபகம் இருக்கா? இந்த ஒரு வருஷத்துக்கு அப்பறம் மாங்க்ஸ் பாட் நெட் மட்டும் தான் இருக்கும். இதன் மூலம் நடந்த ட்ரான்ஸ்ஃபர் ஆபரேஷன் யாருக்கும் தெரியப் போவது இல்லை. திரும்பிப் போனதும் நாமே வந்தனா-தீபா கிட்ட மாங்க்ஸ் பாட் நெட்டை நாங்கதான் உருவாக்கினோம்னு சொல்லிடலாம்" நித்தின், "சரணடையப் போறியா?" ஜாஷ்வா, "சக்தி சொல்ற லாஜிக் சரிதான். ஆனா எதுக்கு நீங்க சரணடையணும்? மாங்க்ஸ் பாட் நெட்டை என்ன சட்ட விரோதமான செயலில் ஈடு படுத்துனீங்க? அவங்களுக்கு தெரிஞ்ச அளவில் அதால் யாருக்கும் எந்த விதமான நஷ்டமும் இல்லை. எஸ், அதை வெச்சுட்டு நிறைய தீங்கு விளைவிக்கலாம். அப்படி எதுவும் செய்யாமல் பாதுகாத்து இருக்கீங்க. உங்களை பாராட்டுவாங்களே ஒழிய கைது செய்ய மாட்டாங்க"நித்தின், "What about the money we earn .. இந்த ட்ரான்ஸ்ஃபர் ஆபரேஷன் மூலம் நாம் சம்பாதிக்கும் பணம்? அதை எப்படி மறைக்கப் போறே?" சக்தி, "மாங்க்ஸ் பாட் நெட் மூலம் விளம்பர் ஈமெயில் அனுப்பி சம்பாதிச்சோம்ன்னு சொல்லலாம். ஒவ்வொரு டெபாசிட்டுக்கும் தகுந்தா மாதிரி ஈமெயில் அனுப்பினதுக்கு ஆதாரம் தயாரிக்கறது ஒண்ணும் பெரிய வேலை இல்லை. வேணும்ன்னா வருமான வரி கூட கட்டலாம்” ஜாஷ்வா, "இருந்தாலும் சக்தி. உன் மனைவிகிட்டயே மறைக்க வேண்டியதா இருக்கும். பரவால்லையா?" சக்தி, "ஜாஷ், வந்தனா என் கிட்ட எங்கே வேலை செய்யறான்னு மறைக்கலையா?. அப்படியே அவ R&AWவில் வேலை செய்யறதா சொன்னாலும் என்ன வேலைன்னு சொல்ல மாட்டா. R&AWவின் விதி முறைகள் அதுக்கு இடம் கொடுக்காது. நான் அதை புரிஞ்சுக்கத்தான் வேணும் இல்லையா? அவ வேலைக்காக அவளுக்கு ஒரு ஞாயம் எனக்கு ஒரு ஞாயமா? அவ அப்படி நினைப்பான்னு தோணலை. அவளும் என்னை புரிஞ்சிப்பா. நான் சொல்லாத, அவங்களுக்கு தெரியாத, அவங்களால கண்டு பிடிக்க முடியாத ஒண்ணு மூலம் நான் பணம் சம்பாதிச்சேன்னு அவ என் மேல் சந்தேகப் பட எந்த காரணமும் இல்லை. என்னால் யாருக்கும் எந்த நஷ்டமோ கெடுதலோ ஏற்படலைன்னு நான் சொன்னா அவ நிச்சயம் நம்புவா. நித்தின், நீ என்னடா சொல்றே" நித்தின், "உண்மையில் அந்த பணத்தை நான் எடுப்பேனான்னு தெரியலை. ஆனா ஒண்ணு. தீபா எதுக்கும் அசராத ஆளு. அவகிட்ட மறைக்கறதை விட உண்மையை சொன்னா பெரிசா எடுத்துக்கவே மாட்டான்னு தோணுது.” ஜாஷ்வா, “என்னது? பெரிசா எடுத்துக்க மாட்டாளா? பெரிய கேடியா இருப்பா போல இருக்கே” நித்தின், “நிஜமா! அவளோட மெண்டாலிட்டிக்கு எப்படி அவளை R&AWவில் வேலைக்கு சேர்த்துகிட்டாங்கன்னு எனக்கு குழப்பமா இருக்கு." சக்தி, "ஏன் ?" நித்தின், "போலீஸ் புத்தியை விட திருட்டு புத்திதான் அவளுக்கு அதிகம். அவளுக்கு எதையும் திருட வேண்டிய அவசியம் இல்லைங்கறது வேற விஷயம்" சிரித்த மற்ற நண்பர்கள் இருவரில் சக்தி, "இப்ப நீ இல்லையா? உனக்கு இவ்வளவு பணம் சம்பாதிக்க என்ன அவசியம்?" ஜாஷ்வா, "பட், நித்தின், அந்த மாதிரி புத்தியும் தேவைன்னு இப்ப போலீஸே நம்பறாங்க." நித்தின், "இல்லை ஜாஷ்வா, அவளா போய் R&AWவில் சேர்ந்து இருப்பான்னு எனக்கு தோணலை. எதோ ஒர் வற்புறுத்தலில் தான் போய் சேர்ந்து இருப்பா" ஜாஷ்வா, "ஸோ, எப்படி ஹாண்டில் பண்ணப் போறீங்க?" சக்தி, "இந்த ஒரு வாரமா எப்படி ஹாண்டில் பண்ணினமோ அதே மாதிரிதான். நான் அவ கிட்ட இதுவரைக்கும் நெருக்கமா பழகலை. இனி அப்படி இருக்கப் போறது இல்லை. ஆனா, எப்பவும் போல நான் அவ வேலையை பத்தி சொல்றதை நம்பலைன்னுதான் சொல்லப் போறேன். அவ கொஞ்சம் நெளிவா. பரவால்லை. திடீர்ன்னு அதை பத்தி கேட்காம இருந்தா நம் மேல் சந்தேகம் வரும்" நித்தின், "நீ சொல்றது சரி. நமக்கு தெரியும்ன்னு காண்பிச்சுக்க வேண்டாம். எப்பவும் போல நமக்கு தெரியாத மாதிரி கிண்டலடிச்சு கொஞ்சம் நெளிய விடலாம்" ஜாஷ்வா, "உண்மையில் நான் கொஞ்சம் கலங்கிப் போய் இருந்தேன். நீங்க ரெண்டு பேரும் எடுத்துக்கற விதம் சூபர்ப். ஐ அட்மையர் யூ சக்தி." நித்தின், "சரி, கொஞ்சமா தண்ணி அடிச்சுட்டு அவங்க கூட டின்னருக்கு போலாமா" சக்தி, "அவங்க பாதி டின்னர் முடிச்சு இருப்பாங்க. அட்லீஸ்ட் தண்ணியாவுது உருப்படியா அடிப்போம்" ஜாஷ்வா, "ஆமா, இன்னைக்கு கொஞ்சம் மட்டை ஆகலாம்"மூவரும் அவர்கள் விரும்பிய ட்ரிங்க்ஸை இரண்டு சிப்கூட எடுத்து இருக்கவில்லை. அதற்குள், "தேர் ... அங்கே பார் நான் சொன்னேன் இல்லையா? தண்ணி அடிச்சு மட்டை ஆகும் மூஞ்சிங்களை பாத்தியா? உக்காந்து எதாவுது பஸ்ஸில்ஸ் அல்காரிதம்ன்னு அரட்டை அடிச்சுட்டு ட்ரிங்க்ஸ் ஆர்டர் பண்ண மறந்து இருக்குங்கன்னு நான் சொன்னது சரி தானே?" என்ற சஞ்சனாவின் கிண்டலுக்கு இந்திய அழகிகள் இருவரும் சிரித்தபடி அவர்களின் மேசைக்கு வந்து சேர்ந்தனர். ஜாஷ்வா, "ஏய் என்னாச்சு உன் வெல்கம் டின்னர்? தலைக்கு 100 டாலர் டின்னர் ஃப்ரீயா கொடுக்கறான்னு சொல்லிட்டே இருந்தே?" சஞ்சனா, "நைட்டு பனிரெண்டரை வரைக்கும் இருக்குமாம். இப்ப ஒன்பதரை மணிதானே ஆகுது?" நித்தின், "இவ்வளவு நேரம் என்ன பண்ணிட்டு இருந்தீங்க?" தீபா, "ஃப்ரெஷன் அப் பண்ணி ட்ரெஸ் சேஞ்ச் பண்ணிட்டு வந்து இருக்கோம். பாத்தா தெரியலை?" நித்தின், "புளுகு மூட்டை. நான் உன்னைக் கேக்கலை ... " பேசாமல் அவள் முகத்தை பார்த்துக் கொண்டு இருந்த சக்தியிடம் வந்தனா, "சஞ்சனா இன்னைக்குதானே தீபாவை முதல் முதலா மீட் பண்ணறா. உக்காந்து அரட்டை அடிக்க ஆரம்பிச்சோம். நேரம் போனதே தெரியல" சஞ்சனா, "சரி, பாவம் பசங்க. கம்பெனி கொடுக்கலாம்ன்னு வந்தோம்" ஜாஷ்வாவுக்கு அருகே இருந்த ஒரே காலி நாற்காலியில் சஞ்சனா அமர்ந்தாள். சஞ்சனா, "அண்ணா, நீ எடத்தை காலி பண்ணு தீபா உட்காரட்டும். எதிரிலில் இருக்கும் கார்டன் ரொம்ப நல்லா இருக்குன்னு வந்தனா சொல்லிட்டு வந்தா. நீ அவளை கூட்டிட்டு போ" நித்தின், "ஏன் அவனை துரத்தறே?" சஞ்சனா, "தீபா உட்காரட்டும். இதுவரைக்கும் தீபா ஜாஷ்வாகூட பேசினது இல்லை அதனாலதான் .. " சக்தி தன் ட்ரிங்க்ஸ் க்ளாஸை எடுத்துக் கொண்டு எழுந்தான். வந்தனா அந்த மேசையில் இருந்த நொறுக்கு தீனி தட்டுகளில் ஒன்றை எடுத்துக் கொண்டு அவனுடன் சென்றதை சஞ்சனா வாஞ்சையுடன் பார்த்துக் கொண்டு இருந்தாள். நித்தினுக்கு அருகே அமர்ந்த தீபா ஜாஷ்வாவிடம் கைநீட்டி, "ஹாய் ஜாஷ்வா, நீங்க எனக்கு டென்ஸில் வாஷிங்க்டனை நினைவு படுத்தறீங்க" ஜாஷ்வா, "O thanks Deepa I am honored .. என் மனைவி முன்னால இதுக்கு மேல நீ எதாவது சொன்னா உன்னோட பாதுகாப்புக்கு நான் பொறுப்பு இல்லை" என்று சஞ்சனாவிடமிருந்து இடுப்பில் ஒரு கிள்ளல் வாங்கினான். தீபா, "சஞ்சனா நீ என்ன சொன்னாலும் சரி, உன் ஹஸ்பண்ட் ரியலி ஹாண்ட்ஸம்" சஞ்சனா, "ஏய், போதும் நிறுத்து ... நித்தின், என்னது இது விட்டா அடிமடியிலே கை வெக்கறா?" நித்தின், "எப்படியோ எனக்கு கொஞ்சம் ரிலீஃப். என்னை கொஞ்சம் கம்மியா தொந்தரவு பண்ணுவா" சட்டென தீபாவின் முகம் சற்று சுருங்கியது. அடுத்த கணம் சுதாரித்தவள், "ஹெல்லோ! அப்படி எல்லாம் தப்பு கணக்கு போடாதே. அடுத்த ரெண்டு நாளும் உனக்கு இருக்கு" அவளது ஒவ்வொரு செயலும் பேச்சும் அவனை மதி மயங்க வைத்தது. 'பிசாசே .. எவ்வளவு நாள் .. இல்லை .. எவ்வளவு நேரம் உன்னை இழுத்து கிஸ் அடிச்சு ஐ லவ் யூன்னு சொல்லாம இருக்க முடியும்ன்னு தெரியலை' என்று மனதுக்குள் அவளை திட்டினான். தீபா, "ஜாஷ், டெல் மி அபௌட் யூ ... நீங்க எங்க படிச்சீங்க?" நித்தின், "ஆரம்பிச்சுட்டியா?" என்றபடி எதிரில் பார்த்து, "இவளுக்கு இவளை பத்தி தம்பட்டம் அடிச்சுக்கணும். அதனால யாரைப் பார்த்தாலும் முதல்ல இதைத்தான் கேப்பா" தீபா, "இதில் தப்பு என்ன இருக்கு நித்தின்? ஒருத்தரை பத்தி தெரிஞ்சுக்க அவங்களோட படிப்புதான் நல்ல தொடக்கம். அதிலிருந்து அவங்களோட ஸ்டேட்டஸ்ஸை, பெடிக்ரீயை (pedigree - வம்சாவழி) எல்லாம் தெரிஞ்சுக்க முடியும்" ஜாஷ்வா, "உனக்கு பெரிய ஏமாற்றத்தை கொடுக்கப் போறேன். எனக்கு பெடிக்ரீன்னு சுத்தமா ஒண்ணும் இல்லை. ஹார்லம் பகுதியில் பிறந்து வளர்ந்த பல அனாதைகளில் நானும் ஒருத்தன்" தீபா முகத்தில் எப்போதும் தாண்டவம் ஆடும் குறும்பும் சிரிப்பும் மறைய, "வாட்? .. ஐ யம் சோ சாரி தட் ஐ ஆஸ்க்ட் (I am so sorry that I asked)” சஞ்சனா, "பரவால்லை. அவர் பெடிக்ரீ மட்டும் தான் அப்படி" தீபா, "என்ன?" சஞ்சனா, "அய்யா எம்.ஐ.டில படிச்சுட்டு பிடிவாதமா இங்கேதான் திரும்பி வருவேன்னு நியூ யார்க்கில் குப்பை கொட்டிகிட்டு இருக்கார்" தீபா, "வாட்! நீங்க எம்.ஐ.டி .. யூ மீன் மஸாஷுசட் இன்ஸ்டிட்யூட் ஆஃப் டெக்னாலஜி (Massachusetts Institute Of Technology)? இது வரைக்கும் அந்த காலேஜை பத்தி கேள்வி பட்டதோட சரி. ஆனா அங்கே படிச்ச ஒருத்தரை இப்போதான் நேரில் பார்க்கறேன். இன்னோரு தடவை கை குடுங்க" என்று அவன் கையை பற்றி குலுக்கினாள் தீபா, “அந்த காலேஜைப் பத்தி கொஞ்சம் சொல்லுங்களேன் .. “ ஜாஷ்வா மேலோட்டமாக அக்கல்லூரியை பற்றியும் அதில் சேர்வதற்கு தேவையான தகுதிகளையும் விளக்கினான்.தீபா, “நீங்க பெரிய ஆள் ஜாஷ்வா” ஜாஷ்வா, "தாங்க்ஸ் ஃபார் தி காம்ப்ளிமெண்ட்ஸ் (Thanks for the compliments)” சஞ்சனா, "யோவ், காம்ப்ளிமென்ட்ஸ் நீ படிச்ச காலேஜுக்கு உனக்கு இல்லை" ஜாஷ்வா, "நித்தின் உனக்கு ஒண்ணு தெரியுமா Behind every successful man there is a woman” நித்தின், "தெரிஞ்ச பொன் மொழிதான் ஆனா .. " ஜாஷ்வா, "இரு இரு நான் இன்னும் முடிக்கலை .. limiting his success” நித்தின், "Now, that I fully agree .. “ சொல்லி முடித்தபின் இருவரும் அதற்கேற்ற அளவுக்கு கிள்ளப் பட்டனர். சஞ்சனா, "எத்தனாவுது ட்ரிங்க் இது?" நித்தின், "இதுதான் முதல் ட்ரிங்க். நாங்க ஆர்டர் பண்ணி ஒரு சிப் அடிச்சு இருப்போம் நீங்க வந்துட்டீங்க. ஏன் கேக்கறே? ஜாஷ்வா எப்படி சரளமா உண்மை பேசறானேன்னு பாக்கறையா?" இம்முறை தீபாவிடம் இருந்து முதுகில் ஒரு குத்து. ஜாஷ்வா, "பட், தீபா உனக்கு ஒண்ணு தெரியுமா. இவனுக்கு இன்னைக்கு தண்ணி அடிக்க மூடே இல்லையாம். நான் கூட்டிட்டு வந்ததுக்கு அப்பறம் இப்பதான் சார் மூஞ்சில கொஞ்சம் சிரிப்பு வந்து இருக்கு" நித்தின், "எட் டூ ப்ரூடே" (Et tu Brute? Were the Latin words written by Shakespear in his Julius Ceasar... meaning You Too Brutus ..அதாங்க, நம்ம சிவாஜிசார் அப்பறம் ரஜனிசார் கூட ஜூலியஸ் ஸீஸர் நாடகத்தில் கடைசியா நண்பன் ப்ரூடஸ் கிட்ட குத்து படும் போது சொன்ன வரி! அவங்க யூ டூ ப்ரூடஸ் அப்ப்டின்னு சொன்னாங்க. ஆனா ஷேக்ஸ்பியர் தன் நாடகத்தில் அந்த லத்தீன் மொழி வாக்கியத்தை அப்படியே எழுதி இருந்தார்) தீபா, "தெரியும். ஆனா காண்பிச்சுக்க மாட்டான். அது சரி, எம்.ஐ.டில படிச்சுட்டு ஏன் பாங்க்கில் டேட்டா பேஸ் அட்மின் வேலை?" ஜாஷ்வா, "ஈஸ்ட் கோஸ்ட்டில் (East Coast) எனக்கு கிடைச்ச வாய்ப்புகள் கம்மி. அதில் அதிக சம்பளம் கிடைச்ச வேலையில் சேர்ந்தேன்" நித்தின், "For God’s sake தீபா, உனக்கு எதுக்கு அதல்லாம்?” தீபா, "ம்ம்ம் .. நான் கட்டிக்க போறவனோட உடன் பிறவா அண்ணன் என்ன பண்ணிட்டு இருக்கார்ன்னு எங்க அப்பா அம்மா கேட்டா சரியா பதில் சொல்லறதுக்காக கேட்டேன்" என்று போட்டு உடைத்தாள். எதிரில் இருந்த தம்பதியினர் அமைதியாக பார்த்துக் கொண்டு இருக்க, ஒரு கணம் உறைந்து போன நித்தின் மறுகணம் அவளை இழுத்து அவள் இதழ்களில் இதழ் பதித்தான். எதிரில் இருப்போரை பதட்டத்துடன் பார்த்த தீபாவின் இமைகள் சில நொடிகளில் மூடின .. பல நொடிகள் தொடர்ந்த முத்ததை முடித்தவன், "பிசாசே .. ஐ லவ் யூ" என்றான். வெட்கத்தில் முகம் சிவந்து தீபா தலை குனிந்தாள். சஞ்சனா (ஜாஷ்வாவை பார்த்து), "இவனுக்கெல்லாம் ரொமான்ஸ் பண்ண வருமான்னு சந்தேகமா இருந்துது. பரவால்லை, தம்பிக்கு ஒரு அளவுக்கு ட்ரெயினிங்க கொடுத்து வச்சு இருக்கே .. " தலை நிமிர்ந்த தீபா நித்தினை ஒரக் கண்ணால் பார்த்தபடி, "ஆனா போன வாரம் முழுக்க கடுப்பு ஏத்தினான் .. But, he made me suffer the whole week” என்றாள் நித்தின், "பின்னே? வண்டி வண்டியா புளுகினா?" தீபா சட்டென நிமிர்ந்து, "பாரு நித்தின். நானும் வந்தனாவும் ஒரு முடிவுக்கு வந்து இருக்கோம். என்னைப் பத்தி, நான் எங்கே வேலை செய்யறேங்கறதைப் பத்தி எல்லாம் உன் கிட்ட நான் மறைக்க விரும்பல. ஆனா என்ன வேலைன்னு மட்டும் நீ என்னை கேக்கக் கூடாது. உண்மையில் நான் எல்லார்கிட்டயும் மறைக்கற விஷயத்தைக் கூட நான் உங்கிட்ட பகிர்ந்துக்க விரும்பறேன் .. " நித்தின், "சரி, எங்கே வேலை செய்யறே?" தீபா, "R&AW - Research And Analysis Wing” நித்தின் முகத்தில் வியப்பை வரவழைத்துக் கொண்டு, "ஹேய், யூ மீன் CIA மாதிரி இந்திய உளவு நிறுவனமா?" தீபா, "ஏய், ஆச்சர்யப்படற மாதிரி ரொம்ப கஷ்டப்படாதே. நீ ஏற்கனவே இந்த மாதிரி ஒரு நிறுவனம்ன்னு யூகிச்சு இருப்பேன்னு எனக்கு தெரியும். பட், நீ சொல்றது ஒரு அளவுக்கு சரி. வெளிநாட்டில் உளவு வேலை பார்க்கறதை தவிர மத்த சில பிரிவுகளும் R&AWவில் இருக்கு. NTRO அப்படின்னு ஒரு நிறுவனம் R&AWவுக்கு கீழ இருக்கு. அதில் சைபர் க்ரைம்மை தடுக்கறதுக்குன்னு ஒரு பிரிவு இருக்கு. அதில் தான் நானும் வந்தனாவும் வேலை செய்யறோம்" நித்தின், "அப்பா, இவ்வளவு டீடெயில் கொடுக்கறே? இப்ப நம்பறேன்" தீபா, "ஆனா, இதுக்கு மேல சொல்ல மாட்டேன்" நித்தின், "பரவால்லை. உனக்கு அப்படி விதி முறைகள் இருக்கும்ன்னு எனக்கு புரியுது. சரி, எல்லார்கிட்டயும் மறைக்கற விஷயம்ன்னு சொன்னியே அது என்ன" ஜாஷ்வா, "நாங்க ரெண்டு பேரும் கொஞ்சம் வெளியில் போறோம் நீங்க தனியா பேசுங்க .." தீபா, "நோ ஜீஜாஜி! என் ஃபேமிலியில் வந்தனா ஃபேமிலியில் எல்லாருக்கும் தெரிஞ்ச விஷயம் தான்" நித்தின், "அக்காவோட புருஷனுக்கு ஹிந்தியில் ஜீஜாஜி" முகம் மலர்ந்த சஞ்சனா, "சரி சொல்லு .. " தீபா, "நாம் எல்லாம் ஒண்ணா ஒரு பெரிய டேபிளில் உக்காந்துட்டு பேசலாம். ஜாலியான சமாசாரம் .. நான் வந்தனாவை கூப்படறேன்" என்றபடி கைபேசியில் வந்தனாவை அழைத்தாள்.