http://www.kanavu-kathali.com/ கனவு காதலி : உள்ளத்தின் கதவுகள் - பகுதி - 3

பக்கங்கள்

சனி, 7 நவம்பர், 2020

உள்ளத்தின் கதவுகள் - பகுதி - 3

 "என்ன ஆண்ட்டி இது..? ரெண்டு பொண்ணுகளப் பெத்துருக்கீங்க.. அவங்க ரெண்டு பேரும் சேந்து.. நாலு பேரப் புள்ளைங்களப் பெத்துக் குடுத்திருக்காங்க.. ! நீங்க போயி.. அனாதை.. அது இதுன்னுட்டு..?”

” இல்லப்பா.. அவங்கள்ளாம் கல்யாணமாகி.. வாழ்க்கைல.. செட்டிலாகிட்டாங்க..! ஏதோ அம்மாங்கற முறைல என்னைப் பாக்க வருவாங்களே தவிற… என் பிரச்சினையை அவங்களால தீர்க்க முடியாது. ! அவங்கப்பா விசயத்துல… அவங்களால எதும் பண்ண முடியல.! தவிற.. அவங்கவங்க பிரச்சினையே அவங்களுக்குப் பெருசில்லையா..? இதுல.. அவங்கள குத்தம் சொல்ல என்ன இருக்கு..?”

பெருமூச்சு விட்டான் நந்தா.
”சரி விடுங்க ஆண்ட்டி. .! நான் இருக்கேன் உங்களுக்கு. .! எத நெனச்சும் பீல் பண்ணாதிங்க.. ! அங்கிள மாத்த வேண்டியது என் பொருப்பு..!”என்றான்.
”வேஸ்ட் நந்தா. .! அவரால.. அவ இல்லாம வாழ முடியாதுங்கற நெலமைலதான் இருக்கார் இப்ப. ! இதுபத்தி.. நீ ஏதாவது பேசி.. வீனா மனச கஷ்டப் படுத்திக்காத..”

அவளுடைய கணவனைப் பற்றி. . முன்பே அவனுக்கு ஓரளவு தெரியும் என்றாலும்.. இப்போது அவள் சொன்னதைக் கேட்க சங்கடமாகவே இருந்தது. ஒரு பெருமூச்செறிந்து விட்டு அவனைப் பார்த்துச் சொன்னாள்.



” ஸாரி நந்தா நீ வந்த மொத நாளே.. என்னோட கஷ்டங்கள உன்கிட்ட சொல்லி.. உன்ன சங்கடத்துக்கு ஆளாக்கிட்டேன்.”
” சே.. சே.. அதெல்லாம் இல்ல ஆண்ட்டி. .! நெஜமா.. நீங்க மனசுவிட்டு பேசறது.. எனக்கு சந்தோசமா இருக்கு..!” என்றான்.
” யாரை நம்பி நான் வாழ்க்கையை ஆரம்பிச்சேனோ.. அந்தாளே என்னைத் தூக்கி குப்பைல வீசிட்டான் நந்தா. அதான் என்னால ஜீரனிக்க முடியல..” எனக் குரலடைக்கச் சொன்னாள்.

அதன் பிறகும். . அவனோடு நீண்ட நேரம் பேசிக்கொண்டிருந்து விட்டுத்தான் கீழே போனாள் மிருதுளா.

காலை.! நந்தா கண்விழித்த போது.. மணி ஆறரை ஆகியிருந்தது. அவன் கீழே இறங்கிப் போனபோது.. மிருதுளா.. சமைத்துக் கொண்டிருந்தாள்.
”குட் மார்னிங் ஆண்ட்டி. .” என்றான்.
” குட்மார்னிங் ” சொல்லிச் சிரித்தாள்.
காபியை அடுப்பில் வைத்துச் சூடாக்கினாள்.
” இதான் நீ… வழக்கமா எந்திரிக்கற நேரமா..?” எனக் கேட்டாள்.
புன்னகைத்தான்.
” சில நேரங்கள்ள… எட்டு மணிகூட ஆகும் ”
” இன்னிக்கு மொத நாள் அதான் விட்டுட்டேன். ஆனா நாளலருந்து நீ சரியா ஆறுமணிக்கெல்லாம் எந்திரிச்சாகனும்..”
” ஓகே ஆண்ட்டி. .” என்றான். ”பட் ஆறுமணிக்கு எந்திரிச்சு என்ன பண்றது ..?”
”எவ்வளவோ பண்ணலாம்.! ஜாகிங் போகலாம். வீட்லயேகூட எக்சர்சைஸ் பண்ணலாம்.. அப்றம் யோகா கூடப் பண்ணலாம்..”
” கரெக்ட் ஆண்ட்டி. .! ஆனா இதெல்லாம் எனக்கு எதுமே பழக்கமேயில்லயே..”
” பழகிக்கோ.. ! ஆரோக்ய வாழ்க்கை வாழக்கத்துக்கோ..! ஒண்ணும் தப்பில்ல..!”
” ம்…சரி.” என்றுவிட்டு அவளைக் கேட்டான். ”உங்க ஆரோக்யத்துக்குக்கூட அதான் காரணமோ..?”