வெளியில் அந்த அழகான தோட்டத்துக்கு முதலில் வந்த ஜோடி என்ன செய்தது என்று பார்ப்போம் ... அங்கு இருந்த பெஞ்ச் ஒன்றில் சக்தி அமர்ந்தான். வந்தனாவின் கையில் இருந்த நொறுக்கு தீனி தட்டை இருவருக்கும் இடையே வைத்து அதிலிருந்து இருவரும் எடுத்து கொறித்த படி இருந்தனர். நடு நடுவே சக்தி தன் ட்ரிங்க்ஸ் க்ளாஸில் இருந்து சிப்பிக் கொண்டு இருந்தான். மௌனத்தை கலைத்த வந்தனா, "ஏன் ஜாஷ்வா அப்ப ரொம்ப டல்லா இருந்தார்?" சக்தி,"அவன் வேலை செய்யற இடத்தில் வேறு யாரோ முடிக்க வேண்டியதை இவன் தலையில் கட்டி இருக்காங்க. அதைத்தான் இவ்வளவு நேரம் எங்ககிட்ட பொலம்பி தீர்த்தான்" என்று உதாசினமாக தன் ட்ரிங்க்ஸில் கவனம் செலுத்தியபடி சொன்னான். வந்தனா, "அப்பறம் எப்படி அரை நாள் லீவ் போட்டுட்டு வர முடிஞ்சுது?" சக்தி, "அந்த வேலை அடுத்த வாரம். ஏற்கனவே மாசக் கடைசில வேலை கொஞ்சம் அதிகமா இருக்கும். அதுக்கு மேல் எக்ஸ்ட்ரா வேலைன்னு சொல்லிட்டு இருந்தான்" வந்தனா, "ஏன் மாசக் கடைசில வேலை அதிகமா இருக்கும்?" சக்தி, "ஃபினான்ஷியல் இன்ஸ்டிட்யூஷன்ஸ் (Financial Institutions) எல்லாத்திலயும் அப்படித்தான். பாங்க், நாங்க ஆன்-சைட் வந்து இருக்கும் இன்ஷ்யூரன்ஸ் கம்பெனி இதில் எல்லாம் கணக்குகளை நேர் செய்யறது, வாடிக்கையாளர்களுக்கு அவங்க கணக்குக்கான ஸ்டேட்மென்ட் அனுப்பறது இதெல்லாம் மாசக் கடைசில தான் நடக்கும். எங்க ரெண்டு பேருக்கும் கூட அடுத்த வாரக் கடைசில தலைக்கு மேல வேலை இருக்கும்" என்று தான் அடுத்த வாரம் ட்ரான்ஸ்ஃபர் ஆபரேஷனில் மூழ்கி இருக்கப் போவதற்கு இப்போதே ஒரு காரணத்தை உருவாக்கினான். வந்தனா, "எனக்கு இதெல்லாம் ஒண்ணுமே தெரியாது. உன் வேலை இன்டரெஸ்டிங்கா இருக்குமா?" சக்தி, "ரொம்ப இன்டரெஸ்டிங்க்ன்னு சொல்ல முடியாது. ஆனா போரடிக்காது" தொடர்ந்து அவளை சீண்டுவதற்காகவே, "உன் வேலை எப்படி இருக்கும்?" வந்தனா, "ம்ம்ம் ... என் வேலையும் அப்படித்தான்" சக்தி, "ஆனா என்ன வேலைன்னுதான் சொல்ல மாட்டே. பரவால்லை விடு" வந்தனா, "ஷக்தி, நான் எங்கே வேலை செய்யறேன்னு நான் சொன்னதை நீ இன்னும் நம்பலை இல்லையா?" சக்தி, "உண்மையா இருந்தா நிச்சயம் நம்பி இருப்பேன்" வந்தனா, "ஷக்தி, நான் எங்கே வேலை செய்யறேன்னு என் குடும்பத்துக்கு மட்டும்தான் சொல்லி இருக்கேன். அவங்களுக்கே குறிப்பா என்ன வேலை செய்யறேன்னு நான் சொல்ல முடியாத நிலைமையில் இருக்கேன். அவங்களும் கேக்க மாட்டாங்க" பிறகும் மௌனம் காத்த சக்தியை பார்த்து, "என்னைப் பத்தி, என் குடும்பத்தைப் பத்தி, எதுவுமே, உன் கிட்ட நான் மறைக்க விரும்பலை ஷக்தி. இன் ஃபாக்ட், என்னோட இவ்வளவு நாள் வாழ்க்கையை பத்தி ஒண்ணு விடாம உன் கிட்ட எல்லாத்தையும் சொல்லணும்ன்னு இருக்கு ஷக்தி" பிறகும் சக்தி மௌனம் காக்க அவன் கையை பற்றி .. "ப்ளீஸ் எதாவது சொல்லேன் .. " இடது தோளை பெஞ்சில் சாய்த்து அவளை பார்த்தபடி அமர்ந்து இருந்த சக்தி இருவருக்கும் நடுவே இருந்த நொறுக்கு தீனி தட்டை எடுத்து அவனுக்கு பின் புறம் வைத்தான். பிறகு அவளிடம், "எங்க அப்பா உயிரோட இருந்தா எவ்வளவு நல்லா இருக்கும்ன்னு யோசிச்சேன்" வந்தனா, "ஏன்?" சக்தி, "ஏன்னா அவருக்கு நல்லா ஹிந்தி பேச தெரியும்"

  வந்தனா, "ஸோ?" சக்தி, "உங்க வீட்டுக்கு உன்னை பெண் கேட்டு வரும் போது, அவங்க கூட பேசறதுக்கு வசதியா இருந்து இருக்கும்" சில கணங்கள் அளவிட முடியாத சந்தோஷத்துடன் அவனைப் பார்த்தவள் நகர்ந்து வந்து விரித்திருந்த அவன் கைகளில் தஞ்சம் புகுந்தாள்.அவனுக்கு பின் புறம் இருந்த நொறுக்கு தீனி தட்டை பார்த்த வந்தனா சக்தியின் தோளில் புதைத்து இருந்த முகத்தை எடுத்து, "எல்லாத்தையும் முன் கூட்டி ப்ளான் பண்ணிட்டுத்தான் பேசுவையா?" சக்தி, "பின்னே? இல்லைன்னா இந்நேரம் எல்லாம் கீழ விழுந்து இருக்கும், என் ட்ரிங்க் இன்னும் பாதி இருக்கு. அதை முடிக்கறதுக்கு நொறுக்கு தீனி?" மறுபடி அவனை இறுக்கி அணைத்தவளின் முகத்தை நிமிர்த்தி, "உன்னை பாத்த முதல் நாளே சொல்லணும்ன்னு இருந்தேன் .. ஐ லவ் யூ" வந்தனா, "நான் நிச்சயம் சொல்லி இருப்பேன். நீதான் தள்ளி தள்ளி போனே" சக்தி, "என்னடா இப்படி ஒரு புளுகு மூட்டையா இருக்காளேன்னு யோசிச்சுட்டு இருந்தேன்" வந்தனா, "நான் எங்கே வேலை செய்யறேன் தெரியுமா?" சக்தி, "வெய்ட் வெய்ட். ... உன் ஃபேமலிக்கு மட்டும் தெரிஞ்சதுன்னு சொன்னே" வந்தனா, "ம்ம்ம் .. ரோட்ல போறவனை கட்டி பிடிக்கற பழக்கம் எனக்கு இல்லை" என்று அவள் சொல்லி முடிக்க அவள் முகத்தை இரு கைகளில் ஏந்தி தன்னிடம் இழுத்தான். எதற்கு இழுக்கிறான் என்று புரிந்தவள் கண் மூடிய வண்ணம் நெருங்கினாள். இருவரின் இதழ்கள் சேர்ந்து தொடங்கிய முத்தம் சில நிமிடங்கள் நீடித்தது. விடுபட்ட போது வெட்கத்தில் முகம் சிவந்தவள் மறுபடி அவன் தோளில் சாய்ந்தாள்.

சக்தி, "ம்ம்ம் ... சொல்லு எங்கே வேலை செய்யறே?" வந்தனா (முகத்தை நிமிர்த்தாமல்) "R&AW - Research And Analysis Wing” மிகுந்த பிரயத்தனப் பட்டு முகத்தில் வியப்பை வரவழைத்த சக்தி, "ஹேய், யூ மீன் CIA மாதிரி இந்திய உளவு நிறுவனமா?" வந்தனா, "ஆமா, வெளிநாட்டில் உளவு வேலை பார்க்கறதை தவிர மத்த சில பிரிவுகளும் R&AWவில் இருக்கு. NTRO அப்படின்னு ஒரு நிறுவனம் R&AWவுக்கு கீழ இருக்கு. அதில் சைபர் க்ரைம்மை தடுக்கறதுக்குன்னு ஒரு பிரிவு இருக்கு. அதில் தான் நானும் தீபாவும் வேலை செய்யறோம்" சக்தி, "அப்பா! சொல்ல மாட்டேன் சொல்ல மாட்டேன்னு இவ்வளவு சொல்றே" வந்தனா, "இதுக்கு மேல சொல்ல மாட்டேன்" சக்தி, "இரு இரு, இதை ஜீரணிக்கறதுக்கே எனக்கு ரொம்ப நாள் ஆகும்" மறுபடி அவன் தோளில் சாய்ந்தபடி இருந்தாள். சக்தி, "R&AWவில் வேலையில் இருக்கேன்னா, நீ ஒரு போலீஸ் ஆஃபீஸர் மாதிரின்னு சொல்லு" வந்தனா, "மாதிரி இல்லை. நிஜமாவே" சக்தி, "வாட் டூ யூ மீன்?" வந்தனா அவன் மார்பில் இருந்து முகத்தை நிமிர்த்தி அவன் கண்களை பார்த்தபடி முகத்தில் பெருமிதம் வழிய, "ஐ ஆம் வந்தனா ராத்தோட் B.Tech, I.P.S” என்றாள் தொடர்ந்து "நான் பி.டெக் முடிச்சுட்டு ஐ.பி.எஸ்ஸில் சேர்ந்தேன்." இம்முறை வியப்படைய எந்த செயற்கை முயற்சியும் சக்திக்கு தேவைப் படவில்லை. அளவிடமுடியாத சந்தோஷம், பெருமிதம், வியப்பும் நிறைந்த சிரிப்புடன் அவளது இரு புஜங்களைப் பற்றி, "வாவ் .. " என்றபிறகு பேச்சிழந்து அவளை பார்த்தபடி இருந்தான். வந்தனா அவனுக்கு ஆறுதலளிக்கும் விதமான் முகபாவத்துடன், "பட் டோண்ட் வொர்ரி, எனக்கு மத்த ஐ.பி.எஸ் ஆஃபீஸர்ஸ் மாதிரி என்னை சுத்தி எந்த பந்தாவும் இருக்காது. ட்யூட்டியும் இருக்காது. உன்னை மாதிரி எனக்கும் நைன் டு ஃபைவ் வேலைதான்" சக்தி, "ஏன் அப்படி சொல்றே? என்ன பந்தா?" வந்தனா, "இல்லை, பொதுவா ஐ.பி.எஸ் ஆஃபீஸர்ஸை கல்யாணம் பண்ணிக்க தயங்குவாங்க. டாக்டர்ஸ் மாதிரி கண்ட நேரத்திலும் வேலை இருக்கும். அவங்களை சுத்தி இருக்கும் பந்தாவா தனி ஜீப், சுத்தி ரெண்டு கான்ஸ்டபிள்ஸ், ஒரு ஜூனியர் ஆஃபீஸர் இதெல்லாம் மத்தவங்களுக்கு பயமுறுத்தற மாதிரி இருக்கும். அதைத் தான் சொன்னேன்" சக்தி, "சே, இதில் என்ன பயம் இருக்கு? உண்மையில் நீ மத்த ஐ.பி.எஸ் ஆஃபீஸர்ஸ் மாதிரி இருந்தா எனக்கு உன்னை ரொம்ப ரொம்ப பிடிச்சு இருக்கும். இப்ப அதை விட கொஞ்சூண்டு கம்மியா பிடிச்சு இருக்கு. ஆனா எனக்கு எவ்வளவு பெருமையா இருக்கு தெரியுமா?" என்றவாறு அவளை இழுத்து நெஞ்சோடு ஆரத்தழுவினான். காதலால் வரும் தழுவல் அல்ல அது. தன் வருங்கால மனைவியின் பெருமையை பாராட்டிய தழுவல். விலக்கி அவள் நெற்றியில் முத்தமிட்ட பிறகு இரண்டு கன்னங்களிலும் மாறி மாறி முத்தமிட்டான். காதலனின் பாராட்டில் மனம் நிறைந்த வந்தனாவின் கண்கள் பனித்தன. சக்தி, "மத்த ஆஃபீஸர்ஸ் மாதிரி பந்தா இல்லாட்டி பரவால்லை. யூனிஃபார்ம் போட்டுட்டுதானே ஆஃபீஸுக்கு போவே. உனக்கு ஜீப் வேணும்ன்னா நானே ஒண்ணு வாங்கி தரேன்" மறுபடி அவனை வியப்புடன் பார்த்தவள், "சாரி. நான் ஆஃபீஸுக்கு யூனிஃபார்ம் போட்டுட்டு போக மாட்டேன்" இப்போதைக்கு தனக்கு ஆஃபீஸே இல்லை என்பதை சொன்னால் மேலும் வேலை பற்றிய விவரங்களை சொல்ல வேண்டும் என்று மறைத்தாள். சக்தி, "சரி, பரவால்லை அப்ப அப்ப எனக்கு மட்டும் போட்டு காட்டணும் என்ன?" வந்தனா, "ஆக்சுவலி நான் கொஞ்ச நாள் போட்டுட்டுதான் இருந்தேன் .. " சக்தி, "ரியலி? அப்பறம் என்ன ஆச்சு? " வந்தனா, "இதை எல்லாம் தான் நான் உன் கிட்ட சொல்லணும்ன்னு இருந்தேன். உன் கிட்ட மட்டும் இல்லை. சஞ்சனா, ஜாஷ்வா கிட்டயும் சொல்லணும்ன்னு இருந்தேன். என்னை மாதிரியே, இல்லை இல்லை என்னை விட ரொம்ப ரொமப் ஜாலியான பின்னணி தீபாவுக்கு இருக்கு. நாங்க ரெண்டு பேரும் உங்க கிட்ட அதை எல்லாம் சொல்லி நாங்க செய்யற வேலையை பத்தி மட்டும் கேக்காதேன்னு சொல்லலாம்ன்னு முடிவெடுத்து இருந்தோம்" சக்தி, "ஃபேமிலி மெம்பர்ஸுக்கு மட்டும் சொல்லலாம்ன்னு சொன்னே?" வந்தனா, "சஞ்சனா உனக்கு தங்கை மாதிரின்னா எனக்கு ஃபேமிலிதானே?" வந்தனாவின் கைபேசி சிணுங்கியது.சில நிமிடங்களில் எல்லோரும் ஒரு பெரிய டேபிளில் அமர்ந்து இருந்தனர். ஆடவர் மூவருக்கும் இரண்டாவது ரவுண்ட் தொடங்கி இருந்தது... சஞ்சனா, "போதும் இதோட நிறுத்திக்கோ ... " என்று ஜாஷ்வாவிடம் காதைக் கடித்தாள் வந்தனா, "எவ்வளவு ட்ரிங்க்ஸ் சாப்பிடுவே?" சக்தி, "குறைஞ்சது ரெண்டு. ஆனா கூட குடிக்கறவங்களை பொறுத்தது அது .. எனக்கு எத்தனை ட்ரிங்க்ஸ் சாப்பிட்டாலும் தாங்கும் .. ரெண்டோட போதும்ன்னாலும் நிறுத்திக்குவேன் ஏன்னா எனக்கு அதுக்கு மேல கிக் ஏறாது" தீபா, "நீ எத்தனை குடிப்பே?" நித்தின், "வழக்கமா ரெண்டு. என்னோட லிமிட் மூணு" தீபா, "நீ குடிப்பேன்னு. உங்க அப்பாவுக்கு தெரியுமா?" நித்தின், "ஓ தெரியுமே. கூடவே உக்காந்து குடிச்சு இருக்கேன்" வந்தனா, "உங்க அம்மாவுக்கு?" சக்தி, "செகண்ட் இயர் படிக்கும் போது முதல் முதலா குடிச்சேன். அடுத்த லீவில் போனப்ப அம்மாகிட்ட சொன்னேன். அளவோட நிறுத்திக்கோன்னு சொன்னாங்க. பி.டெக் முடிச்சு வேலை கிடைச்சதும் ஊர்ல இருந்த ஃப்ரெண்ட்ஸ் பார்ட்டி கொடுன்னு சொன்னப்ப வீட்டிலேயே மொட்டை மாடில அரேஞ்ச் பண்ணி கொடுத்து இருக்காங்க. She knows I don't get drunk" ஜாஷ்வா, "கமான் தீபா உன்னோட கதையை சொல்லு .. " தீபா தன் ப்ராஜெக்ட் வொர்க்கில் இருந்து ஆரம்பித்து கைதாவதற்கு பதிலாக வேலைக்கு சேர்ந்ததை சொல்லி முடிப்பதற்குள் அந்த மேசையில் ஆரவாரம் அந்த பாரை குலுக்கியது. நடுவே அவள் தான் ஒரு ஹாக்கர் என்ற போது ஆடவர் மூவர் முகத்திலும் தோன்றிய சிறு கலவரம் சஞ்சனாவுக்கு மட்டும் புரிந்தது. நித்தின், "நீ ஒரு பெரிய ஹாக்கரா?" தீபா, "பெரிய ஹாக்கர் இல்லை ..நான் சுமாரான ஹாக்கர். என்னைவிட பெரிய ஜாம்பவான்கள் எல்லாம் இருக்காங்க" சக்தி, "உனக்கு அவங்க எல்லாம் யாருன்னு தெரியுமா?" தீபா, "யாரும் அவங்களோட நிஜ ஐடெண்டிடியை காண்பிச்சுக்க மாட்டாங்க" நித்தின், "இப்ப எங்க கிட்ட நீ உன்னோட ஐடெண்டிடியை காண்பிச்சு இருக்கே" தீபா, "என்னோட ஹாக்கிங்க் எல்லாம் வேலைக்கு சேர்ந்த உடனே மூட்டை கட்டி வெச்சாச்சு .. தவிர, பாங்கிலயும் இன்ஷ்யூரன்ஸ் கம்பெனிலயும் கோட் எழுதிட்டு இருக்கும் உங்ககிட்ட சொல்றதில எனக்கு ஒரு ப்ராப்ளமும் இல்லை" சஞ்சனாவின் நமட்டுச் சிரிப்பை சக்தி மட்டுமே கவனித்தான். சக்தி, "உன்னைப் பொறுத்தவரை யார் பெரிய ஹாக்கர்" தீபா வந்தனாவைப் பார்த்தாள். வந்தனா, "நிறைய பேர் இருக்காங்க. கொஞ்ச நாளுக்கு முன்னாடி நியூஸ்ல வந்துதே ஓவன் வாக்கர்ன்னு ஒருத்தன் அவன் கூட ஒரு அளவுக்கு பெரிய ஹாக்கர்தான்" என்று உலகிற்கு தெரிந்ததை மட்டும் சொன்னாள். அவர்கள் இருவரின் சங்கடத்தை புரிந்த சக்தி, "வந்தனா, நீ உன் ஐ.பி.எஸ் ட்ரெயினிங்கை பத்தி சொல்லேன்" வந்தனா தன் தந்தையின் கனவில் இருந்து தொடங்கி பெயர்களை மட்டும் தவிர்த்து முரளீதரனின் பிரிவில் சேர்ந்தது வரை சொல்லி முடித்தாள். சக்தியின் கண்களில் இருந்த பதட்டம் நீங்காமல், "மறுபடி செக் அப் போனியா? குடலில் பட்ட காயம் முழுசா ஆறிடுச்சா" வந்தனா தன் கண்களால் காதலனுக்கு ஆறுதல் சொல்லி, "ஒரு பிரச்சனையும் இல்லை. எங்க அப்பா என்னை மூணு டாக்டர்ஸ் கிட்ட காண்பிச்சார்..." ஜாஷ்வா, "அந்த கலவரத்தின் போது நீ யாரையாவுது ஷூட் பண்ணினேயா?" வந்தனா, "தற்காப்புக்கு கையில் கன் எடுத்தேன் அவ்வளவுதான். ஆனா உண்மையை சொல்லணும்ன்னா ஒருத்தனை ஷூட் பண்ண வேண்டி இருந்து இருந்தா அவ்வளவு சுலபமா பண்ணி இருப்பேனாங்கறது சந்தேகம்தான்" நித்தின், "அதில் என்ன இருக்கு? கையில் கன் இருக்கும் போது தேவைன்னா ட்ரிக்கரை அழுத்த வேண்டியதுதானே?" சஞ்சனா, "எதிரில் இருப்பவன் செத்து விழக்கூடும்ன்னு தெரிஞ்சு சுடறது அவ்வளவு சுலபம் இல்லை" ஜாஷ்வா, "She is the expert in these matters .. you all better listen (இந்த விஷயத்தில் அவ நிபுணி .. அவ சொல்றதை பேசாம கேட்டுக்கோங்க) வந்தனா அப்போதுதான் அதை உணர்ந்தாள். வந்தனா, "Sanjana, have you .. சஞ்சனா, நீ ..." சஞ்சனா, "ம்ம்ம் .. குறைஞ்சது ரெண்டு டஸன் பேரையாவுது சுட்டு இருக்கேன். துப்பாக்கி சுடுவதில் புலிகளுக்குள் புலின்னு பேர் வாங்கி இருக்கேன். சில சமயம் என்னை, என் கூட இருந்தவங்களை காப்பாத்திக்க சுட்டேன். சில சமயம் எதுக்குன்னு தெரியாம சுட்டேன். அதில் பத்து பேராவுது எதுக்கு சாகறோம்ன்னு தெரியாம செத்தும் போயிருப்பாங்க" என்று சர்வ சாதாரணமாக சொல்ல தீபாவுக்கு சிறிது நடுக்கம் ஏற்பட்டது. சஞ்சனா தொடர்ந்து, "ஒவ்வொரு மிஷனுக்கு பிறகும் வந்து வாந்தி எடுப்பேன். மூணு நாளைக்கு தூங்காம அழுதுட்டு இருப்பேன். கழுத்தில் இருந்த சையனைட்டை கடிச்சுட்டு உயிரை விட்டடலாமான்னு தோணும். இன்னும் ரெண்டு மூணு மாசம் அந்த நரகத்தில் இருந்து இருந்தா முழுசா மரத்துப் போயிருக்கும். நல்ல வேளை அதுக்குள்ள அங்கே இருந்து தப்பிச்சுட்டேன்" மென்பொருளை மட்டும் தொழிலாக கொண்ட மற்ற ஐந்து பேரும் பேச்சிழந்து அமர்ந்து இருக்க ஒரு மயான அமைதி நிலவியது. சக்தி, "இப்ப உன்னால அப்படி சுட முடியுமா?" சஞ்சனா, "நிச்சயமா. இப்ப நம்மை யாராவுது தாக்கினாங்கன்னா என் கைல கன் இருந்தா நிச்சயம் சுடுவேன். offence is the best form of defence" ஜாஷ்வா, "ஹனி, எனக்கு இன்னொரு ட்ரிங்க் வேணும்" சஞ்சனா, "சாரி, உன் மூடை கெடுத்துட்டேன் .. " எல்லோரும் எழுந்து டின்னருக்கு சென்றனர். அடுத்த நாள் முழுவதும் லேக் ஜார்ஜ் ஏரியில் சிறு கப்பலில் க்ரூயிஸ். மனம் விட்டு பேச மிகவும் ஏதுவான சூழலில் அன்றைய பொழுது கழிந்தது இரவு மறுபடி எல்லோரும் சேர்ந்து கல கலப்பான டின்னர். அடுத்த நாள் மாலை வரை பல விளையாட்டுகளில் கழிந்தது. சக்தி-வந்தனா அணி மற்ற நால்வரும் சேர்ந்த அணியை தோற்கடித்த வண்ணம் இருந்தது. ஞாயிறு மாலை புறப்பட்டு இரவு நியூ யார்க்கை அடைந்தனர். ~~~~~~~~~~~~~~~~~~~ 


தோழிகள் இருவரும் தங்கள் காதலர்களிடம் இருந்து பிரியா விடை பெற்று தங்கள் அறையை அடைந்தனர். தீபா, "நான் கனவில் கூட நினைச்சு பார்க்கலை வந்தனா. ஒரு வாரத்தில் என் வாழ்க்கையே மாறிப் போன மாதிரி இருக்கு." வந்தனா, "நானும் அதே மாதிரிதான் ஃபீல் பண்ணறேன்" தீபா, "உங்க வீட்டில் பிரச்சனை ஒண்ணும் இருக்காதுதானே?" வந்த்னா, "முஸ்லிம் அல்ல கிருஸ்துவன் அப்படின்னா நிச்சயம் ஒத்துக்க மாட்டாங்க .. பாஷை தெரியாதது ஒரு குறைதான். மற்றபடி பழக்க வழக்கங்கள் விஷயத்தில் எங்க ரெண்டு பேர் குடும்பங்களும் கொஞ்சம் அட்ஜஸ்ட் பண்ணிக்க வேண்டி இருக்கும்." தீபா, "நான் ஒண்ணு கேப்பேன் தப்பா எடுத்துக்க கூடாது. ஓ.கே?" வந்தனா, "என்ன சொல்லு" தீபா, "நாம் சரியான முடிவெடுத்து இருக்கோமா?" வந்தனா, "ஏன் உனக்கு சந்தேகமா இருக்கா?" தீபா, "இல்லை வந்தனா, என்னாலயே நம்ப முடியலை. இது அதான் பயமா இருக்கு" வந்தனா, "எனக்கும் நம்ப முடியலைதான். ஆனா பயமா இல்லை. நான் இதுவரைக்கும் யாரோடவும் இந்த அளவுக்கு ஃப்ரீயா மனம் விட்டு மனசில் இருக்கறது எல்லாம் சொல்லற அளவுக்கு கம்ஃபர்டபிளா ஃபீல் பண்ணினது கிடையாது." தீபா, "ம்ம்ம்... நோட் பண்ணினேன். ஒரு சமயத்தில் நீங்க ரெண்டு பேரும் பேசிட்டு இருந்ததை பார்த்து நீயா இவ்வளவு பேசறேன்னு தோணுச்சு" வந்தனா, "இன்னும் ஒண்ணு நோட் பண்ணினேயா?" தீபா, "என்ன?" வந்தனா, "நித்தினும் ஷக்தியும் ரொம்ப க்ளோஸ் ... ஒருத்தனைப் பத்தி மத்தவனுக்கு ரொம்ப நல்லா தெரிஞ்சு இருக்கு" தீபா, "அது மட்டும் இல்லை தனியா மத்தவங்க வீட்டுக்கு போற அளவுக்கு. இங்கே வரதுக்கு முன்னாடி சக்தி ரொம்ப பிஸியா இருந்தானாம். சக்தியின் அம்மா தங்கையை பாத்து சொல்லிட்டு வர நித்தின் மட்டும் தனியா ஈரோடுக்கு போயிருக்கான். சக்தியின் அம்மாவுக்கு நித்தினை ரொம்ப பிடிக்குமாம். அதே மாதிரிதான் சக்தியும் நித்தினோட அப்பாவும். 'அவர் என்னை விட சக்தியைதான் நம்புவார்' அப்படிங்கறது நித்தினோட கடுப்பு" வந்தனா, "வெவ்வேறு காலேஜில் படிச்சுட்டு இவ்வளவு க்ளோஸா இருக்கறது ஆச்சர்யமா இருக்கு" தீபா, "ஆமா, ரெண்டு பேருக்கும் பிடிச்ச பொழுது போக்குகூட ஒண்ணும் கிடையாது" வந்தனா, "இருக்கே! பஸ்ஸில்ஸ், அல்காரிதம், கணிணி சம்மந்தப் பட்டவைகள் ..." தீபா, "ஆமா, மறந்துட்டேன். ஒவ்வொரு சமயம் தோணும் நித்தினுக்கு அல்காரிதம்களில் இருக்கும் இன்ட்ரெஸ்டுக்கு அவன் மட்டும் என் கூட வொர்க் பண்ணினான்னா ரெண்டே நாளில் மாங்க்ஸ் பாட் நெட்டை கண்டு பிடிச்சடலாம்" வந்தனா, "ஹேய், நம்ம ரெண்டு பேருக்கும் இந்த விஷயத்தில் ரொம்ப ஒற்றுமை ... நானும் அதையே தான் நினைச்சேன்" ~~~~~~~~~~~~~~~~~~~~~~~~~~~~ 

நண்பர்களின் பேச்சு அவரவர் கைபேசிகளில் ... நித்தின், "டேய், கொஞ்சம் நடுக்கமா இருக்கு ..." சக்தி, "ஏன் .. " நித்தின், "ரொம்ப வேகமா போறமோ?" சக்தி, "எனக்கு கொஞ்சம் அந்த மாதிரி தோணுச்சு. ஆனா வந்தனா இன்னைக்கு என் கிட்ட ஃப்ரீயா பேச ஆரம்பிச்சதும் போயிடுச்சு" நித்தின், "ம்ம்ம் ... இவ்வளவு பேசுவாளான்னு தீபாகூட நக்கல் அடிச்சா" சக்தி, "அவங்க வீட்டில் ஒத்துப்பாங்களான்னு கொஞ்சம் பயமா இருக்கு ... " நித்தின், "ஆமாண்டா! எல்லாரும் போலீஸ், ராணுவம், ஏர்ஃபோர்ஸுன்னு. மவனே, ஜாக்கரதையா இரு. பெண்டை நிமித்திடுவாங்க" சக்தி (சிரித்த படி), "ஆமா ... அவளோட அப்பாவை தவிர .. " நித்தின், "அதுக்கு பதிலாதான் வந்தனாவே ஐ.பி.எஸ் ஆஃபீஸரா இருக்காளே" சக்தி, "அவங்க வேலையை பத்தி தீபா எதாவது சொன்னாளா?" நித்தின், "அவளுக்கு சில சமயம் உற்சாகத்தில் நாக்கு வரைக்கும் வந்துடுது .. கஷ்டப் பட்டு அடக்கிட்டு சொல்லாம இருக்கா" சக்தி, "வந்தனாவும் அப்படித்தான் ... " நித்தின், "உனக்கு அவங்க மாங்க்ஸ் பாட் நெட்டை கண்டு பிடிப்பாங்கன்னு தோணுதா?" சக்தி, "நாம் ஜாக்கிரதையா இருந்தா கண்டு பிடிக்க முடியாது" நித்தின், "இப்ப இருக்கறதை விடவா?" சக்தி, "இப்ப இருக்கற மாதிரியே இருந்தா ஓ.கே" நித்தின், "ஏன் அப்படி சொல்றே?" சக்தி, "வந்தனாவும் சரி, தீபாவும் சரி, நான் பாத்த வரைக்கும் எந்த ஒரு விஷயத்தையும் வெவ்வேறு கோணத்தில் பார்க்கறாங்க. ரெண்டு பேரும் அவ்வளவு சீக்கரமா எதையும் கைவிடறதும் இல்லை. இன்னைக்கு வெவ்வேறு காலேஜில் படிச்சும் எப்படி நீங்க ரெண்டு பேரும் இவ்வளவு க்ளோஸ்ன்னு வந்தனா கேட்டா. நான் கொஞ்சம் யோசிச்சு பதில் சொல்ல வேண்டியதா இருந்துது" நித்தின், "நீ சொல்றது சரி. " Thursday, 28 August 2008 வியாழன், ஆகஸ்ட் 28 2008 அன்று வரை தீபாவும் வந்தனாவும் மாங்க்ஸ் பாட் நெட்டை வேட்டையாட எடுக்க போகும் வெவ்வேறு நடவடிக்கைகளையும் செய்முறைகளையும் ஆராய்ந்தனர். மேலும் சில கண்டு பிடிப்புக்கள் .. மாங்க்ஸ் பாட் நெட்டை வேட்டையாட மேற்கொள்ளப் போகும் அணுகுமுறை அவர்கள் மனதில் தெள்ளத் தெளிவாக பதிந்து இருந்தது அந்த மூன்று நாட்களும் மாலை ஐந்து மணியில் இருந்து மாலை முழுவதும் தங்கள் காதலர்களுடன் கழித்து இருந்தனர். 'ரொம்ப வேகமா போறோமோ?', 'நாம் சரியான முடிவெடுத்து இருக்கோமா?' என்ற சந்தேகங்கள் எல்லாம் நிவர்த்தியாகி எதிர்காலத்தைப் பற்றிய கனவுகளை செதுக்கத் தொடங்கி இருந்தனர். வியாழனன்று தங்களது அணுகுமுறையை துல்லியமாக விவரித்து ஒரு செயற்திட்டத்தை வரைந்து அதை ஷான் மற்றும் சான்ட்ராவிடம் மேலோட்டமாக விளக்கினர். ஷான், "வாவ், நான் உங்க ரெண்டு பேரையும் ரொம்ப கம்மியா எடை போட்டுட்டேன். உங்களோட அப்ரோச் மூலம் நிச்சயம் மாங்க்ஸ் பாட் நெட்டை வளைச்சு பிடிச்சுட முடியும். உங்க பாஸ் முரளீதரன் இப்ப வாஷிங்க்டன் டி.ஸியில் இருக்கார். நாளைக்கு அவரையும் என்னோட பாஸையும் இங்கே வர சொல்றேன். உங்க ப்ரெஸெண்டேஷனை நாளைக்கு கொடுங்க. நாம் இன்னும் விவரமா டிஸ்கஸ் பண்ணி முடிவு எடுக்கலாம்". தோழிகள் இருவரும் தத்தம் காதலர்களை காண விரைந்தனர். நித்தின் தீபாவை சென்ட்ரல் பார்க்கிற்கு அழைத்துச் செல்ல அவளது அலுவலகக் கட்டிட வாசலுக்கு வருவதாக சொல்லி இருந்தான். வந்தனாவை ஹோட்டலுக்கு வந்து டின்னருக்கு அழைத்து செல்வதாக சக்தி கூறி இருந்தான்.தீபா, "ஹாய் ..." நித்தின், "ஹாய் .. போலாமா?" தீபா, "ம்ம்ம் .. " மின்சார ரயிலில் போகும் வழிமுழுவதும் அவன் மேல் சாய்ந்த படி அமர்ந்து இருந்தாள். தீபா, "என்ன ஒண்ணும் பேசமாட்டேங்கறே?" நித்தின், "எதுவும் பேசத் தோணலை" இருவரிம் மௌனம் தொடர்ந்தது ... தீபா, "என்ன அய்யாவுக்கு அதுக்குள்ளே அலுத்துடுச்சா?" நித்தின், "மண்டு, ஒண்ணுமே பேசாம உன் கூட இருந்தாலும் ரொம்ப நல்லா இருக்கு ... அதனாலதான் ஒண்ணும் பேச தோணலை" மறுபடி அவன் மேல் சாய்ந்தாள். தீபா, "உங்க அப்பாகிட்ட சொல்லிட்டயா?" நித்தின், "இல்லை .. என்ன அவசரம்?" தீபா, "பின்னே? நீ இந்தியா திரும்பின உடனே கல்யாணம் பண்ணிக்கணும். என்னால பொறுத்துட்டு இருக்க முடியாது" நித்தின், "எதுக்கு பொறுக்க முடியாது?" தீபா, "ம்ம்ம் எல்லாத்துக்கும் .. " நித்தின், "அப்படின்னா இப்பவே என் ஃப்ளாட்டுக்கு போலாமா?" தீபா, "போய்?" நித்தின், "இப்பவே ஆரம்பிச்சுடலாம்" தீபா, "எதை?" நித்தின், "நீ எதுக்கு பொறுக்க முடியாதுன்னு சொன்னியோ அதை" தீபா, "நான் நிறைய விஷயங்களை சொன்னேன். நீ அதில் ஒண்ணை மட்டும் ஆரம்பிக்கலாம்ன்னு சொல்றே" நித்தின், "சரி, எப்படியும் மத்தது எல்லாத்துக்கும் பொறுத்துத்தான் ஆகணும். இது ஒண்ணை மட்டும் ஆரம்பிக்கலாம்" தீபா, "நித்தின், நீ வேணும்ன்னு சொன்னா என்னால் மறுக்க முடியாது ... ஆனா ... call me old fashioned ... கல்யாணம் வரைக்கும் பொறுத்துக்கலாமே ப்ளீஸ்" நித்தின், "Thank God! எதாவுது ஒரு விஷயத்திலாவுது நீ ஓல்ட் ஃபேஷனா இருக்கியே" தீபா, "நான் நிறைய விஷயத்தில் ஓல்ட் ஃபேஷன்தான் ... " பிறகும் மௌனமாக பயணம் தொடர்ந்தது. சென்ட்ரல் பார்க் அருகே இருக்கும் கொலம்பஸ் வீதி ஸ்டேஷனை அடைந்து பார்க்கிற்கு செல்லும் படிகளை நோக்கி நித்தின் நடக்க தீபா, "நித்தின், உங்க ஃபேவரிட் பேக்கரில எதாவுது வாங்கிட்டு போலாமே?" நித்தின், "ஓ, வந்தனா சொன்னாளா? சரி வா"பார்க்கை அடைந்தவர்கள் ஒரு பெஞ்சில் அமர்ந்தனர். மறுபடி அவன் மேல் சாய்ந்தவாறு அவள் அமர்ந்து கையில் இருந்த தின் பண்டத்தை கொறித்தாள். நித்தின், "சரி, நிறைய விஷயம்ன்னு சொன்னியே ... என்ன எல்லாம் அது?" தீபா, "ம்ம்ம் .. காலைல நான் தூங்கிட்டு இருக்கும் போது நீ வந்து என்னை எழுப்பறதில் இருந்து நைட்டு நீ என்னை பெட்டுக்கு தூக்கிட்டு போற வரைக்கும் நிறைய விஷயங்கள்" நித்தின், "ஏன்? பெட் காஃபீயோட எழுப்பறதுன்னு சொல்லாம விட்டுட்டியே?" தீபா, "that is understood .." நித்தின், "நான் பெங்களூர்லயும் நீ டெல்லிலயும் இருந்துட்டு எப்படி அதெல்லாம் செய்யறதா உத்தேசம்?" தீபா, "நான் ஒண்ணும் உன்னை டெல்லிக்கு வான்னு சொல்ல மாட்டேன். எனக்கு பெங்களூருக்கு ட்ரான்ஸ்ஃபர் கிடைக்குமான்னு கேப்பேன். இல்லைன்னா ஹைதராபாத்துக்கு ட்ரான்ஸ்ஃபர் கிடைக்குமான்னு கேப்பேன். In which case ... நீ உங்க ஹைதராபாத் செண்டருக்கு ட்ரான்ஸ்ஃபர் வாங்கிட்டு வரணும். அதுவும் முடியாதுன்னா வேலையை நான் ராஜினாமா பண்ணிடுவேன்" நித்தின், "அப்ப உன் மூணு வருஷ தண்டனை?" தீபா, "ஏற்கனவே அவங்க என்னை வேலைக்கு எடுத்துகிட்டதுக்கு நான் நிறைய சாதிச்சு இருக்கேன். இப்ப எடுத்துக்கற அசைன்மெண்டையும் நீ இந்தியா வரதுக்குள்ள முடிச்சுடுவோம்ங்கற நம்பிக்கை இருக்கு. சோ, அதை வெச்சு ரிக்வெஸ்ட் பண்ணுவேன். ஒத்துப்பாங்கன்னு நினைக்கறேன்" நித்தின், "இப்ப எடுத்துக்கற அசைன்மெண்டை அதுக்குள்ளே முடுச்சுடிவீங்களா?" தீபா, "ம்ம்ம் .. அப்படிதான் தோணுது." நித்தின், "அப்படி முடிச்சா உன் பாஸ் ட்ரான்ஸஃபருக்கு ஒத்துக்குவாரா?" தீபா, "நாங்க என்ன சொன்னாலும் எல்லாரும் கேப்பாங்க" நித்தின், "ஏன் அவ்வளவு கஷ்டமான கேஸா அது?" தீபா தன் காலரை உயர்த்தி விட்டவாறு, "எஃப்.