அவனைப் பார்த்துச் சிரித்தாள்.
” ஆமாப்பா..”
” இப்பயும் கன்டினியூ பண்றீங்களா..?”
” ரெகுலரா பண்றதில்ல..! நேரம் கெடைக்கறப்ப கண்டிப்பா பண்ணிருவேன்..! அதிகமா… யோகா பண்ணுவேன்..” எனப் புன்னகையுடன் சொல்லிவிட்டு. சூடாகிவிட்ட காபியை. .. டம்ளரில் ஊற்றி…அவனுக்கு ஆற்றிக் கொடுத்தாள்..!
” நாளைலருந்து உன்கிட்ட ஒரு டிசிப்ளினை எதிர்பாக்கறேன்..”

பரிதாபமாகச் சிரித்தான் நந்தா. காபிக்குப் பின் தன் அறைக்கு போய்.. காலைக்கடன்களை முடித்துவிட்டு. . குளித்துப் புத்துணர்ச்சியோடு கிளம்பிக் கீழே போனான் நந்தா.
காலைச் சிற்றுண்டி தயாராக இருந்தது.! தினசரியை எடுத்துக்கொண்டு. . அவன்.. உணவு மேஜைமுன்உட்கார்ந்தான்.

”சாப்பிடலாமா..?” எனக் கேட்டபடி அறைக்குள்ளிருந்து வெளியே வந்த மிருதுளா.. மிக நேர்த்தியாக ஆடை உடுத்தி.. அற்புதமாகத் தோன்றினாள்.
” ம்.. ம்..” தலையாட்டினான்.

அவள் அருகில் வந்தபோது… அவளிடமிருந்து பரவின நறுமணம் அவனை… உற்சாகமடையச் செய்தது. ஆண்ட்டி உணவைப் பறிமாற.. அவளையே வியப்புடன் பார்த்துக் கொண்டிருந்தான்.
‘ இந்த வயதிலும் எத்தனை அழகு..? ‘ என வியக்காமல் இருக்க முடியவில்லை அவனால். ‘இப்போதே இத்தனை அழகென்றால்… இளமையில் எப்படி ஜொலித்திருப்பாள்.?’

” ம்.. சாப்பிடு..” அவள் சொல்ல..
” அங்கிள் இல்லையா.. ஆண்ட்டி. .?” எனக் கேட்டான்.
” போயாச்சு..”
” எப்ப போனார்…?”
” நீ… குளிக்கப் போனப்பறம்..”
” டிபன் சாப்பிடலை..?”
” இல்லை. .”

அதற்கு மேல் அவரைப் பற்றிக் கேள்வி கேட்க அவன் விரும்பவில்லை. அது அவளது மனநிலையைக் கெடுத்துவிடக் கூடும்..! எக்காரணத்தாலும் அதைச் செய்து விடக்கூடாது என நினைத்தான் நந்தா. பறிமாறியபின்… மிருதுளாவும் அவன் அருகில் உட்கார்ந்து சாப்பிடத் தொடங்கினாள்.!!!

அன்று மாலை..! நந்தா வேலை முடிந்து… வீடு போனதும் அவனுக்குக் காபி கொடுத்து உபசரித்தாள் மிருதுளா !

”வேலை எப்படி இருந்துச்சு நந்தா. .?”
” பைன் ஆண்ட்டி. .! ரொம்ப புடிச்சிருக்கு..”
” பிராப்ளம் எதும் இல்லையே.?”
” நோ பிராப்ளம்.! புதுசா ஒரு எடத்துல வேலை செய்ற உணர்வே இல்ல ஆண்ட்டி. ரொம்ப நாள் பழகின மாதிரிதான் இருநதுச்சு..”
” நல்லது..! இன்னும் ஒரு வாரம் போனா எல்லாமே பழகிரும்..” என்றாள்.