பி.ஐ காரங்களே அவங்களால முடியாதுன்னு கைவிட்ட கேஸ் இது." நித்தின், "Then I wish you good luck ... " தீபா, "You know something? உனக்கு பஸ்ஸில்ஸ், அல்காரிதம் இதிலெல்லாம் இருக்கும் ஆர்வத்துக்கு நீ நான் செய்யற வேலையை செஞ்சா எவ்வளவு என்ஜாய் பண்ணுவே தெரியுமா? நீ என்னடான்னா இன்ஸ்யூரன்ஸ் கம்பெனிக்கு கோட் எழுதிட்டு இருக்கே" நித்தின், "ஏன்? இன்ஸ்யூரன்ஸ் கம்பெனிக்கு கோட் எழுதறதுக்கு என்ன குறைச்சல். அதுவும் என்ஜாய் பண்ணற மாதிரி வேலைதான்" தீபா, "நான் சாலஞ்ச் பண்ணறேன். இதுக்காகவாவுது உன் கிட்ட நான் செய்யும் வேலையை பத்தி டிஸ்கஸ் பண்ணறதுக்கு என் பாஸ்கிட்ட பர்மிஷன் கேக்கப் போறேன்" நித்தின், "அதுக்கு உன் பாஸ் ஒத்துக்குவாரா?" தீபா, "ஏன்? நான் என்ன யாராவுது ஹாக்கர்கிட்டயா டிஸ்கஸ் பண்ணணும்ன்னு கேக்கப் போறேன்? இன்ஸ்யூரன்ஸ் கம்பெனில கோட் எழுதிட்டு இருக்கறவன்கிட்டதானே. உன்னால் எந்த செக்யூரிடி இஸ்யூவும் வராதுன்னு சொல்லப் போறேன்" நித்தின், "அப்ப நான் ஒரு ஹாக்கரா இருந்து இருந்தா?" தீபா, "உன்னை அரெஸ்ட் பண்ணி என்னை மாதிரி என் கூட வொர்க் பண்ண R&AWவில் சேர்க்க என்ன வழின்னு பாப்பேன்" சிரித்தபடி நித்தின், "நீ பண்ணற வேலை ஓ.கே. ஆனா எனக்கு இந்த போலீஸ், கட்டுப் பாடு இதெல்லாம் பிடிக்காதே" தீபா, "அதுவும் எனக்கு தெரியும். ஆனா ஒண்ணு சொல்லட்டுமா? எங்க வேலையிலும் கட்டுப்பாடுன்னு ஒண்ணும் கிடையாது. எங்க பாஸ் நாங்க செய்யும் வேலையில் தலையிடவே மாட்டார். அப்பப்ப என்ன செஞ்சுட்டு இருக்கோம்ன்னு அப்டேட் கொடுத்தா போதும்" நித்தின், "ம்ம்ம் பாக்கலாம்" தீபா, "என்ன பாக்கலாம்?" நித்தின், "கல்யாணத்துக்கு அப்பறம் உங்க R&AWவில் எனக்கு வேலை கிடைக்குதான்னு ..." அளவிலா உற்சாகத்தில் அவன் மடிமேல் ஏறி அமர்ந்து அவன் கழுத்தை கைகளால் வளைத்தவள், "சீரியஸா சொல்றியா? நீ என் பாஸ்கிட்ட பத்து நிமிஷம் பேசினா போதும். என்னைவிட சீனியர் பொஸிஷனில் வேலை கொடுப்பார்" இருட்டும் வரை பார்க்கை சுற்றித் திரிந்தவர்கள் ஒரு ரெஸ்டாரண்டில் உணவருந்தியபின் நித்தின் காரில் ஹோட்டலை நோக்கி பயணித்தனர். தீபா, "நாளைக்கு நீ பிஸின்னு சொன்னே. சரி, சனிக்கிழமை கூட பிஸியா இருப்பியா? நான் புறப்படறதுக்கு முன்னாடி பாக்கணும்" நித்தின், "முடிஞ்சா உன்னை ஏர்ப்போர்ட்டில் வந்து பார்க்கறேன்" ஹோட்டலின் வாசலில் வெகு நேரம் அணைத்த படி பேசிக் கொண்டு இருந்து பல முத்தங்களுக்கு பிறகு பிரியா விடை பெற்றனர்.ஹோட்டல் லாபியில் காத்து இருந்த சக்தியை இன்ப அதிர்ச்சியால் திக்கு முக்காட வைத்தபடி லிஃப்டில் இருந்து வந்தனா வந்தாள். தன்னைப் பார்த்து சக்தியின் கண்கள் விரிவதைக் கண்டது முதல் அவன் அருகே வரும் வரை தலைகுனிந்து நடந்து வந்தாள். அருகில் வந்து அவன் முகத்தைப் பார்த்து வெட்கப் புன்னகை உதிர்த்தவளிடம் இருந்து இரண்டு அடிகள் பின்னால் சென்று அவளை மறுபடி தலையில் இருந்து கால்வரை கண்களால் தழுவினான், வந்தனா, "ஏய், போதும் எல்லாம் பாக்கறாங்க. போலாம் வா" சக்தி, "நத்திங்க் டூயிங்க் அப்படியே நில்லு" என்றபடி ஜாக்கெட் பாக்கெட்டில் இருந்து ஒரு சிறு கேமராவை எடுத்து அவளை படம் பிடிக்கத் தொடங்கினான். வந்தனா, "என்னது இது புதுசா? என் ஃபோட்டோ உன் கிட்ட இல்லையா?" சக்தி, "நிறைய இருக்கு. ஆனா புடவை கட்டிட்டு எதுவும் இல்லை" என்றவாறு அவளை முன் புறம், பக்கவாட்டிலிருந்தும் சரமாறியாக க்ளிக்கினான். பிறகு கேமராவை பாக்கெட்டில் போட்டபடி அருகே வந்து அவளது இடையை கையால் வளைத்தான். "ஏது புடவை? மேடம் ஊர்ல இருந்து கொண்டு வந்து இருந்தீங்களா?" "ம்ம்ஹூம் ... உனக்கு புடவை கட்டி காண்பிக்கணும்ன்னு நேத்து லஞ்ச் டைமில் தீபாகூட போய் வாங்கினேன். புடிச்சு இருக்கா?" "எனக்கு பிடிச்ச டார்க் ரெட் .. கூட இந்த பீகாக் ப்ளூ பார்டர் அட்டகாசம். அப்படியே மறுபடி உன் ரூமுக்கு தூக்கிட்டு போலாம்ன்னு இருக்கு"

 "எதுக்கு?" காதலர்களிடையே நடக்கும் இலை மறை காயான பேச்சுக்களுக்குத்தான் எத்தனை சுவை! "ஃபர்ஸ்ட் நைட்டுக்கு ஒரு சின்ன ரிஹர்ஸல் பார்க்க" லேசாக தலையை உயர்த்தி அருகில் இருந்தவனை மையிட்ட கண்களால் சில கணங்கள் கூர்ந்து நோக்கியவள், "உனக்கு நிஜமா அப்படி தோணுதா?" சக்தி, "சத்தியமா தோணுது. ஆனா, Call me old fashioned .. I rather reserve it for that memorable night" முகம் மலர்ந்த வந்தனா, "எனக்கு எவ்வளவு சந்தோஷமா இருக்கு தெரியுமா? இது வரைக்கும் நீ எந்த விஷயத்திலும் நான் எதிர்பார்த்ததுக்கு மாறா இல்லை" சக்தி, "ரிஹர்ஸல்தான் வேண்டாம்ன்னு சொன்னேன் .. but not this" என்றவாறு அவள் எதிர்ப்புத் தெரிவிக்கும் முன்னர் அவளை அணைத்து அவள் இதழோடு இதழ் பதித்தான். சுற்றி இருந்த பலரின் தலைகள் இவர்கள் பக்கம் திரும்ப, அவன் அணைப்பில் இருந்து விலகிய வந்தனா, "என்னது இது பப்ளிக் ப்ளேஸில். போலாம் வா" என்றபடி சிவந்து இருந்த முகத்தை சுளிக்க முயன்று தோற்றாள். அருகில் இருந்த மாலில் சற்று நேரம் சுற்றித் திரிந்த பின் காரில் ரெஸ்டாரண்டை நோக்கி பயணித்தனர் ...

செக்மேட் - சைபர் கிரைம் - பகுதி - 8

இருவரிடையே நிலவிய மௌனத்திலும் ஒரு அன்னியோன்னியம் இழையோடியது.அவர்களுக்கு பின்னால் நின்று கொண்டு இருந்த ஜோடி இதற்கிடையே ... தீபா, "பூனாவிலயே நிறைய ஐ.டி கம்பெனிகள் இருக்கே. எதுக்கு பெங்களூர் போனே?" நித்தின், "பூனால எங்க தாத்தா பாட்டிதான் இருக்காங்க. அப்பா இருப்பது மும்பை" தீபா, "அம்மா?" நித்தின் இறுகிய முகத்துடன் வானத்தை நோக்கி விரலை உயர்த்த அடுத்த கணம் தீபாவின் முகத்தில் இருந்த குறும்பு காணாமல் போனது, "சாரி .. எப்ப?" நித்தின், "நான் ப்ளஸ் டூவில் இருக்கும் போது" தீபா, "ஐ ஆம் சோ சாரி .. " நித்தின், "பரவால்லை .. இப்ப ரொம்ப ஞாபகம் வருவது இல்லை" தீபா, "ஆனா உங்க அப்பா இன்னமும் ரொம்ப கஷ்டப் படுவார் இல்லை?" நித்தின் ஆமென்று தலையாட்ட தீபா தொடர்ந்து, "எங்க அப்பா மாசத்தில் மூணு வாரம் ஊர் ஊரா சுத்திட்டு இருப்பார். ஆனா ஒவ்வொரு நாளும் அம்மாகூட ரெண்டு மூணு தடவை ஃபோன்ல பேசுவார்" நித்தின், "வேறு எதாவுது பேசுவோமே?" தீபா மௌனமானாள். நித்தின், "ஹேய், நான் கோவமா சொல்லலை. ஜாலியாதான் சொன்னேன் .. சரி, ஹைதராபாத்திலேயே நிறைய கம்பெனிகள் இருக்கும் போது நீ ஏன் டெல்லில வேலைல சேர்ந்தே?" தீபா, "அப்பா அம்மா கெடுபிடி இல்லாம கொஞ்ச நாள் ஜாலியா இருக்கலாம்ன்னுதான்" நித்தின், "ஏன் உங்க பேரண்ட்ஸ் ரொம்ப ஆர்தடாக்ஸா?" தீபா, "நோ வே. எங்க அப்பா ஒரு லாயர். அம்மா டாக்டர். என் இஷ்டத்துக்கு குறுக்கே நிக்க மாட்டாங்க" நித்தின், "அப்பறம் டெல்லி ஏன்?" அதுவும் அரசாங்க வேலைல ஏன் சேர்ந்தே? உனக்கு பாத்து இருக்கும் மாப்பிள்ளை டெல்லில இருக்கானா?" தீபா, "வேறு எதாவுது பேசலாமே?" நித்தின், "ஓ, சரி, என்ன வேலை பண்ணறான்?" தீபா, "யாரு?" நித்தின், "உனக்கு பாத்து இருக்கும் மாப்பிள்ளை" அவன் கழுத்தை நெரிப்பதுபோல் பாவனையுடன், "க்ர்ர்ர் ... எனக்கு இன்னும் மாப்பிள்ளை பாக்கலை .. இன்னொரு தடவை ஏன் டெல்லி ஏன் அரசாங்க வேலைன்னா உன்னை கொன்னுடுவேன். வேற எதாவுது பேசலாம்" நித்தின், "பி.டெக் முடிக்கும் போது கேம்பஸ் இண்டர்வ்யூவில எந்த கம்பெனியிலும் கிடைக்கலையா? " மறுபடி அவன் எதைப் பற்றி கேட்க வருகிறான் என்று அறிந்தும் அவனுடய வார்த்தை விளையாட்டில் கலந்து கொண்டாள் ... தீபா, "பி.டெக் முடிச்சதும் மேல படிக்கணும்னு நான் கேம்பஸ் இண்டர்வ்யூ எதுக்கும் போகலை" நித்தின், "மேல படிச்சியா?" தீபா, "ம்ம்ம் ... ஐ.ஐ.எஸ்ஸில எம்.டெக் படிச்சேன்" நித்தின், "ஸ்கூல் ஆஃப் ஆடோமேஷனிலா (IISc School Of Automation)" தீபா, "ஆமா .. " நித்தின், "சோ, நீ வேலைக்கு சேந்து ரெண்டு மூணு மாசம்தான் ஆச்சு" தீபா, "ஆமா .. " நித்தின், "ஏன்? ஏன் NIC? .... நான் உன் கிட்ட கேக்கலை .. நானே என்னை கேட்டுக்கறேன். என்ன காரணமா இருக்கும்ன்னு யோசிக்கறேன்" என்ற படி வானத்தைப் பார்த்து தலையை சொறிந்த அவனது குறும்பை தீபா மிகவும் ரசித்தாள். தீபா, "எம்.டெக் ப்ராஜெக்ட் நான் NICஇல் பண்ணினேன். வந்தனா பழக்கமானா. எனக்கு அந்த இடம் ரொம்ப பிடிச்சு இருந்துது. எங்க அப்பா அம்மா நான் வேலைக்கு போய் சம்பாதிக்கணும்னு எதிர் பார்க்கல. சோ, அங்கே சேர்ந்தேன். கூலான வேலை. பெருசா ஒண்ணும் கிழிக்கறது இல்லை. நிறைய ஃப்ரீ டைம். இதெல்லாம் எனக்கு பிடிச்சு இருந்துது. இதுக்கு மேல ஏன் சேர்ந்தேன்னு காரணம் சொல்ல தெரியலை" என்று அழகாக பொய் சொன்னாள். நித்தின், "சரி, இனி இன்னைக்கு நிம்மதியா தூங்குவேன். தாங்க்ஸ்." தீபா, "என்ன உனக்கு அவ்வளவு க்யூரியாசிடி?" நித்தின், "யாராவுது ஒளிச்சு வெச்சா, மறைச்ச எனக்கு எப்படியாவுது கண்டு பிடிக்கணும்னு இருக்கும். என் நேச்சர் அப்படி அதில் ஒரு த்ரில்" தீபா, "அப்படியா நான் ஒர் புதிர் போடறேன் கண்டு படி பாக்கலாம்" என்றபடி ஒரு கணித புதிரை சொன்னாள். நித்தின், "ஓ, சாம் லாய்டோட புதிர்தானே அது, " என்றபடி அதன் விடையை சொன்னான். அடுத்து இருவரும் ஒருவருக்கொருவர் புதிர் போட்டு விளையாடிக் கொண்டு இருந்தனர். தீபா சொன்ன அத்தனை புதிர்களுக்கும் நித்தின் விடையளித்தான். தீபாவும் நித்தினின் அத்தனை புதிர்களுக்கும் விடையளித்தாள். தீபா, "சோ, யாராவுது மறைச்சா அதை கண்டு பிடிக்கறதில் ஒரு த்ரில். ஆனா நீ மறைக்கறதை யாரும் கண்டு பிடிக்கக் கூடாது அப்படித்தானே?" நித்தின், "அதிலயும் ஒரு த்ரில்தான்!" தீபா, "இப்ப சொல்லு நீ எந்த காலேஜ்ல படிச்சே" நித்தின், "அதான் சொன்னேனே சாதாரண காலேஜ்ன்னு" தீபா, "அதை என்னை நம்ப சொல்றியா?" நித்தின், "எங்க அப்பா தனியா இருந்ததுனால் வெளியூருக்கு போய் படிக்க விரும்பல. அதனால் மும்பையிலேயே சீட் கிடைச்ச காலேஜில் சேர்ந்தேன்" தீபா, "சரி, ஐ.ஐ.டி மும்பை சரி தானே?" என்றாள் நித்தின் அதற்கு பதிலாக புன்னகைத்தான். தீபா, "அப்ப சக்தி? சென்னையா?" நித்தின் வாய்திறக்காமல் ஆமென்று தலையாட்டும் விதத்தை வெகுவாக ரசித்தாள். இருவருக்கும் இடையே குறும்பு கலந்த ஒரு அன்னியோன்னியம் தோன்றியது. க்யூ நகரத் தொடங்க நால்வரும் சுற்றுலா பயணத்தை தொடங்கினர். மதியம் இரண்டு மணி வரை ஒரு தீவில் இருந்த சுதந்திர தேவி சிலையையும் அருகே எல்லிஸ் ஐலண்ட் என்ற இன்னொரு தீவில் இருந்த சரித்திரப் புகழ் பெற்ற கட்டிடங்களையும் சுற்றிப் பார்த்தபின் புறப்பட்ட இடத்திற்கு வந்து சேர்ந்தனர். இடையே பல் வேறு இடங்களிலும் சக்தியும் தீபாவும் கொண்டு வந்து இருந்த டிஜிடல் கேமராக்களில் பல புகைப் படங்கள் பதிவாகி இருந்தன.Sunday, 17 August 2008 2:00 PM ஞாயிறு, ஆகஸ்ட் 17 மதியம் 2 மணி கடைசியாக எல்லிஸ் ஐலண்டில் ஃபெர்ரியில் ஏறியவர்களிடையே மௌனம் நிலவத் தொடங்கியது. வந்தனா, 'எதையாவுது சொல்லி இன்னும் கொஞ்ச நேரம், இல்லை, இன்னைக்கு முழுக்க என் கூடவே இரேன். ப்ளீஸ். நீ அபத்தமா எதாவுது சொன்னாலும் நான் கண்டுக்க மாட்டேன்' என்று மனதுக்குள் சக்திக்கு விண்ணப்பித்தாள். தீபா, 'உன்னை என்ன சொல்லி இன்னும் கொஞ்ச நேரம், இல்லை, இன்னைக்கு முழுக்க என் கூடவே இருக்க வைக்கலாம். அபத்தமா எதாவுது சொன்னா உடனே கிண்டலடிப்பே. அதுக்கெல்லாம் நான் அவமானப் படப் போறது இல்லை' என்று நித்தினிடம் மனதுக்குள் முறையிட்டாள். மௌனமாக ஃபெர்ரியில் இருந்து கார் பார்க்கை அடையும் போது. சக்தி மௌனத்தை கலைக்கும் படி, "ரெண்டு பேரும் என்ன மாதிரி லஞ்ச் சாப்பிடலாம்ன்னு இருந்தீங்க?" என்றான். அவன் கேட்ட கேள்வி இருவரையும் நோக்கி இருப்பினும் அவன் கண்கள் வந்தனாவின் முகத்தில் இருந்து அகலவில்லை. 'ஐய்யோ பிரியப் போறோம்; அதுக்குள்ள எதாவுது கேக்கணுமே' என்று யோசித்துக் கொண்டு இருந்த தீபா, சக்தி அப்படிக் கேட்டதும் குதூகலத்துடன் அவளையறியாமல், "எஸ்!" என்றாள். நித்தின், "சக்தி, எஸ் அப்படின்னு ஒரு லஞ்ச் இங்க எங்கே கிடைக்கும்ன்னு உனக்கு தெரியுமா?" . அசடு வழிந்து அவனை முறைத்தபடி தீபா, "அகோர பசி. சாப்பாடுன்னு சக்தி சொன்னதும் 'எஸ்'ன்னேன். அதுக்குள்ள காலை வாராதே. எனக்கு எந்த மாதிரி லஞ்ச்ன்னாலும் பரவால்லை" காலை அவர்களது ஹோட்டலில் சண்டே ஸ்பெஷல் ப்ரேக்ஃபாஸ்ட் புஃப்ஃபே (Sunday Special Breakfast Buffet) உணவு அருந்தும் போது, “ரெண்டு இடத்தையும் பாத்து முடிக்க சாயங்காலம் ஆனாலும் ஆகலாம். சோ, இப்ப நல்லா ஒரு வெட்டு வெட்டிக்கலாம். கூடவே, இந்த ஸ்வீட் பன்னும் ஜூஸ் பாக்கெட்டும் ரெண்டு எடுத்து பாகில் போட்டுக்கலாம்” என்று தீபா சொன்னது நினைவுக்கு வந்தது. தீபா நமட்டுச் சிரிப்புடன் தன் கண்களை தவிர்ப்பதைக் கண்டு அவளும் புன்னகைத்தவாறு வேறெங்கோ பார்த்தாள். சக்தி தன் காரில் வந்தனாவை அழைத்துக் கொண்டு சோஃபியா'ஸ் ஆஃப் லிட்டில் இட்டலி (Sofia’s Of Little Italy) எனும் இத்தாலிய உணவகத்தை அடையுமுன் நித்தினும் தீபாவும் அங்கு சென்று டேபிளுக்கு சொல்லி விட்டு வெளியில் காத்திருந்தனர். சுவற்றோரம் இருந்த டேபிளில் சுவற்றை ஒட்டி இருந்த இருக்கைகளில் வந்தனாவும் அவளுக்கு எதிரில் சக்தியும் அமர்ந்தனர். சக்தியின் கால்கள் அடிக்கடி வந்தனாவின் கால்களை உரசியபடி இருந்தது. சக்தி வந்தனாவைப் பார்த்து, "சாரி .. " அவள் பதிலளிக்குமுன் தீபா, "என்னாச்சு?" நித்தின், "நீளமா கால் இருக்கறதுனால வரும் தொந்தரவு" என்றான். வந்தனா, "இட்ஸ் ஓ.கே, நல்லா ஸ்ட்ரெட்ச் பண்ணிக்கோ. எனக்கு தொந்தரவு இல்லை" என்ற பிறகு சக்தி சுவாதீனமாக கால்களை நீட்ட இருவரின் கால்களும் உறவாடிய வண்ணம் இருந்தன. நித்தினும் சக்தியும் தங்கள் அளவுக்கு பெண்களும் பசியுடன் இருக்கிறார்கள் என்ற எண்ணத்தில் ஆர்டர் செய்து இருந்தனர். இப்போதோ அந்த பாஸ்தாவை சாப்பிட முடியாமல் திணறிய வந்தனாவையும் தீபாவையும் சுவாரசியமாக பாத்துக் கொண்டு இருந்தனர். தீபா, "நீ இவ்வளவு ஆர்டர் பண்ணுவேன்னு நான் நினைக்கலை. பாக்கியை பாக் பண்ணி எடுத்துட்டு போயிடலாமா?" நித்தின், "போதும்ன்னு சொல்லு. நான் தப்பா எடுத்துக்க மாட்டேன்" என்றதும் மறுபடி அசடு வழிந்தாள். நித்தின், "போதும் வெச்சுடு. இங்கே டெஸர்ட்ஸ் ரொம்ப நல்லா இருக்கும். ஆனா பேர் ஒண்ணும் வாயில் நுழையாது. முன்னாடி ஷோ கேஸில் வெச்சு இருக்கறதை பாத்து செலக்ட் பண்ணிட்டு வரலாம்" என்று எழுந்ததும் அவள் சாப்பிட்டுக் கொண்டு இருந்ததை அப்படியே விட்டு விட்டு அவனுடன் சென்றாள். சக்தி, "ஆக்சுவலி, எனக்கு இன்னும் கொஞ்சம் வேணும். உனக்கு போதும்ன்னா எனக்கு கொடு" வந்தனா தன் கைகளை உயர்த்தினாள். அவள் மிச்சம் வைத்து இருந்த பாஸ்தாவை எந்த விதமான சங்கோஜமும் இல்லாமல் சக்தி சாப்பிடுவதை பார்த்துக் கொண்டு இருந்தாள் சக்தி, "நீயும் போய் உனக்கு வேணுங்கற டெஸர்ட்டை செலக்ட் பண்ணிட்டு வா" வந்தனா, "உனக்கு?" சக்தி, "நான் எதுன்னாலும் சாப்பிடுவேன். நித்தினே பாத்து எனக்கும் செலக்ட் பண்ணிடுவான்" வந்தனா, "அப்ப எனக்கும் அதையே ஆர்டர் பண்ணலாம்" ஒரு கணம் சாப்பிடுவதை நிறுத்தி அவளை நிமிர்ந்து பார்த்தான். அவன் கண்களை தவிர்த்து சிரத்தையுடன் அருகில் இருந்த டிஸ்ஸ்யூவை எடுத்து கை துடைத்துக் கொண்டு இருந்தாள். அவள் முகத்தில் படர்ந்து இருந்த நாணத்தை அவன் கவனிக்க தவறவில்லை. சக்தி, "தயவு செஞ்சு அப்படி சொல்லாதே. நீ போய் உனக்கு பிடிச்சதை எடுத்துட்டு வா. நித்தின்கிட்டே உன் செலக்ஷன் என்னன்னு சொல்லு” என்று வற்புறுத்தி அவளை அனுப்பி வைத்தான். முன்புறம் ஷோகேஸின் எதிரே நின்றிருந்த நித்தின்-தீபா அருகே சென்ற வந்தனா அந்த ஷோகேஸில் வைத்து இருந்த வெவ்வேறு வகையான ஐஸ் க்ரீம், கஸ்டர்ட், ஜெல்லாட்டோ போன்ற டெஸர்ட்டுகளின் ஒன்றை தேர்ந்து எடுத்த பின் நித்தினிடம் சொன்னாள். நித்தின், "பரவால்லை நாம் மூணு பேருக்கும் வேற வேற செலக்ட் பண்ணி இருக்கோம். சக்திக்கு இந்த மூணைத் தவிர வேற ஒண்ணை நான் செலக்ட் பண்ணி இருந்தேன். இன்னிக்கு சக்திக்கு வேட்டைதான்" வந்தனா, "ஏன், " நித்தின், "அவன் ஒரு இனிப்புப் பிரியன். அவனுதை தவிர நம் ஐஸ் க்ரீம்லயும் ஒரு ஸ்பூனாவுது எடுத்து ஸுவாஹா பண்ணிடுவான். இன்னைக்கு நாலு வகையான டெஸர்ட்ஸ் அதான் அவனுக்கு வேட்டைன்னேன்" அதற்கேற்றார் போல் நால்வரும் டெஸர்ட்டுகளை உண்டு கொண்டு இருக்கும் போது, 'இது எப்படி இருக்குன்னு பாக்கலாம்' என்றவாறு அவனுடையதை தவிர மற்ற மூவரது கிண்ணங்களில் இருந்தும் ஒரு பெரிய ஸ்பூனில் எடுத்து ஒரு குழந்தையின் உற்சாகத்துடன் சாப்பிட்டதை வந்தனா மிகவும் ரசித்தாள். தீபாவளியின் போது அவள் தந்தை, பெரியப்பா, சித்தப்பா மற்றும் மனீஷ் எல்லோரும் பல வகையான இனிப்புக்களைக் கொண்டு வந்து வீட்டை நிறப்புவது நினைவுக்கு வந்தது. 'சோ, இதுதான் உன்னோட வீக்னஸா? வர்ற தீபாவளி சமயத்தில் நீ இங்கே இருப்பே. அடுத்த தீபாவளி நீ என் வீட்டுக்கு வரணும். உனக்கு போதும் போதுங்கற அளவுக்கு உனக்கு ஸ்வீட்ஸ் கொடுத்து நான் பாக்கணும்' என்று மனதுக்குள் அவனிடம் பேசினாள்.சாப்பிட்டு முடித்து வெளியில் வந்ததும் இம்முறை மற்றவரை முந்திக் கொண்டு. "நித்தின், இன்னைக்கு உன் ப்ரோக்ராம் என்ன? எனக்கு டைம் ஸ்கொயர் பாக்கணும்; அப்பறம் நைன் இலவன் (9/11) WTC (World Trade Centre) சைட்டுக்கு கூட்டிட்டு போய் காண்பிக்கறயா?

"  நித்தின், "எனக்கு ப்ரோக்ராம் ஒண்ணும் இல்லை ... ஆனா" என்று இழுத்தபடி சக்தியை பார்க்க, தனக்கு அதில் விருப்பமில்லை என்பதை வெளிப்படுத்தும் விதமாக சக்தி, "நித்தின், நீ கூட்டிட்டு போறயா; நான் கிளம்பறேன்" என்றதும் வந்தனா, "தீபா, எனக்கு இப்ப ஷாப்பிங்க் போக விருப்பமில்லை. நீ போயிட்டு வாயேன். நான் திரும்பி ஹோட்டலுக்கு போறேன்" என்றாள். அதற்காகவே காத்து இருந்ததைப் போல தீபா, "சரி, நித்தின் நாம் போலாமா" நித்தின், "வந்தனா, 9/11 சைட் உன் ஹோட்டலுக்கு பக்கத்திலயே இருக்கு அங்கே முதல்ல போய் பாத்துட்டு உன்னை ஹோட்டலில் இறக்கி விட்டுடறேன்" வந்தனா அவசரமா, "அதுக்கு நான் வரலை .." சொன்னதைக் கண்டு சக்தி துணுக்குற்றான். சக்தி, "இல்லை டைம் ஸ்கொயருக்கு நீ வடக்கே போகணும். திரும்பி வரும் வழியில் 9/11 சைட்டுக்கு கூட்டிட்டு போய் காட்டு. நான் வந்தனாவை அவ ஹோட்டலில் விட்டுட்டு போறேன்" பிறகு வந்தனாவை அழைத்துக் கொண்டு புறப்பட்டான். போகும் வழியில் வந்தனாவிடம், "ஏன் 9/11 சைட்டுக்கு போகலைன்னு ரொம்ப பதட்டத்தோட சொன்னே?" சிறிது நேர மௌனத்திற்கு பிறகு, "என் அண்ணன் ஸ்பெயினில் இருக்கும் போது அல்-கைதா தீவிரவாதத் தாக்குதலில் இறந்தான். அதை இப்ப நினைச்சாக்கூட .. " என்று மட்டும் சொன்னாள். அவள் அதற்கு மேல் தொடருமுன் சக்தி, "ஓ ஐ அம் சாரி, நீ எப்படி ஃபீல் பண்ணுவேன்னு எனக்கு புரியுது. இட்ஸ் ஓ.கே மேல எதுவும் சொல்ல வேண்டாம்" என்றபடி அருகில் அமர்ந்தவள் கையை பற்றினான். சக்தி, "உனக்கு ஷாப்பிங்க்ன்னா பிடிக்காதா?" வந்தனா, "எனக்கு இப்ப ஷாப்பிங்க் போற மூட் இல்லை" சக்தி, "ஹோட்டலுக்கு போய் என்ன பண்ணப் போறே?" வந்தனா, "தெரியலை. எதாவுது படிச்சுட்டு இருப்பேன்" சக்தி, "உனக்கு வேற எதாவுது இடத்துக்கு போகணும்ன்னு இருக்கா?" வந்தனா, "ஆக்சுவலா, சென்ட்ரல் பார்க் ரொம்ப தூரமா?" சக்தி, "ம்ம்ம் .. கொஞ்சம் தூரம்தான், ஒண்ணு செய்யலாம். உன் ஹோட்டலில் காரை நிறுத்திட்டு சப்வேல போலாம். உனக்கும் சப்வே பழக்கமான மாதிரி இருக்கும். அடுத்த ரெண்டு வாரமும் டாக்ஸியை மட்டும் நம்பி இருந்தா ரொம்ப செலவு ஆகும். Besides, சப்வேல போனா சீக்கரமா போலாம்" ஆறு மணிவரை நேரம் போனது தெரியாமல் பேசியபடி சென்ட்ரல் பார்க்கை சுற்றி திரிந்தனர். வந்தனா தன் மனதில் சக்தியிடம் தோன்றிய இனம் புரியாத நெருக்கத்தை மறைக்க முயன்று தோற்றாள். அவளை அறியாது அவன் கைகளை, புஜத்தை பற்றுவதும் பிறகு உணர்ந்து விடுவிப்பதுமாக நடந்தாள். சக்தி அவளது அவஸ்தையை கவனித்தாலும் ஓரளவு நெருங்கிய நண்பனைப் போல் மட்டும் பேசியபடி அவளுடன் நடந்தான். தன்னிடம் அவள் நெருக்கமாக பழக முயல்வதை நன்கு உணர்ந்தான். இருப்பினும் அவள் தன்னிடம் எதையோ மறைக்கிறாள் என்பதையும் உணர்ந்தான். ஏற்கனவே இருந்த அவனது முன் எச்சரிக்கை உணர்வு அவர்களின் ட்ரான்ஸ்ஃபர் ஆபரேஷன் ஆரம்பித்ததில் இருந்து பன் மடங்காகி இருந்தது. 'இவள் எனக்கு வேண்டும்' என்று மனதின் ஒரு பாதி கூக்குரலிட்டாலும் மறு பாதி அபாய மணிகளை ஒலித்த வண்ணம் இருந்தது. தீபாவை அழைத்துச் சென்ற நித்தினும் இதே அலைக்கழிப்புக்கு உள்ளானான். அவள் அரசாங்க வேலையில் சேர்ந்ததற்கு அவள் சொன்ன காரணங்கள் எதையும் அவன் மனம் ஏற்கத் தயாராக இல்லை. உணவருந்தும் போது அவர்கள் எஃப்.பி.ஐயில் எடுத்துக் கொள்ளப் போகும் ட்ரெயினிங்க்கை பற்றி சக்தி விவரம் கேட்க இருவரும் சொன்னவற்றில் பல ஓட்டைகள் இருந்ததை கண்டான். இருப்பினும் தீபாவிடம் அவன் ஈர்க்கப் படுவதை தவிர்க்க முடியாமல் தவித்தான். சக்தியை போல் அல்லாமல் அவளிடம் துளியும் தன் நெருக்கத்தை அவன் காட்டாவிட்டாலும் அவள் அதை சாதாரணமாக எடுத்துக் கொண்டு உரிமையுடன் உறவாடுவதை மனதுக்குள் மிகவும் ரசித்தான். சென்ட்ரல் பார்க்கில் இருந்து சக்தியும் வந்தனாவும் மில்லினியம் ஹில்டன் ஹோட்டலை அடைந்து பிரிய மனமில்லாமல் சிறிது நேரம் பேசிக் கொண்டு இருக்கையில் நித்தின் தீபாவுடன் வந்து சேர்ந்தான். நால்வரும் பிறகு சந்திப்போம் என்று விடை பிரிந்தனர். லிஃப்டில் இருக்கும் போதே தீபா பேச்சைத் தொடங்கினாள்: தீபா, "எப்படி இருந்துது சென்ட்ரல் பார்க்?" வந்தனா, "டைம் ஸ்கொயர் எப்படி இருந்துது?" இருவர் முகத்திலும் இனம் புரியாத நாணம். தீபா, "Do IPS officers also blush? (ஐ.பி.எஸ் அதிகாரிகளுக்கு கூட வெட்கத்தில் முகம் சிவக்குமா?") வந்தனா, "நீ மட்டும் என்ன? மாங்க்ஸ் பாட் நெட்டை கண்டு பிடிச்ச மாதிரி உன் முகம் பிரகாசிக்குது." தீபா, "ஓ.கே. ஐ லைக் நித்தின். ஐ லை ஹிம் அ லாட். ஒத்துக்கறேன். ஆனா நானாத்தான் அவன் கிட்ட வலிய பேச வேண்டி இருக்கு. அவனுக்கும் என் மேல இன்ட்ரெஸ்ட் இருக்குன்னு நல்லா தெரியுது. ஆனா அவன் எப்பவும் ஒரு டிஸ்டன்ஸ் மெயிண்டெயின் பண்ணறான். இப்ப நீ உண்மையை சொல்லு உனக்கு சக்தியை ரொம்ப பிடிச்சு இருக்குதானே?" வந்தனா, "ஆமா. அவனை மாதிரி ஒருத்தனை எந்த பொண்ணுக்கும் பிடிக்கும்" தீபா, "கம் ஆன் வந்தனா! நமக்குள்ள ஒளிவு மறைவு வேண்டாம். ப்ளீஸ்" வந்தனா, "ம்ம்ம்ம்... ரொம்ப பிடிச்சு இருக்கு. ஆனா நீ சொன்ன மாதிரி ஃப்ரெண்ட் அப்படிங்கற எல்லைக் கோட்டை கொஞ்சமும் தாண்டலை. ஆனா சக்தி ஏன் அப்படி நடந்துக்கறான்னு எனக்கு தெரியும்" தீபா, "நம் வேலையைப் பத்தி சொன்னதை அவன் நம்பலை. சரியா?" வந்தனா, "நாம் பொய் சொல்றோம்ன்னு அவனுக்கு நல்லா தெரியுது" தீபா, "என்ன பண்ணலாம்?" வந்தனா, "தெரியலை தீபா" ~~~~~~~~~~~~~~~~~~~~~~~~~~~ நித்தின் அவனது ஃப்ளாட்டை அடைந்த பிறகு சக்தியை கை பேசியில் அழைத்தான். சக்தி, "என்னடா?" நித்தின், "How was Central Park?" (எப்படி இருந்தது சென்ட்ரல் பார்க்?)" சக்தி, "How do you like Deepa? (தீபா எப்படி இருந்தா?)" நித்தின், "ம்ம்ம்ம் .. ஐ லைக் ஹர். ரொம்ப பிடிச்சு இருக்கு. வாட் அபௌட் யூ?" சக்தி, "எனக்கும் வந்தனாவை ரொம்ப பிடிச்சு இருக்கு .. ஆனா" நித்தின், "ஆனா எதையோ மறைக்கற மாதிரி இருக்கு இல்லையா?" சக்தி, "எஸ். ஒண்ணு நிச்சயம். அது அவங்க ரெண்டு பேரும் செய்யும் வேலை சம்பத்தப் பட்டதுங்கறது தெளிவா தெரியுது" நித்தின், "என்ன பண்ணலாம்?" சக்தி, "தெரியலைடா"16 August 2008 9 AM FBI New York Field Office, 23rd Floor, Federal Plaza, NY ஆகஸ்ட் 16 2008 காலை 9 மணி எஃப்.பி.ஐ நியூ யார்க் கிளை, 23ம் தளம், ஃபெடரல் ப்ளாஸா கட்டிடம், நியூ யார்க் சொன்னது போல் காலை எட்டரை மணிக்கு சான்ட்ரா ஆஸ்டின் அவர்களை ஹோட்டலில் இருந்து அழைத்துப் போக வந்து இருந்தாள். சான்ட்ரா, "நேத்து எப்படி இருந்தது உங்கள் சுற்றுலா?" வந்தனா, "நல்லா என்ஜாய் பண்ணினோம்" சான்ட்ரா, "எப்ப எல்லிஸ் ஐலண்டில் இருந்து திரும்பி வந்தீங்க?" தீபா, "ரெண்டு மணி இருக்கும்" சான்ட்ரா, "அதுக்கு அப்பறம் என்ன பண்ணினீங்க" வந்தனா, "ஸோஃபியா'ஸ் ஆஃப் லிட்டில் இட்டலி என்கிற ரெஸ்டாரண்டில் லஞ்ச் சாப்பிட்டோம்" என்ற பிறகு சற்று தயங்கியபின் "அப்பறம் நான் என் ஃப்ரெண்ட்கூட சென்ட்ரல் பார்க்குக்கு போனேன். இவ அவ ஃப்ரெண்ட்கூட டைம் ஸ்கொயர்ல ஷாப்பிங்க் பண்ணப் போனா" சான்ட்ரா, "ஓ, உங்களுக்கு இங்க ஃப்ரெண்ட்ஸ் இருக்காங்களா. இந்தியர்களா?" தீபா, "ஆமா, இந்தியாவில் இருந்து ஒரு வருஷ ஆன்-சைட் அசைன்மென்ட்டில் வந்து இருக்காங்க" என்றபடி நித்தின் பணி புரியும் அமெரிக்க கம்பெனியின் பெயரை சொன்னாள்.