அன்று இரவு.. பத்து மணியிகியும் அவளது கணவர் வரக்காணோம். டிவிபார்த்துக் கொண்டிருந்த நந்தா கேட்டான்.
” அங்கிள் இன்னும் வல்லையே ஆண்ட்டி. .?”
” வரமாட்டார்னு நெனைக்கறேன். ” என்றாள் மிருதுளா.
” வரமாட்டாரா..?”
” வாரத்துல ரெண்டு நாள் வந்தா.. அதுவே பெருசு..”
” ஓ..” ஒரு பெருமூச்சுடன் சொன்னாள்.
”இதெல்லாம் வெளில சொல்லக்கூடிய விசயமில்லை சிவா..! ஆனா நெருக்கமானவங்களுக்கெல்லாம் ஓரளவுக்கு தெரியும். .”
” ஓ..” என அவளையே பார்த்தான்.

கசப்பாகச் சிரித்தாள். பிறகு மௌனமாகி டிவியை வெறித்தாள்.
சிறிது இடைவெளி விட்டு..
” ஸாரி ஆண்ட்டி. .” என்றான்.



சிறுவயது முதலே… அவரது குணம் அவனுக்குத் தெரியும். மறுபடி ஒரு பெருமூச்சுடன் அவனைப் பார்த்தாள். வேதனை மிகுந்த குரலில் சொன்னாள்.

” இது.. இன்னிக்கு. . நேத்தைய கதை இல்ல. .”
” எத்தனை நாள் இப்படி ஆண்ட்டி. .?”
” நாளா… ஹூம்..” அதே வேதனையுடன் சிரித்தாள். ”வருசக்கணக்கா நடக்குது..”
” ரொம்ப. . வருத்தமா இருக்கு ஆண்ட்டி. .”
” உனக்கே இத்தனை வருத்தம் இருந்தா.. அவரோட பொண்டாட்டி நான். .! எனக்கு எத்தனை வருத்தம் இருந்திருக்கும்..? மொதல்ல எனக்கு தெரிய வந்தப்ப.. தாங்க முடியாம எப்படி துடிச்சேன் தெரியுமா..? அந்தாளுமேல அந்தளவுக்கு நம்பகமா இருந்தேன். ! தவிற.. என் உலகமே அவருதான்னு.. இருந்துட்டேன்..”
”அதுக்கு. . அவரு என்ன சொன்னாரு ஆண்ட்டி. .?”
” பெருசா.. என்னெல்லாமோ பேசினாரு..!” எனக் கசப்பாகவும்.. வேதனையாகவும் அவனைப் பார்த்துச் சொன்னாள். ” நா அழகா இருந்து என்ன பிரயோஜனம்..? அந்த அழகுதான் என்னை ஆணவக்காரியா மாத்திருச்சுன்னு சொன்னாரு..! அவர நான் புருசனாவே மதிக்கறதில்லேன்னாரு..! மொத்தத்துல… அவரோட..பார்வைல.. என்னை ஒரு மோசமானவளா.. சித்தரிச்சிட்டாரு..! எனக்கு பல ஆண்களோட தொடர்பு.. இருக்குன்னும் சொன்னாரு..!”
” சே..” என மனம் வருந்திச் சொன்னான் ”உங்களப் போயி… அப்படி. .?”
” எல்லாம். .என் தலையெழுத்து நந்தா. ! அவரு பக்கத்தை நியாயப்படுத்தறதுக்காக.. என்மேல அபாண்டமான பழி சுமத்திட்டாரு..! டைவோர்ஸ் பண்றதாக்கூட இருந்தேன். ஆனா என் பொண்ணுகதான்.. வயசான காலத்துல எதுக்கு வீண் பிரச்சினைனு சமாதானமா போக வெச்சிட்டாங்க..!
ஆனா.. சொத்து பூராவும். . அப்பவே பிரிச்சு எழுதியாச்சு..! இப்ப இந்த வீடும் எனக்கு சொந்தம்..! அதுக்கப்பறம்.. அவர ஒரு மனுசனா மதிக்கவே நான் விரும்பல..! ஒரு பார்மாலிட்டீஸ்க்காக அவரு கட்ன தாலி என் கழுத்துல கெடக்கே தவிற… அதுல நெஜம் இல்லை. ! மனசளவுல அவரை நான் என்னிக்கோ பிரிஞ்சிட்டேன்..”
” ரொம்ப கஷ்டமா இருக்கு ஆண்ட்டி. ..”
” நீயே சொல்லு…! எனக்கு இப்படி ஒரு புருஷன் தேவைதானா..?” எனக் கேட்ட அவளது கேள்விக்கு பதில் சொல்லத் திணறினான்.