சான்ட்ரா, "குட், இங்கே உங்களுக்கு ஃப்ரெண்ட்ஸ் இருக்கறது ஒரு விதத்தில் நல்லதுதான்" தீபா, "ஏன்?" சான்ட்ரா, "ரெண்டு வாரத்துக்கு மாங்க்ஸ் பாட் நெட்டை பத்தி கத்துக்கறதுக்கு ஒண்ணும் இல்லை. இந்த வாரம் மாங்க்ச் பாட் நெட்டை பத்தி எங்களுக்கு தெரிஞ்ச விஷயம் எல்லாம் சொல்லப் போறோம். அடுத்த வாரம் வேட்டையை எந்த கோணத்தில் எல்லாம் செய்யலாம்ன்னு டிஸ்கஸ் பண்ணி முடிவெடுக்கப் போறோம். அவ்வளவுதான். பாக்கி எல்லாம் நீங்க இந்தியாவுக்கு போய் தொடரப் போறீங்க" வந்தனா, "அப்ப நீதான் அடுத்த ரெண்டு வாரம் எங்களுக்கு மாங்க்ஸ் பாட் நெட்டை பற்றி விளக்கப் போறயா?" சான்ட்ரா, "நானும் தான். இந்த மாங்க்ஸ் பாட் நெட்டை முதலில் இருந்து ட்ராக் பண்ணிட்டு வந்தது என் சீனியர் ஷான் ஹென்றி (Shawn Henry). ஆறு மாசத்துக்கு முன்னாடி இருந்துதான் நான் அவருக்கு கீழ வேலை செய்ய ஆரம்பிச்சேன். நீங்க அவரைத்தான் முதலில் மீட் பண்ணப் போறீங்க" வந்தனா, "சோ, சான்ட்ரா? நீ எஃப்.பி.ஐ ஃபீல்ட் ஏஜண்டா? (Are you an FBI field agent?)" சான்ட்ரா, "ஃபீல்ட் ஏஜண்ட் பதவிதான். ஆனா நானும் தீபாவைப் போலத்தான்" தீபா, "அப்படின்னா?" சான்ட்ரா, "டெக்னிகல் எஜுகேஷன் (Technical Education) முடிச்சுட்டு நேரடியா எஃப்.பி.ஐயில் சைபர் க்ரைம் பிரிவில் சேர்ந்தேன்" தீபா, "ஏன் உனக்கு மைக்ரோஸாஃப்ட் மாதிரி கம்பெனில வேலை செய்ய பிடிக்கலையா?" சான்ட்ரா, "எனக்கு விருப்பம் இல்லை. சம்பளமும் அவ்வளவு வித்தியாசம் இல்லை. கூகிளில் கிடைச்சு இருந்தா சேர்ந்து இருப்பேன்" எஃப்.பி.ஐ அலுவலகத்தை அடைந்து அவர்களுக்கென கணிணிகள் சகிதம் ஒதுக்கப் பட்டு இருந்த கான்ஃபரென்ஸ் ரூமை அடைந்தனர். சிறிது நேரத்தில் தொடக்கத்தில் இருந்து நான்கு மாதங்களுக்கு முன்பு வரை மாங்க்ஸ் பாட் நெட்டை கண்காணித்து வந்த ஷான் ஹென்றி (Shawn Henry) வந்தார். ஷான் ஹென்றி, "ஹாய் வந்தனா, தீபா, எப்படி இருக்கீங்க? ஹோட்டல் வசதியா இருக்கா? வந்தனா, "ஹெல்லோ சார். ரொம்ப வசதியா இருக்கு சார்." ஷான், "'சார்' போட்டு கூப்பிட வேண்டாம் ஷான் அப்படின்னு பெயர் சொல்லி கூப்பிடுங்க" வந்தனா, "ஓ.கே ஷான். " ஷான், "நீ ஒரு பயிற்சி பெற்ற போலீஸ் அதிகாரின்னு கேள்விப் பட்டேன். நானும் உன்னைப் போலத்தான். போலீஸ் வேலையில் இருந்து சைபர் க்ரைமுக்கு வந்தவன். தீபா, நீ சான்ட்ரா மாதிரி காலேஜ் முடிச்சதும் R&AWவில் சேர்ந்தேன்னு கேள்விப் பட்டேன்" தீபா (தன் புராணம் அவருக்கு தெரியவில்லை என்ற பெருமூச்சுடன்), "எஸ் ஷான்" ஷான், "ஸோ, ஷால் வீ ஸ்டார்ட்?" வந்தனா, "எஸ் ... ப்ளீஸ்" ஷான், "முதல் முதலா மாங்க்ஸ் பாட் நெட்டை பத்தி அதை உருவாக்கினவங்களே ஹாக்கர்கள் மத்தியில் அறிவிச்சாங்க. கில்9 (KILL9), மோர்லா (M0RLA) அப்படிங்கற ஐ.டி உபயோகிக்கும் ரெண்டு பேர் இதை உருவாக்கி இருக்காங்க. இந்த கில்9ம் மோர்லாவும் ஏற்கனவே ஹாக்கர்கள் மத்தியில் கொஞ்சம் பிரபலமானவங்க. " என்றவரை இடைமறித்து தீபா, "ஷான், இவங்க ரெண்டு பேரும் அந்த கொரியன் கம்பெனி நடத்தின ஹாக் செய்யும் போட்டியில் ... " என்ற பிறகு "சாரி, நீங்க பேசும் போது குறுக்கே பேசிட்டேன். நீங்க கண்டின்யூ பண்ணுங்க ..." ஷான், "யெஸ், நீ சொல்றது சரிதான். நீ குறுக்கே பேசினதைப் பத்தி எனக்கு ஒரு வருத்தமும் இல்லை. இன் ஃபாக்ட், நானே முழுக்க முழுக்க விளக்கிட்டு க்ளாஸ் எடுக்கற மாதிரி இல்லாமல் ஒரு உரையாடல் மாதிரி இருந்தா யாருக்கும் தூக்கம் வராது. எனக்கு அந்த போட்டியைப் பத்தி முழுசா தெரியாது. நீயே சொல்லேன்" தீபா உடனே கில்9ம் மோர்லாவும் சேர்ந்து கொரிய நாட்டு கம்பெனி நடத்திய கண் துடைப்புப் போட்டியில் எப்படி அவர்களின் கண் துடைப்பை பகிரங்கப் படுத்தினார்கள் என்று விளக்கினாள். மற்ற மூவரின் முகத்திலும் ஆச்சர்யம் படர்ந்தது.



ஷான், "ஸோ, நாம் எப்படிப் பட்டவங்களை ட்ரேஸ் அவுட் பண்ணும் முயற்சியில் இறங்கி இருக்கோம்ன்னு இப்ப தெரிஞ்சு இருக்கும். இல்லையா" வந்தனா, "சார், ஒரு சின்ன சந்தேகம். அவங்களோட ஹாக்கர் ஐ.டியே தெரிஞ்சு இருக்கும் போது அவங்களை ட்ரேஸ் அவுட் பண்ண முடியாதா?" ஷான், "நாம் ஒவன் வாக்கரை எப்படி ட்ரேஸ் அவுட் பண்ணினோம்? அவன் AKBOTக்கு கொடுக்கும் ஆணைகள் உங்களுக்கு முதலில் தெரிஞ்சுது. பிறகு அந்த ஆணை எந்த கணிணியில் இருந்து வருதுன்னு தேடினோம். அந்த மாதிரி ஒரு க்ளூவும் கிடைக்கலைன்னா? கில்9, மோர்லா இது ரெண்டும் ரெண்டு பெயர்கள் அவ்வளவுதான். அவங்களை நேரடியா அணுக முடியாது. அவங்க மெயில் ஐ.டி, ஃபோன் நம்பர் இதெல்லாம் யாருக்கும் தெரியாது." தொடர்ந்து, "இன்னொரு விஷயம் கொஞ்ச நாளா ஹார்ஷ்7 அப்படிங்கற ஒரு பிரபலமான ஹாக்கரும் மாங்க்ஸ் பாட் நெட்டில் சம்மந்தப் பட்டு இருக்கறதா எனக்கு ஒரு ஃபீல்ட் ரிப்போர்ட் வந்தது" தீபா (கண்கள் அகல!), "வாட்? ஹார்ஷ்7ஆ? (You mean THE one and only HARSH7?)" ஷான், "எஸ் ... அதுவும் இந்த மாங்க்ஸ் பாட் நெட்டை பத்தி நாங்க சந்தேகப் படாம இருக்க ஒரு காரணம்" வந்தனா, "எனக்கு புரியலை .. " ஷான், "ஹார்ஷ்7 எந்த விதமான சட்ட விரோதமான செயல்களிலும் ஈடு படாத ஒரு ஹாக்கர். அதே சமயம் அவன் தன்னை எதிகல் ஹாக்கர் அப்படின்னும் விளம்பரப் படுத்திக்கறது இல்லை. ஏன்னா, எதிகல் ஹாக்கர்களுக்கு வருமானம் கம்மி. ஆனா, ஹார்ஷ்7 வெவ்வேறு தளங்களிலும் ஹாக்கர்கள் தாக்கக் கூடிய விஷயங்களை கண்டு பிடித்து அதை உலகுக்கு அறிவிக்காமல் அந்த வலை தளங்களின் சொந்தக்காரர்கள்கிட்டயே பேரம் பேசி அவங்களுக்கு காட்டி உதவுவான். வேற வழி இல்லாமல் அவங்களுக்கு பணம் கொடுப்பாங்க. ஆனா இது வரைக்கும் எந்த தளத்தையும் அவன் தாக்கினது இல்லை. இதனாலயே அவன் ரொம்ப பிரபலமாயிட்டான். இப்ப எல்லாம் சில நிறுவனங்கள் தானா அவனை தொடர்பு கொண்டு அவங்க தளங்களில் இருக்கும் ஓட்டையை கண்டு பிடிக்க சொல்லி பணம் கொடுக்கறாங்க" தீபா, "எனக்கு ஹார்ஷ்7 பத்தி நல்லா தெரியும். அவர் இதில் சம்மந்தப் பட்டு இருக்கார்ன்னா நிச்சயம் மாங்க்ஸ் பாட் நெட் எந்த விதமான சட்ட விரோத செயலிலும் ஈடு பட்டு இருக்க மாட்டாங்க" வந்தனா, "அப்படியே இருக்கட்டும். முதலில் இந்த மாங்க்ஸ் பாட் நெட்டை பத்தி முழுசா தெரிஞ்சுக்கலாமா?"ஷான், "எஸ், அவங்க அறிவிக்கும் போதே ஏறக்குறைய 20,000 கணிணிகள் இந்த மாங்க்ஸ் பாட் நெட் ஆக்கரமிச்சு இருந்துது. இந்த வைரஸ் மூலம் என்னவெல்லாம் செய்ய முடியும் அப்படின்னு அப்ப ஒரு ஆன்லைன் டெமோ கொடுத்தாங்க. கூடவே, மாங்க்ஸ் பாட் நெட் விளம்பர ஈமெயில் (ஸ்பாம் மெயில்) அனுப்புவதை தவிர வேறு எதுக்கும் பயன் படுத்தப் போறது இல்லைன்னு ஹாக்கர்கள் மத்தியில் ஒரு அறிக்கையும் கொடுத்தாங்க. வைரஸ் மெதுவா இணையத்தில் பரவ ஆரம்பிச்சுது. மாங்க்ஸ் பாட் நெட் பெரிசாக ஆரம்பிச்சுது. அவங்க சொன்ன படி ஸ்பாம் மெயில் மட்டும் இந்த மாங்க்ஸ் பாட் நெட் மூலம் அனுப்பப் படுது. வேறு எந்த விதமான தகவல் திருட்டும் நடக்கற மாதிரி தெரியலை" வந்தனா, "அவங்க வைரஸ் மூலம் எந்த மாதிரி செயல்களை செய்ய முடியும்ன்னு விளக்கி சொல்லறீங்களா?" ஷான், "மாங்க்ஸ் பாட் நெட் வைரஸ் பல வேலைகள் செய்யும்" என்றபடி சான்ட்ராவை நோக்கி தலையசைக்க அவர்களுக்கு எதிரே இருந்த திரையில் ஒரு ப்ரெஸெண்டேஷன் ஓடத் துவங்கியது. ஷான் திரையைக் காட்டியபடி தொடர்ந்தார், 1. அது ஆக்ரமித்த கணிணிக்கு எந்த விதமான ஆணையும் அதனால் கொடுக்க முடியும். அதிலும் ஒரு குறிப்பிடத் தக்க வேறுபாடு என்ன்ன்னா அந்த ஆணை அந்த கணிணியை உபயோகிப்பவர் கொடுத்த மாதிரி விண்டோஸுக்கு கொடுக்க முடியும். இந்த அம்சத்தின் மூலம் ஒரு கணிணியில் இருக்கும் தகவல்கள் அத்தனையும் அழிக்கணும்ன்னாலும் அதனால் முடியும். அதுவும் அந்த வைரஸ் அதுவா போய் அழிக்கத் தேவையில்லை. அழிப்பதற்கு அது விண்டோஸுக்கு ஆணை இடும்; விண்டோஸும் கணிணியை உபயோகிப்பவர் அந்த ஆணையை கொடுத்தார் என்று தப்பா புரிஞ்சுட்டு எல்லாத்தையும் அழிச்சுடும். தற்கொலை செஞ்சுக்கற மாதிரி! 2. அருகில் இருக்கும் கணிணிகளுக்கும் கணிப் பொறிகளுக்கும் எந்த விதமான ஆணையையும் அது கொடுக்க முடியும். இணையத்தில் கணிணிகளை இணைக்க ரௌட்டர், ப்ரிட்ஜ்ன்னு பல கணிணி மாதியான பொறிகள் இருக்கு. இதுக்கு எல்லாம் இதனால் ஆணைகள் கொடுக்க முடியும். இந்த மாதிரி ஆணைகள் மூலம் ஒரு நெட்வொர்க்கை பயன் இல்லாமல் செய்ய முடியும். 3. ஆக்கிரமிச்ச கணிணியில் ஸ்டோர் ஆகி இருக்கும் எந்த தகவலையும் மாங்க்ஸ் பாட் நெட்டை கன்ட்ரோல் செய்யும் சர்வருக்கு அனுப்ப முடியும். இந்த அம்சம் பொதுவா எல்லா பாட் நெட்டிலையும் இருக்கும். இதை வெச்சுத்தான் நிறைய க்ரெடிட் கார்ட் விவரத் திருட்டு நடக்குது. 4. அது ஆக்கிரமித்த கணிணியில் ஸ்டோர் செஞ்சு வைத்து இருக்கும் ஈமெயில் ஐடிகளை உபயோகிச்சு அந்த ஈமெயில் ஐடிக்கு தன்னிச்சையா ஈமெயில் அனுப்ப முடியும். அது அனுப்பும் ஈமெயில் மூலமே அதால மத்த கணிணிகளுக்கு பரவ முடியும். நான் சொன்ன நாலு அம்சங்களில் முதல் ரெண்டும் ரொம்ப அபாயகரமான அம்சங்கள். ஒரு கணிணிக்குள் மாங்க்ஸ் பாட் நெட் வைரஸ் புகுந்தப்பறம் அந்த வைரஸ்ஸை கண்டு பிடிச்சு அகற்றினால் ஒழிய அதை தடுக்க முடியாது. ஆனா, கடைசி அம்சத்தை தவிர மத்த மூணும் அவங்க டெமான்ஸ்ட்ரேட் பண்ணின பிறகு உபயோகிக்கலை. இது வரைக்கும் எங்களால இதோட கன்ட்ரோல் சர்வரை கண்டு பிடிக்க முடியலை. ஆனா எங்க அலுவலகத்தில் தனி நெட் கனெக்ஷனோட இருக்கும் ஒரு கணிணியில் மாங்க்ஸ் பாட் நெட்டை புகுத்தி இருக்கோம். அது என்ன செய்யுதுன்னு தொடர்ந்து மானிடர் பண்ணிட்டு இருக்கோம்.” தொடர்ந்து ஒவ்வொரு அம்சங்களையுன் அடுத்த மூன்று நாட்களும் விரிவாக அலசி ஆராய்ந்து விவாதித்தனர். வந்தனாவும் தீபாவும் அந்த அம்சங்களை முழுவதுமாக புரிந்து கொண்டனர். இரண்டு நாட்களும் சக்தி, நித்தின் இருவரும் தொடர்பு கொள்ளவில்லை. வந்தனா, தீபா இருவருக்கும் அவர்களுடன் பெச வேண்டும் என்று இருந்தாலும் அவர்களே அழைக்கட்டும் என்று காத்து இருந்தனர். செவ்வாய் அன்று இரவு உணவை முடித்த பிறகு தோழிகள் இருவரும் கனத்த மனத்துடன் தங்கள் கைபேசியின் அழைப்புக்கு காத்து இருந்தனர். தீபா, "நாம் கூப்பிடணும்ன்னு வெயிட் பண்ணிட்டு இருப்பாங்க" வந்தனா, "ஆமா" தீபா, "நீ என்னமோ பண்ணிக்கோ நாளைக்கு நானே நித்தினைக் கூப்பிடப் போறேன்" வந்தனா சக்தியை மனதுக்குள் திட்டியபடி மௌனமாக இருந்தாள். புதனன்று மதியம் தீபா நித்தினை அவன் கைபேசியில் அழைத்தாள் நித்தின், "ஹாய் தீபா, கட் பண்ணிட்டு அங்கே இருக்கும் லாண்ட் லைன் நம்பரில் இருந்து கூப்பிடு. இல்லைன்னா பில் பழுத்துடும்" என்று அவனே காலை கட் செய்தான். சற்றும் யோசிக்காமல் தீபா அவகளுக்கு ஒதுக்கப் பட்ட அறையில் இருந்த தொலைபேசியில் இருந்து அவனை அழைத்தாள். நத்தின், "ஹெல்லோ ..." தீபா, "நித்தின், நான் தீபா .. " நித்தின், "எப்படி இருக்கே? உன் ட்ரெயினிங்க் செமினார் எப்படி போயிட்டு இருக்கு?" தீபா, "ம்ம்ம் ... கோயிங்க் ஆன்" நித்தின், "ஸோ?" தீபா, "ஒண்ணும் இல்லை சும்மாத்தான் கூப்பிட்டேன்" நித்தின், "ம்ம்ம் சொல்லு" தீபா, "நீ ரொம்ப பிஸியா?" நித்தின், "ரொம்ப பிஸின்னு சொல்ல முடியாது. வொர்க் பண்ணற ப்ராஜெக்ட் சீரான வேகத்தில் போயிட்டு இருக்கு." தீபா, "ஓ .." நித்தின், "அப்பறம்?" தீபா, "வந்து ... இன்னைக்கு சாயங்காலம் நீ ஃப்ரீயா?" நித்தின், "ஃப்ரீயா இருந்தாலும் ஷாப்பிங்க் பேக் சுமந்து கிட்டு கடை கடையா நடக்க எனக்கு விருப்பமில்லை" தீபா, "ஷாப்பிங்க் ஒண்ணும் வேண்டாம் .. வேற எங்கேயாவுது கூட்டிட்டு போறியா?" நித்தின், "வேற எங்கேயாவுதுன்னா?" தீபா, " எங்கேயாவுது டின்னருக்கு போலாமா?" நித்தின் (சற்று யோசித்த பிறகு), "நான் இன்னைக்கு வீட்டு சாப்பாடு சாப்பிடலாம்ன்னு இருந்தேன். உனக்கு உங்க ஃபைவ் ஸ்டார் ஹோட்டலில் நல்ல சாப்பாடு கிடைக்கும்" தீபா, "எனக்கும் ஸ்பெஷலா சாப்பிடணும்ன்னு இல்லை" நித்தின், "ஏன் ஃபைவ் ஸ்டார் ஹோட்டல் சாப்பாடு அதுக்குள்ள அலுத்துப் போச்சா?" தீபா, "நித்தின்! ப்ளீஸ்" நித்தின், "என்ன?" தீபா, "உன் கூட கொஞ்ச நேரம் ஸ்பெண்ட் பண்ணலாம்ன்னு கேட்டேன்" நித்தின், "ஏன் உன் ஃப்ரெண்ட் ரொம்ப போரடிக்கறாளா?" தீபா (சற்று தடுமாறிய பிறகு), "இல்லை அவ இன்னைக்கு எங்கேயோ வெளில போறா" நித்தின், "எங்கே?" தீபா, "தெரியலை. யாரோ அவ ஃப்ரெண்ட்கூட" நித்தின், "ஸோ, உனக்கு தனியா இருக்க போரடிக்கும் அதனால் தான் என்னை கூப்படறே. இல்லையா?" தீபா, "ஏய், அப்படி இல்லை. வந்தனா எங்கேயும் வெளில போலேன்னாலும் நான் உன்னை இன்னைக்கு கூப்படலாம்ன்னு இருந்தேன்" நித்தின், "உன் ஃப்ரெண்டை அம்போன்னு தனியா விட்டுட்டு வரலாம்ன்னு இருந்தியா?" தீபா, "ஹூம்ம்ம் .. க்ர்ர்ர்ர் ... சரி, இதை மட்டும் சொல்லு. நீ சாயங்காலம் அஞ்சு மணி வரைக்கும் உன் ஆஃபீஸ்லதானே இருப்பே?" நித்தின், "ஆமா ... " தீபா, "அஞ்சு மணிக்கு நான் உன் ஆஃபீஸ் வாசலில் உன்னை மீட் பண்ணறேன். எதாவுது சைட் கேட் வழியா போயிடலாம்ன்னு பாக்காதே" நித்தின், "சைட் கேட் வழியா போனா என்ன பண்ணுவே" தீபா, "உன் ஆஃபீஸ் வாசலில் நின்னுட்டே இருப்பேன் ... நீ நாளைக்கு காலைல திரும்ப ஆஃபீஸ் வர்ற வரைக்கும்" தொண்டை அடைக்க அந்தக் கணம் நித்தின் பேச்சிழந்தான் ... நித்தின், "வெளிய நிக்காதே. உள்ளே ரிஸப்ஷனுக்கு வா .. " தீபா, "சரி .. " என்றபடி ஃபோனை வைத்தாள். அருகில் இருந்த வந்தனாவிடம், "நீ யார்கூடயோ வெளில போறதா சொல்லி இருக்கேன். எதுக்கும் நீயும் ரெடியா இரு" வந்தனா, "ஏன் ?" தீபா, "நான் பொய் சொல்றது அவனுக்கா தெரியாம இருக்கும்? நீ சொல்லற அளவுக்கு சக்திக்கு உன் மேல் இன்ட்ரெஸ்ட் இருந்தா நிச்சயம் உன்னை சக்தி கூப்பிடுவான். அது மட்டும் இல்லை. அவங்க ரெண்டு பேரும் எங்கேயோ டின்னருக்கு போறதா இருந்தாங்கன்னு நினைக்கிறேன். நித்தினுக்கு பதிலா நீ சக்திகூட போ" அவள் சொன்னதில் வந்தனாவின் மனம் குதூகலித்தது.தீபாவிடம் பேசிய சில நிமிடங்களில் நித்தின் சக்தியுடன் பேசினான். நித்தின், "சக்தி, நான் இன்னைக்கு ஜாஷ்வா வீட்டுக்கு வரலை. இப்ப நான் சொன்னா சஞ்சனா கத்துவா" சக்தி, "ஏண்டா?" நித்தின், "நான் தீபாவை கூட்டிட்டு டின்னருக்கு போறேன்" சக்தி, "அப்படி ப்ளான் இருந்து இருந்தா முதல்லயே சொல்லி இருக்கலாம் இல்லையா? பாவம் சஞ்சனா நீ வருவேன்னு இன்னைக்கு நார்த் இண்டியன் ஐடம் எதோ செய்யப் போறேன்னு சொல்லிட்டு இருந்தா" நித்தின், "நான் ப்ளான் பண்ணலை. அந்த பிசாசுதான் ஃபோன் பண்ணி ஆஃபீஸ் வாசலில் தவம் கிடப்பேன்னு பயமுறுத்தினா" சக்தி, "ஸோ, நீ மனம் இளகி ஒத்துகிட்டியாக்கும். சும்மா ஓட்டாதடா" நித்தின், "சரி, சாரி .. எனக்கே அவளை இன்னைக்கு கூப்பிட்டு பேசணும்ன்னுதான் இருந்துச்சு. ஆனா அவ என்னை விட ஜெட் வேகத்தில் டின்னருக்கு போலாம்ன்னு முடிவு பண்ணிட்டா. பட், நான் ஒண்ணு சொல்லட்டுமா?" சக்தி, "என்ன?" நித்தின், "நீ வந்தனாவை ஜாஷ் வீட்டுக்கு கூட்டிட்டு போயேன். Both Josh and Sanjana will like her company" சக்தி, "அவ ஃப்ரீயா இருப்பாளா?" நித்தின், "நிச்சயமா .. என் கூட வரணுங்கறதுக்காக வந்தனா அவ ஃப்ரெண்ட்கூட வெளிய போறதா தீபா ஒரு மைல் நீளத்துக்கு புளுகினா. வந்தனா தனியாதான் இருப்பா" சக்தி, "சரி, முதல்ல நான் ஜாஷ்கிட்டயும் சஞ்சனாகிட்டயும் கேட்டுட்டு அப்பறம் அவளுக்கு ஃபோன் பண்ணறேன்" மாலை நான்கு மணி ... வந்தனாவுக்கு எதிலும் ஆர்வம் இல்லை. தன் கைபெசியை சில நிமிடங்களுக்கு ஒரு முறை அருகே இருக்கிறதா என்று பார்த்துக் கொண்டாள். நாலரை மணிக்கு தீபாவிடம், "என்ன தீபா கிளம்பலையா?" தீபா, "இல்லை வந்தனா, ஒரு ஆர்வத்தில் நித்தினை கேட்டுட்டேன். கூடவே சக்தியையும் கூட்டிட்டு வான்னு சொல்லி இருக்கணும். உன்னை தனியா விட்டுட்டு நான் போகலை" வந்தனா, "ஏய், நான் இப்ப ஹோட்டலுக்கு போய் என் கிட்ட லண்டன் ஏர்போர்ட்டில் வாங்கின புக் இன்னும் திறக்காம இருக்கு. எடுத்து படிக்க ஆரமிச்சேன்னா நேரம் போறதே தெரியாது. நீ போய்ட்டு வா. கம் ஆன்! கிளம்பு!!" தீபா, "உனக்கு ஓ.கேவா?" வந்தனா, "நோ பராப்ளம் .. யூ கேரி ஆன்" ஐந்து மணிக்கு அலுவலகத்தில் இருந்து புறப்பட்டு ஹோட்டல் அறையை அடைந்தாள். தன் மீது சக்திக்கு ஆர்வம் இல்லை என்று அவள் மனம் ஏற்க மறுத்தது. வெகு நாட்களுக்கு பிறகு அவள் கண்கள் கலங்கின. விட்டத்தைப் பார்த்தபடி படுத்து இருந்தாள். அறையில் இருந்த தொலைபெசி ஒலித்தது .. சக்தி, "ஹாய் வந்தனா. எப்படி இருக்கே?" வந்தனா, "ஹாய் ஷக்தி. ஐ ஆம் ஃபைன். நீ?" சக்தி, "ஐ அம் டூயிங்க் குட். எப்படி போகுது உன் ட்ரெயினிங்க்?" வந்தனா, "ம்ம்ம் .. கோயிங்க் ஆன் .. " சக்தி, "என்ன ஃப்ரெண்டுகூட இன்னைக்கு வெளிய போறியா?" வந்தனா, "ம்ம்ம் .. ஆமா .. எதுக்கு கேக்கறே?" சக்தி, "ஓ, இன்னைக்கு நானும் நித்தினும் என் ஃப்ரெண்ட் வீட்டுக்கு டின்னருக்கு போறதா ப்ளான். அவன் தீபாகூட டின்னர் போறேன்னுட்டு போயிட்டான். நீ தனியா இருப்பியே கூட்டிட்டு போலாமேன்னு நினைச்சேன். என் ஃப்ரெண்ட்கிட்டயும் அவன் மனைவிகிட்டயும் பேசின பிறகு உன்னை கூப்பிட்டேன். பரவால்ல. இன்னொரு நாள் பார்க்கலாம், ஓ.கே தென்" வந்தனா, "ஷக்தி ... வெய்ட் .. " அவள் அவனை அழைத்தது அலறியது போல இருந்தது சக்தி, "என்ன?" வந்தனா, "வந்து நான் என் ஃப்ரெண்ட்கூட வேற ஒரு நாள் போயிக்கறேன். உன் ஃப்ரெண்ட் வீட்டுக்கே போலாம்" சக்தி, " .... " வந்தனா, "என்ன ஷக்தி?" சக்தி, "உன் வேலையை பத்தி கேட்டேன். எதோ சொல்லி மழுப்பினே. நான் மேற்கொண்டு எதுவும் கேட்கலை. பட், இந்த சின்ன விஷயத்தில் கூட ஏன் வெளிப்படையா பேச மாட்டேங்கறேன்னு யோசிக்கறேன்" வந்தனா (கோபம் ஆதங்கம் எல்லாமும் கலந்து தொண்டை கறகறக்க), "சாரி .. " சக்தி, " ... " வந்தனா, "உன் காலுக்காக ரொம்ப் நேரமா வெயிட் பண்ணிட்டு இருந்தேன். அஞ்சு மணி வரைக்கும் நீ கூப்பிடலைன்னு எனக்கு கோபமா வந்தது. நான் ஆஃபீஸ்ல இருந்து இப்ப ஹோட்டலுக்கும் வந்து சேர்ந்தாச்சு." சக்தி, "தெரியும் .." வந்தனா, "எப்படி?" சக்தி, "இப்ப நான் கீழ ரிஸப்ஷனில் இருந்துதானே பேசிட்டு இருக்கேன். ஒருத்தர் வீட்டுக்கு டின்னருக்கு போகும்போது எப்படியும் நீ ஃப்ரெஷன் அப் பண்ணிட்டு ட்ரெஸ் சேஞ்ச் பண்ணிட்டு போகணும்ன்னு விருப்பப் படுவேன்னு நினைச்சேன். அதான் நேரா இங்கே வந்துட்டேன்" வந்தனா, "சாரி, .. " சக்தி, "அப்ப தீபா நித்தின் கிட்ட நீ ஃப்ரெண்டுகூட வெளிய போறதா சொன்னது பொய்தானே?" வந்தனா, "ஆமா .. நித்தின் கூட வெளிய போறதுக்காக அவ அப்படி பொய் சொன்னா" சக்தி, "ஏன் சினேகிதிகள் ரெண்டு பேரும் மாத்தி மாத்தி பொய் சொல்லறீங்களோ" வந்தனா, "ஓ ப்ளீஸ் ஷக்தி, தனியா உக்காந்து இருந்த வெறுப்பில் நீ அப்படி கேட்டதும் நான் கோபத்தில் சொன்னேன். ஐ அம் சாரி." சக்தி, "சரி .. ரெடியாகி கீழ வா" வந்தனா, "முதல்லயே மொபைலில் கூப்பிட்டு சொல்லி இருந்தா நான் ரெடியா இருந்து இருப்பேன். இப்ப நீ வெயிட் பண்ணனும். கிவ் மீ ஃபிஃப்டீன் மினிட்ஸ்" சக்தி, "பரவால்லை. நான் என் ஃப்ரெண்ட் வீட்டுக்கு எட்டு மணிக்குதான் வர்றதா சொல்லி இருக்கேன்" வந்தனா மனதுக்குள், 'மடையா நான் சொன்னது அதுக்கு இல்லை. நீ இப்ப வெயிட் பண்ணும் நேரமும் நான் உன்னோட இருந்து இருக்கலாம்ன்னு சொன்னேன்' ________________________________________ 

பதினைந்து நிமிடங்களுக்கு பிறகு அழகான சுடிதாரில் வந்தனா வந்தாள். சக்தி, "வாவ், யூ லுக் கார்ஜஸ் (Wow, you look gorgeous)" தன்னை அலங்கரித்துக் கொண்ட விதம் அவளுக்கே ஆச்சர்யமாக இருந்தது. சக்தியின் கண்கள் அவளை மொய்ப்பதை கண்டு முகம் சிவந்தாள். வந்தனா, "போலாமா ..?" சக்தி, "பக்கத்தில் இருக்கும் ஷாப்பிங்க் செண்டருக்கு போயிட்டு போலாமா. எனக்கு அங்கே சில ஐடம்ஸ் வாங்கணும்" வந்தனா, "ஓ எஸ்" என்று அவள் தலையாட்டிய போது அலை அலையாக விரித்து விட்டு இருந்த அவள் கூந்தலும் காதுகளின் அணிந்து இருந்த ஜிமிக்கியும் சேர்ந்து ஆடியதில் சில கணங்கள் லயித்தான். இருவரும் அருகில் இருந்த ஷாப்பிங்க் செண்டருக்கு சென்றனர். சென்ற முறை அவர்கள் நயாகரா சென்று இருந்த போது தன் கூலிங்க் க்ளாஸ் உடைந்து போனதை சஞ்சனா கூறியதை நினைவு கூர்ந்து ஒரு கூலிங்க் க்ளாஸ் வாங்கினான். பிறகு அருகே இருந்த ஒயின் கடையில் ஒரு ரெட் ஒயின் பாட்டில் வாங்கினான். காரில் செல்லும் போது வந்தனா யார் அந்த நண்பன் என்று கேட்பதற்கு முன்பு ஜாஷ்வா-சஞ்சனாவிடம் சொல்லி இருந்தபடி சஞ்சனாவை தற்செயலாக சந்தித்ததாகவும் அவள் மூலம் ஜாஷ்வாவை சந்தித்ததாகவும் சரளமாகப் பொய் சொன்னான். ஆனால், தீவிரவாதிகளை அவள் வெறுப்பதை உணர்ந்து முன் கூட்டியே அவளை தயார் படுத்தும் விதத்தில் சஞ்சனாவின் வரலாற்றை சொன்னான். அவன் சொல்லி முடித்ததும் வந்தனாவுக்கு உடனே சஞ்சனாவை பார்க்க வேண்டும் என்று மனத்தில் ஒரு ஆவல். ஜாஷ்வாவின் வீட்டை அடைந்தனர்.

சஞ்சனா (தமிழில்), "வா அண்ணா, வா வந்தனா" தொடர்ந்து குழப்பத்துடன் சக்தியை பார்த்த வந்தனாவிடம், "உனக்கு தமிழ் தெரியாதா?" என்று ஆங்கிலத்தில் கேட்டாள் இல்லை என்று தலையாட்டியபடி வந்தனா, "சுத்தமா தெரியாது" சஞ்சனா, "அண்ணான்னா தமிழில் மூத்த சகோதரன்" என்ற பிறகு சக்தியை பார்த்து "அப்ப இவ என் வீட்டுக்காரரைவிட மோசம்" சக்தி, "எங்கே என் மச்சான்?" சஞ்சனா, "அய்யோ! நீ மச்சான்னு அவர்கிட்ட சொல்லி வைக்காதே. நேத்து தான் மாமன் மச்சான் உறவை பத்தி பேசிட்டு இருக்கும் போது, தமிழில் உன்னை மச்சான்னு கூப்பிடுன்னு சொல்லி இருக்கேன். நீ இப்ப அவரை மச்சான்னு கூப்பிட்டா என் கிட்ட அது எப்படி தான் தானே உன்னை அப்படி கூப்பிடணும்ன்னு மறுபடி விளக்கம் கேக்க ஆரம்பிச்சுடுவாரு" சக்தி, "நான் அவனை மாமான்னும் கூப்பிடலாம் மச்சான்னும் கூப்பிடலாம்ன்னு சொல்லலையா?" சஞ்சனா, "ம்ம்ம் அவருக்கு புரியற மாதிரி கம்ப்யூடர் பாஷைல நீயே சொல்லு. நடுவில் தமிழில் பேசினதுக்கு சாரி வந்தனா, .. சக்தி, இன்னைக்கு நைட்டு வரைக்கும் இங்கிளீஷ் தான் ஓ,கே?" வந்தனா, "பரவால்லை .. நானும் புரிஞ்சுக்க முயற்சி பண்ணறேன்" என்றவளை சஞ்சனா சற்று வியப்புடன் பார்த்தாள் பேசிக்கொண்டு இருக்கையில் அமர உள்ளே இருந்து வந்த ஜாஷ்வாவை சஞ்சனா அறிமுகப் படுத்தி வைக்க வந்தனா வாயடைத்துப் போனாள். சக்தி ஜாஷ்வா ஒரு ஆஃப்ரிக்க-அமெரிக்கன் என்று சொல்ல மறந்து இருந்தான். ஜாஷ்வா, "ஹாய் வந்தனா, "எப்டி இருக்கே (தமிழில்)" என்றதும் மேலும் கண்கள் விரிய பார்த்த வந்தனாவிடம் சக்தி, "சாரி சொல்ல மறந்துட்டேன்" என்று முணு முணுத்தான் சஞ்சனா, "யோவ், அவளுக்கு தமிழ் தெரியாது!" ஜாஷ்வா, "ஓ சாரி வந்தனா, சக்தி நீ சொல்லவே இல்லையே" சக்தி, "நான் நிறைய விஷயம் சொல்லலை. நீயா எதுக்கு அஸ்ஸ்யூம் பண்ணிக்கறே" ஜாஷ்வா, "இல்லை நீ இவளை டின்னருக்கு அழைச்சுட்டு வரேன்னு சொன்னப்ப உனக்கு அவ ரொம்ப க்ளோஸ்ன்னு நினைச்சேன். அட் லீஸ்ட் உன் குரலில் இருந்து எனக்கு அப்படி தோணுச்சு. சோ, அவளும் தமிழ் நாட்டில் இருந்து வந்து இருக்கான்னு அனுமானம் பண்ணிட்டேன்" சஞ்சனா, "ஹெல்லோ சார், தமிழ் தெரிஞ்சாதான் க்ளோஸா? இப்ப நீயும் நானும் க்ளோஸ் இல்லையா?" சக்தி உட்கார்ந்த இடத்தில் நெளிவதை ரசித்த சஞ்சனா வந்தனாவின் முகம் மேலும் சிவப்பதை ஓரக்கண்ணால் பார்த்தபடி அவனிடம், "நான் சொல்றது சரி தானே?" இந்திய ஜோடி பேசாமல் சிரித்து மழுப்பியது. கல கலப்பான பேச்சுடன் டின்னர் முடிந்தது. சஞ்சனா செய்து இருந்த ஐஸ் கிரீம் வகை ஒன்றை சாப்பிட்டபடி அமர்ந்து இருந்த போது சஞ்சனா, "சோ என் மச்சான் உன் ஃப்ரெண்ட்கூட டின்னர் போயிருக்கானா?" வந்தனா, "யாரு?" சஞ்சனா, "நித்தின், இவருக்கு உடன் பிறவா சகோதரன்" வந்தனா, "ஆமா .. என் ஃப்ரெண்டுதான் இன்னைக்கு உங்க ப்ரோக்ராம் சேஞ்ச் ஆனதுக்கு முக்கிய காரணம்" சஞ்சனா, "அண்ணா, இவங்க ரெண்டு பேரையும் இந்த வீக் எண்ட் கூட கூட்டிட்டு போலாமா?" சக்தி, "இந்த வீக் எண்ட் உன் ப்ரோக்ராம் என்ன வந்தனா?" வந்தனா மனதுக்குள் 'முழுக்க முழுக்க உன்னோட இருக்கணும்ன்னு ஆசைப் பட்டேன்' என்றபடி, "நத்திங்க் ஸ்பெஷல்" சக்தி, "எதுக்கும் நித்தின் தீபாவையும் கேட்டுக்கலாம்" என்றபடி கைபேசியில் நித்தினை அழைத்தான். டின்னர் முடித்தபின் மௌனமாக தங்களது நெருக்கத்தில் திளைத்தபடி நடந்து கொண்டு இருந்தவர்களை நித்தினின் கைபேசி தரை மட்டத்திற்கு கொண்டு வந்தது. நித்தின், "என்ன சக்தி? எங்கே இருந்து பேசறே?" சக்தி, "ஜாஷ் வீட்டில் இருந்து. உன் கிட்ட ஒண்ணு கேக்கணும்" நித்தின், "என்ன?" சக்தி, "இந்த வீக் எண்ட் லேக் ஜார்ஜ் ரிசார்ட்டுக்கு வந்தனாவையும் தீபாவையும் கூட்டிட்டு போலாமா?" நித்தின், "நானும் அதைதான் நினைச்சுட்டு இருந்தேன். வந்தனாவுக்கு ஓ.கேதானே?" சக்தி, "அவளுக்கு ஓ.கே" நித்தின், "அப்ப தீபாவுக்கும் ஓ.கேவாதான் இருக்கும்" என்றபடி அருகில் இருந்தவளிடன், "இந்த வீக் எண்ட் லேக் ஜார்ஜ் கிட்ட ஒரு ரிஸார்ட்டுக்கு போறதுக்கு உனக்கு ஓ.கேவா?" அவன் புஜங்களை பற்றி நடந்த வண்ணம் வேகமாக தலையசைத்த தீபாவை ரசித்தபடி, "இந்த பிசாசுக்கு ஓ.கே .. ஏய், வலிக்குது" என்று தீபா கிள்ளியதில் கத்தினான். சிரித்த படி இணைப்பை துண்டித்த சக்தி, "அவங்க ரெண்டு பேருக்கும் ஓ.