மறுபடி மிருதுளா சொன்னாள்.
” முப்பது வருசமா.. அவரோட வாழ்ந்திருக்கேன் நந்தா. ! இப்படிப்பட்ட ஒரு மனுசனோட இத்தனை வருசமா குப்பை கொட்னத நெனச்சு. . நெனச்சே.. இப்பெல்லாம்.. வேதனைப் பட்டுட்டிருக்கேன்..”

நந்தா ஒன்றுமே பேசவில்லை. மென்மையாக அவள் கையை மட்டும் வருடிக் கொடுத்தான். சிறிது நேரம் மௌனமாக இருந்தவள் நெஞ்சகம் விம்மப் பெருமூச்செறிந்து விட்டுச் சொன்னாள்.
” அதுக்கப்பறம்… அவரோட துணை இல்லாமயேதான் வாழ்ந்திட்டிருக்கேன்.. நந்தா. ! இப்பவும் நான் வாழ்றது லோன்லியான ஒரு வாழ்க்கைதான்..! நான் எனக்காக மட்டுமேதான் வாழ்ந்துட்டிருக்கேன்..”

அதற்கும் அவன் பேசவில்லை.
மிருதுளா… ” இன்னும் கூட என் மனசு ஆறலை நந்தா. ஆனா ஒண்ணு மட்டும் நிச்சயம்… அந்தாளு செத்தாக்கூட என் கண்ணுலருந்து ஒரு சொட்டு கண்ணீர் வராது. .” என்றாள்.

அவளது மனக்காயம் அவனுக்கு நன்றாகவே புரிந்தது.
”ரிலாக்ஸ் பண்ணிக்கோங்க.. ஆண்ட்டி. .” என மெதுவாகச் சொன்னான்.

மறுநாள். .! காலை ஐந்தரை மணிக்கெல்லாம் அவனை எழுப்பிவிட்டு விட்டாள் மிருதுளா.
நந்தாவுக்கு ஐந்தரை மணிக்கு எழுந்து பழக்கமில்லை.. என்பதால் மிகவும் கஷ்டமாக இருந்தது.! ஆனாலும் வேறு வழியில்லை. வசமாக மாட்டிக்கொண்டாகி விட்டது. இவள் ஒரு ஆசிரியை என்பதால் மிகவும் கண்டிப்பாகத்தான் நடந்து கொள்வாள்.!
அவள் கொடுத்த காபியைக் குடித்துவிட்டு. . வாக்கிங் என்ற பெயரில் நடந்துவிட்டு வந்தான். பிறகு மாடியில் நின்று கொண்டு. .கை.. காலை அசைத்தான். அறைக்குள் நின்று.. தண்டால் எடுத்துப் பழகினான்.! அதன் பின்.. குளித்துவிட்டு சாப்பிடப் போனான். !

மிருதுளாவும் புறப்பட்டிருந்தாள்.
” தினமும் இது மாதிரி பண்ணனும். . அப்பதான் ஒடம்பு ஆரோக்யமாவும்.. அழகாகவும் இருக்கும்..” என்றாள்.
” இனிமே பாருங்க.. உங்கள அசத்திக்காட்றேன்..” என்றான் ஜம்பமாக.
” ம்.. ம்..! நல்லதுதான்..!” எனச் சிரித்தாள்.