கே. எக்ஸ்ட்ரா ஒரு ரூமுக்கு ஏற்பாடு பண்ணனும்" சஞ்சனா, "அதை நான் பாத்துக்கறேன். வந்தனா, வெள்ளிக் கிழமை நீயும் தீபாவும் கொஞ்சம் சீக்கரமா ஆஃபீஸ்ல இருந்து புறப்பட முடியுமா? ஒரு மூணு மணி வாக்கில்?" வந்தனா, "ம்ம்ம் .. முடியும்" சஞ்சனா, "அண்ணா, எல்லாம் ஒரே கார்ல போலாம்ன்னு இருந்தோம். இப்ப நித்தின் தன் டூ சீட்டர் ஸ்போர்ட்ஸ் காரில் ஹைவேல போகணும்ன்னு ஆசைப் பட்ட படி தீபாவை கூட்டிட்டு அவன் காரில் போகட்டும். நாம் நாலு பேரும் எங்க காரில் போலாம். நீ வந்தனாவை பிக் அப் பண்ணிட்டு இங்கே அஞ்சு மணிக்கு முன்னாடி வந்துடணும். நாம் நாலு பேரும் அஞ்சு மணிக்கு புறப்பட்டா எட்டு எட்டரைக்கு ரிஸார்ட்டில் இருப்போம். ஒன்பது மணிக்குள்ள அந்த வெல்கம் டின்னருக்கு போக முடியும்" சக்தி, "நீ என்னோட ப்ராஜெக்ட் மேனேஜரா வந்து இருக்கணும்" சஞ்சனா, "அண்ணா நீ ஒரேயடியா காலை வாராதே" ஜாஷ்வா, "நோ ஹனி! அவன் சொல்றது சரிதான்" வந்தனா, "ஏன்?" ஜாஷ்வா, "நிச்சயமா. ஜஸ்ட் சுற்று முற்றும் பாரு. என் வீட்டில் எலலாம் எவ்வளவு நீட்டா எடுத்து வைச்சு க்ளீனா இருக்கு? எல்லாம் அவளோட மேற்பார்வை, என்னோட கடுமையான உழைப்பு" சஞ்சனாவின் பொய்க் கோபத்தை பொருட் படுத்தாத சக்தி, "சொல்ல மறந்துட்டனே. வந்தனாவும் மேனேஜர் மெடீரியல்தான்" இப்போது வந்தனாவின் முகத்தில் அந்த பொய்க் கோபம் குடி கொண்டது. இரவில் ஹோட்டல் அறையில் பேசிக் கொண்டது தீபா, "ஹேய், எப்படி இருந்தது உன் ஈவினிங்க்." வந்தனா, "நல்லா இருந்துச்சு. I really enjoyed" தீபா, "சாரி, சக்திகூட உன்னால தனியா டைம் ஸ்பெண்ட் பண்ண முடியலை தானே? வந்தனா, "அப்படி இல்லை. போகும் போது வரும் போது எல்லாம் தனியாதானே இருந்தோம். பட், ஜாஷ்வா, சஞ்சனா கூட இருக்கும் போது என் குடும்பத்தோட இருக்கற மாதிரி ஒரு ஃபீலிங்க். கூட சக்தியும் இருந்தது எனக்கு ரொம்ப பிடிச்சு இருந்துச்சு" தீபா, "ஹெய், நித்தின் சஞ்சனாவைப் பத்தி சொன்னான். ரொம்ப பாவம் இல்லை?" வந்தனா, "ஆமா, இருந்தாலும் அவ்வளவு கஷ்டத்தில் இருந்து விடுபட்டு வாழணும் அப்படிங்கற வைராக்கியம் அவ முகத்தில் தெரியுது. அதே சமயத்தில் அவளை இந்த அளவுக்கு முன்னுக்கு கொண்டு வந்த ஜாஷ்வா மேல அவ வெச்சு இருக்கும் அன்பு, பாசம் அதே மாதிரி ஜாஷ்வாவுக்கு அவகிட்ட இருக்கும் அன்னியோன்னியம் ரொம்ப டச்சிங்க்கா இருக்கு. உண்மையை சொல்லட்டுமா? அவங்க ரெண்டு பேரும் எனக்கு ஒரு ரோல் மாடல் கப்பிள் ஆயிட்டாங்க. அவங்களை மாதிரி இருக்கணும்ன்னு இருக்கு" தீபா, "யார் கூட?" வந்தனா, "ம்ம்ம் தெரியாதாக்கும்" தீபா, "அப்பறம் ஏன் வாயை திறந்து சொல்ல மாட்டேங்கறே? இன்னும் சக்தி உனக்கு ஏத்தவனான்னு சந்தேகமா இருக்கா?" வந்தனா, "சே! அப்படி இல்லை. சக்திக்கு என்னை முழுசா பிடிச்சு இருக்கான்னு சந்தேகமா இருக்கு" தீபா, "ஏன்?" வந்தனா, "நாம் அன்னைக்கு டிஸ்கஸ் பண்ணினமே? அதேதான். இன்னைக்கு நேரடியாவே நான் என் வேலையை பத்தி மழுப்பறேன்னு சொல்லிட்டான்" தீபா, “என் ஆளு அப்பப்ப வாழைப் பழத்தில் ஊசி ஏத்தற மாதிரி எதாவுது கமெண்ட் அடிச்சுட்டுத்தான் இருக்கான். ஆனா இன்னைக்கு ஒரு பெரிய இம்ப்ரூவ்மென்ட்!” வந்தனா, “என்ன?” தீபா, “அவங்க அப்பாவைப் பத்தி, அம்மா ஆக்ஸிடெண்டில் இறந்து போனதைப் பத்தி எல்லாம் பேசிட்டு வந்தான். ஒரு விஷயம் தெரியுமா? எங்க அப்பாவுக்கு அவனோட அப்பாவை தெரியும்! ரெண்டு பேரும் லாயர்ஸ். அவனோட அப்பா இண்டர்நேஷனல் சிவில் லாயர் எங்க அப்பா க்ரிமினல் லாயர். இருந்தாலும் சில கேஸ்ல ஒருத்தருக்கு ஒருத்தர் ஹெல்ப் பண்ணி இருக்காங்க!” வந்தனா, “ஸோ, ஃபேமிலி அளவுக்கு நெருக்கம் வந்துடுச்சுன்னு சொல்லு” 

தீபா, “நெக்ஸ்ட் டைம் மீட் பண்ணும்போது நானே அவன் கிட்ட ப்ரோபோஸ் பண்ணலாம்னு இருக்கேன். எதாவுது முரண்டு பிடிச்சான்னா, நேரா எங்க அப்பாகிட்ட போய் அவனோட அப்பா கிட்ட பேச சொல்லிடுவேன் அப்படின்னு பயமுறுத்தப் போறேன்!” வந்தனா, “சரியான புல் டோஸர் நீ!”அடுத்த நாள் ஷானும் சான்ட்ராவும் அவர்கள் மங்க்ஸ் பாட் நெட்டை கண்காணிக்கும் செயல் முறைகளை விளக்கினார்கள், ஷான், “மாங்க்ஸ் பாட் நெட் பாதிக்கப் பட்ட ஒரு கணிணியில் இருந்த வைரஸ்ஸோட காப்பி ஒண்ணு எடுத்து ஸ்டோர் பண்ணி வெச்சு இருக்கேன். அதை ஒரு தனி நெட் கனெக்ஷன் இருக்கும் கணிணியில் புகுத்தி என்ன பண்ணுதுன்னு கண்காணிக்கறோம்” தீபா, “நாங்களும் அந்த காப்பியையே இன்னும் ஒரு காப்பி எடுத்துட்டு போய் எங்க ஆஃபீஸ்ல இருக்கும் கணிணியில் புகுத்தி கண் காணிக்கறோம்” சான்ட்ரா, “தப்பி தவறி கூட ஒரு நெட்வொர்க்கில் (LANஇல் இணைத்து) இருக்கும் கணிணியில் புகுத்தக் கூடாது. எப்படி பரவுதுன்னே தெரிய மாட்டேங்குது. ஒரு கணிணியில் புகுந்த ஒரு மணி நேரத்தில் அந்த LANஇல் இருக்கும் சர்வர்கள் உள்பட, எல்லா கணிணியிலும் புகுந்து இருக்கும்” ட்ரேஸ் அவுட் புலியான வந்தனா, “என்னென்ன ஆக்டிவிடீஸ்ஸை (செயல்களை) கண் காணிக்கறீங்க?” ஷான், “அந்த வைரஸ்ஸுக்கு இணையம் மூலம் ஆணைகளை வருவதை பாக்க முடியுது. ஆனா அந்த வைரஸ் விண்டோஸுக்கும் பிறப்பிக்கும் ஆணைகளை கண்காணிப்பது முடியாத ஒரு காரியம்.” வந்தனா, “சாண்ட் பாக்ஸ் உபயோகிச்சா?” சான்ட்ரா, “ம்ம்ஹூம் .. வைரஸ் பிறப்பிக்கும் ஆணைகளுக்கும் மத்த மென்பொருள்கள் பிறப்பிக்கும் ஆணைகளுக்கும் ஒரு வித்தியாசமும் இல்லை. பல சமயங்கள் மத்த மென் பொருள் கொடுப்பது போல் அந்த வைரஸ் ஆணை பிறப்பிக்குது” வந்தனா, “அந்த வைரஸ்ஸை மட்டும் ஐஸொலேட் பண்ணினா?” ஷான், “ஹார்ட் டிஸ்கில் இருக்கும் வைரஸ்ஸை நீ ஐஸொலேட் பண்ண முடியும். ஒன்ஸ் விண்டோஸ் இயங்க ஆரம்பிச்சுடுச்சுன்னா வைரஸ் இயங்கிட்டு இருக்குங்கறதுக்கு எந்த தடயமும் இல்லை” தீபா, “ஓ இட்ஸ் அ பாரஸைட் கோட்? (Oh, it is a parasite code? – மற்ற மென்பொருள்களுடன் தன்னை பொருத்திக் கொண்டு இயங்கும் மென்பொருள்)” சான்ட்ரா, “பாரஸைட் அண்ட் ம்யூடண்ட் கொட் (parasite and mutant code - மற்ற மென்பொருள்களுடன் தன்னை பொருத்திக் கொண்டு இயங்கும் அடிக்கடி உருமாறும் மென்பொருள்)” தீபா, “வாவ்! “ வந்தனா, “அப்ப எப்படித்தான் ட்ராக் பண்ணறது?” ஷான், “வைரஸ் எப்படி செய்யுதுன்னு பார்க்கறதை விட்டுட்டோம். அது விளைவிக்கும் செயல்கள், கணிணியில் ஏற்படுத்தும் மாற்றங்கள், மற்றும் வெளியுலகுடன் அதன் தகவல் பரிமாற்றம் இவைகளை மட்டும் கவனிச்சுட்டு வர்றோம்” தீபா, “என்ன மாதிரி தகவல் பரிமாற்றங்கள் ஏற்படுது?” சான்ட்ரா, “ஒண்ணு, அதுக்கு வரும் ஆணை, ரெண்டாவுது அது கொடுக்கும் பதில்கள், மூணாவது வைரஸ் புகுந்த மற்ற ஒரு கணிணிக்கு அது அனுப்பும் தகவல்கள்” வந்தனா, “அதுக்கு சர்வர்கிட்ட இருந்து வருவதைதானே ஆணைன்னு சொல்றீங்க?” ஷான், “அப்படித்தான் யூகிச்சு இருக்கோம். ஏன்னா, வைரஸ் புகுந்த மற்ற கணிணிகளிடம் இருந்துதான் அந்த வைரஸ்ஸுக்கு இது வரைக்கும் ஆணைகள் வந்து இருக்கு” தீபா, “ஓ, சர்வர் ஒரு கணிணிக்கு அனுப்பும் ஆணையை மத்த கணிணிகளுக்கு வைரஸ் அனுப்புதா?” சான்ட்ரா, “ஆமா .. “ வந்தனா, “அப்ப எதோ ஒண்ணு ரெண்டு கணிணிகளுக்குத்தான் சர்வர்கிட்டே இருந்து நேரடியா ஆணை வரும். இல்லையா?” ஷான், “ஆமா .. அதனால்தான் அதன் கன்ட்ரோல் சர்வரை கண்டு பிடிப்பது அசாத்தியம்ன்னு ஓவன் வாக்கர் சொன்னான்” தீபா, “அந்த ஆணைகளை ஆராய்ந்து பாத்தீங்களா?” சான்ட்ரா, “ம்ம்ம் .. ஒரு அளவுக்கு. எந்த மாதிரி ஆணை வந்தா அது ஈமெயில் அனுப்புதுன்னு தெரியுது. அதை தவிர அட்டெண்டன்ஸ் எடுக்கற மாதிரி சில சமயம் ஆணைகள் வருது. அதுக்கு அந்த வைரஸ்ஸும் ‘உள்ளேன் அய்யா’ அப்படின்னு சொல்ற மாதிரி பதில்களை அனுப்புது. இந்த ரெண்டு விதமான பரிமாற்றங்களை தவிர வேறு எந்த விதமான ஆணையோ பதிலோ நாங்க இது வரை பார்க்கலை” வந்தனா, “அப்ப அந்த ஆணைகளையும் பதில்களையும் டீகோட் பண்ணலையா?” ஷான், “நோ! இதுவரைக்கும் எங்களால டீகோட் பண்ண முடியலை .. அவங்க உபயோகிக்கும் அல்காரிதம் ரொம்ப காம்ப்ளிகேட்டட். நீ வேணும்ன்னா முயற்சி செஞ்சு பாரு.” அன்று அதற்கு பின் தீபாவும் வந்தனாவும் மாங்க்ஸ் பாட் நெட் வைரஸ்ஸுடன் விளையாடத் தொடங்கினர். தீபா, “இதுக்கு ஆணைகள் வந்துட்டே இருக்கு. அதுவும் வெளியே மெஸ்ஸேஜஸ் அனுப்பிட்டே இருக்கு பாரேன்” வந்தனா, “ஷான் சொன்ன மாதிரி சாண்ட் பாக்ஸில் அது என்ன பண்ணுதுன்னு ஒண்ணும் புரியலை. எல்லாம் விண்டோஸோட சர்வீஸ்ஸ் ரன்னாகிட்டு இருக்கற மாதிரி இருக்கு” தீபா, “கணிணிக்கு உள்ளே என்னவெல்லாம் பண்ணுதுன்னு நாம் டெல்லிக்கு போய் குடையலாம். இப்போதைக்கு இருக்கும் நேரத்தில் அதோட தகவல் பரிமாற்றத்தில் மட்டும் கான்ஸென்ட்ரேட் பண்ணலாம்” வந்தனா, “பண்ணலாம் ஆனா அதுக்கு வரும் தகவலோ அது அனுப்பும் தகவலோ ஒண்ணும் புரிய மாட்டேங்குதே” தீபா, “சும்மா ஒரு விளையாட்டு விளையாடலாம்” வந்தனா, “என்ன?” தீபா, “அதுக்கு வரும் தகவலை அதுகிட்ட போறதுக்கு முன்னாடி கொஞ்சம் மாத்தலாம்” வந்தனா, “எதை மாத்துவே?” தீபா, “அது என்னன்னே தெரியாது. சும்மா நாலஞ்சு எழுத்துக்களை மாத்தலாம். முதலில் இருக்கும் எழுத்துக்களை மாத்த வேண்டாம். அனேகமா முதலில் ஃப்ரம் அண்ட் டூ அட்ரெஸ் இருக்கும். கடைசியில் சில எழுத்துக்களை மாத்தலாம்” வந்தனா, “சரி, அதுக்கு வரும் மெஸ்ஸேஜை மட்டும் இல்லை. அது அனுப்பும் மெஸ்ஸேஜையும் மாத்தலாம். மாத்திட்டு என்ன பண்ணுதுன்னு பாக்கலாம். நீ அது அனுப்பும் மெஸ்ஸேஜஸ்ஸை மாத்து நான் அதுக்கு வரும் மெஸ்ஸேஜுகளை மாத்தறேன். அதுக்கு அப்பறம் கண்காணிக்கலாம்” அன்று முழுவதும் இப்படி அவர்கள் ஒன்று இரண்டு முறை செய்த பிறகு கண்காணித்தபடி இருந்தனர். அன்று மாலைவரை ஒரு மாற்றமும் இல்லை. அடுத்த நாள் (வெள்ளிக் கிழமை) காலை அவர்கள் அன்று மாலை செல்லும் பயணத்துக்கு தேவையானவற்றை பாக் செய்து, எடுத்து செல்வதற்கு தயாராக வைத்து விட்டு அலுவலகத்தை அடைந்தனர். தங்களது அறைக்கு வந்து அந்த கணிணியை கண்காணிக்க தொடங்கிய போது அவர்களுக்காக ஒரு ஆச்சர்யம் காத்து இருந்தது. அந்த கணிணியில் இருந்த வைரஸ் தன்னை தானே அழித்துக் கொண்டு இருந்தது! மறுபடி தீபா அந்த கணிணிக்குள் வைரஸ்ஸை புகுத்தினாள். அதுவும் தான் புதிதாக புகுத்தப் பட்டு இருப்பதை பிரகடனப்படுத்துயது. ஆனால் அதற்கு ஒரு மெஸ்ஸேஜும் வரவில்லை. அது எந்த மெஸ்ஸேஜையும் அனுப்பவும் இல்லை!! தோழிகள் இருவரும் அதை ஆராய்ந்தனர். பிறகு கரைபுரண்டோடும் உற்சாகத்துடன் தங்கள் புதுக் கண்டு பிடிப்பை பகிர்ந்து கொள்ள ஷானையும் சான்ட்ராவையும் அழைத்து நடந்ததை விவரித்தனர். ஷான், “இது ஒரு புது திருப்பம். இதில் இருந்து நமக்கு தெரிய வருவது என்ன?” சான்ட்ரா, “மாங்க்ஸ் பாட் நெட்டில் இருக்கும் ஒரு கணிணியில் இருந்து (அதாவது அதில் இருக்கும் வைரஸ்ஸில் இருந்து) போகும் மெஸ்ஸேஜை டேம்பர் (tamper – கொச்சையாக சொன்னால் நோண்டி பார்ப்பது) செய்தால் அதன் பிறகு அந்த கணிணியை மாங்க்ஸ் பாட் நெட்டே விலக்கி விடுகிறது” தீபா, “அது அதை உருவாக்கினவங்க எடுத்த முடிவு!” ஷான், “என்ன சொல்றே?” வந்தனா, “நாங்க இன்கமிங்க் மெஸ்ஸேஜையும் அவுட்கோயிங்க் மெஸ்ஸேஜையும் டாம்பர் பண்ணினதுக்கு அப்பறம், உன்னை அழிச்சுக்கோன்னு அதுக்கு ஒரு ஆணை வந்து இருக்கு. அந்த மாதிரி ஒரு ஆணைக்கு பதிலா கணிணியில் இருப்பதை அழின்னும் வரலாம் இல்லையா?” ஷான், “மை காட்! நிச்சயம் இவனுக அஹிம்சாவாதிகள் தான். இதுவே சில வக்கிர புத்தி இருக்கும் ஹாக்கர்ன்னா நீ ரெண்டாவதா சொன்னபடி தான் ஆணை கொடுத்து இருப்பாங்க” தீபா, “ஷான், ஆனா நாங்க சொல்ல வந்தது அது இல்லை” சான்ட்ரா, “பின்னே என்ன?” வந்தனா, “அந்த மாதிரி ஒரு ஆணை நிச்சயம் சர்வரில் இருந்துதான் வந்து இருக்கும். இதை வெச்சு சர்வரை ட்ரேஸ் பண்ண முடியும்” ஷான், “ஓ எஸ்! யூ கால்ஸ் ஆர் ப்ரில்லியண்ட்! (Oh Yes! You gals are brilliant!!)” தீபா, “Sorry to dampen your spirits Shawn. It is possible, but not easy” (உங்கள் உற்சாகத்துக்கு தடைபோடறதுக்கு மன்னிக்கணும். முடியும் ஆனா அவ்வளவு சுலபம் இல்லை)” சான்ட்ரா, “ஏன்?” வந்தனா, “நாங்க டாம்பர் பண்ணின கணிணிக்கு அன்னைக்கு நைட்டு வரைக்கும் பல மெஸ்ஸேஜஸ்கள் வந்துட்டு இருந்து இருக்கு. அதில் ஒரு மெஸ்ஸேஜ்தான் சர்வர்கிட்ட இருந்து நேரடியா வந்த ஆணை. அது எதுன்னு முதலில் கண்டு பிடிக்கணும்” தீபா, “அது மட்டும் இல்லை ஒரு மெஸ்ஸேஜை மட்டும் வெச்சு ட்ரேஸ் அவுட் பண்ண முடியாது. எத்தனை ப்ராக்ஸி சர்வருக்கு பின்னாடி அவங்க சர்வர் இருக்குன்னு தெரியாது. நமக்கு பல மெஸ்ஸேஜுகள் தேவைப் படும் (for triangulation we need many messages – ட்ரையாங்குலேஷன் எனப்படுவது மின் தகவல்கள் எங்கு இருந்து வருகின்றன என்பதை கண்டு பிடிக்க பயன் படுத்தப் படும் ஒரு செயல்பாட்டு முறை)” ஷான், “இருந்தாலும் ஒரு விதத்தில் நாம் சர்வரை நேரடியா மெஸ்ஸேஜ் அனுப்ப வைக்க முடியும் அப்படிங்கறதை கண்டு பிடிச்சு இருக்கீங்க. மேற்கொண்டு என்ன நடவடிக்கை எடுக்கலாம்ன்னு யோசிக்கலாம்” வந்தனா, “அதை திங்கள் கிழமை பார்க்கலாமா ஷான்? நாங்க இன்னைக்கு சீக்கரமா புறப்படணும்” ஷான், “அடுத்த வாரம் உங்களுக்கு ஒரு வேலையும் இருக்காதுன்னு நினைச்சுட்டு இருந்தோம். ஹாட்ஸ் அஃப் டு யூ போத்! சரி, திங்கள் கிழமை பார்க்கலாம்” சரியாக நாலு மணிக்கு நித்தினும் சக்தியும் அவர்களை அழைத்து செல்ல வந்தனர். நித்தின், தீபா ஜோடி லேக் ஜார்ஜை நோக்கி புறப்பட, சக்தி வந்தனாவை அழைத்துக் கொண்டு ஜாஷ்வாவின் வீட்டை நோக்கி புறப்பட்டான். சஞ்சனா சொன்னபடி ஐந்து மணிக்கு ஜாஷ்வாவின் காரில் லேக் ஜார்ஜ் நோக்கி பயணித்தனர். பயணம் முழுவதும் சஞ்சனா, வந்தனா மற்றும் சக்தி பேசிக் கொண்டு வந்தாலும் ஜாஷ்வா வழக்கத்துக்கு மாறாக மௌனம் காத்தான்.