ஒரு மெல்லிய பரவசத்துடன் அவளைப் பார்த்தான்.
” ஒண்ணு சொல்லவா ஆண்ட்டி. .?”
” ம்..ம்.. சொல்லு..”
” உங்களப் பாத்தா வயசான மாதிரியே தெரியல..! இன்னும் இளமையாத்தான் இருக்கீங்க.!”
”ம்கூம். .” பெருமிதமாகச் சிரித்தாள் ”தேங்க்ஸ்..”
” எங்கம்மாக்கும். . உங்களுக்கும் ஒரே வயசுதான ஆண்ட்டி. ?”
” ஆமாப்பா..”
” ஆனா எங்கம்மா வயசானவங்கன்றது.. நல்லாவே தெரியும். ! முடி நரைச்சிருச்சு… முகத்துல லேசா சுருக்கம் விழ ஆரம்பிச்சிருச்சு..”
”என்னைக் கூட நல்லாபாரு தெரியும்.! முடில நரை விழ ஆரம்பிச்சாச்சு.. முகத்துல சுருக்கம் இருக்கு..! என்ன நான் பியூட்டி பார்லர் போறதால.. அது அவ்வளவா தெரியறதில்ல..”

சிறு வயது முதலே.. அவள் ஒரு அழகி என்ற எண்ணம் அவன் மனதில் உண்டு..! அந்த பிம்பம் இன்னும் கூட அவன் மனதுக்குள் அப்படியே இருந்தது. இப்போதும். . அவள் முகத்தைப் பார்ப்பதே அவனுக்குப் பிடித்தமான ஒரு விசயமாக இருந்தது. அவளது தோற்றத்தில்.. ஆசிரியை என்கிற கம்பீரம் மிளிர்ந்தது.!

சமயத்திற்கு ஏற்றார் போல.. அவளது கண்களில் கண்டிப்பும்.. கருணையும் மாறி மாறி வரும். அது இரண்டுமே அழகானவைதான். சில சமயம் அவள் கண்களைப் பார்க்கும் போது..
‘ என்னையே பார்த்துக்கொண்டிரு ‘ என அவளது காந்த விழிகள் மெஸ்மரிசம் செய்வது போலிருக்கும். !

அவள் மனதில் எவ்வளவோ.. ஆழமான காயங்களும். . வேதனைகளும்.. இருந்தும் இவளால் எப்படி. . இயல்பாக நடந்து கொள்ள முடிகிறது? என்கிற வியப்பு அவனுள் எழுந்தது.
‘ இத்தனை துயரங்கள் இருந்தும்.. எப்படி இந்த முகம்.. இத்தனை அமைதியாக… இத்தனை தெளிவாக… அடக்கமாக… பார்ப்பவர் மனதில் ஒரு மதிப்பும்… மரியாதையும் உருவாகும் வண்ணம்… கம்பீரமாக இருக்கிறது…?’ என மனதில் எண்ணினான்.
அந்த சமயம். . அவள் மீது. . அவனுக்கு உண்டான அன்புக்கும்… பிரியத்துக்கும் அளவே இல்லை. .!

” ஸோ.. நீ.. சாப்பிடறதா இல்ல.?”
அவளையே ஆர்வமாகப் பார்த்துக் கொண்டிருந்தவனைப் பார்த்துக் கேட்டாள் சுய உணர்வு பெற்றவனாகப் புன்னகைத்தான்.
” ஓ..! ஸாரி ஆண்ட்டி. .”
” என்ன யோசனை அப்படி.. ம்..?” புருவத்தை உயர்த்திக் கேட்டாள்.
” உங்களப் பத்திதான்..”
” என்னைப் பத்தி.. அப்படி என்ன. .. ரொம்ப தீவிரமா..?”
” உங்கள பாக்கற யாரும் உங்க வயச கணிக்க முடியாது. .”
” சரிதான்..” சிரித்தாள் ”இவ்ள நேரம் இதவா யோசிச்சிட்டிருந்த..?”
” ஐயோ. . வெளையாட்டில்ல..! நெஜமாதான் ஆண்ட்டி…!” தலையாட்டிச் சொன்னாள்.
”உடற்பயிற்சி… யோகா எல்லாம் தினமும் பண்ணா… ஒடம்பு ஆரோக்யமா இருக்கும்.. வயசையும். . அனுமானிக்க முடியாது. .! சரி… சாப்பிடு. .”
” ம்..ம்..! உங்ககிட்டேர்ந்து நெறையக் கத்துக்கனும். .” என்றுவிட்டு சாப்பிடத் தொடங்கினான்.



இரண்டு வாய் சாப்பிட்டிருப்பான். மிருதுளா மெல்லிய குரலில் கேட்டாள்.
” நெஜமா.. நான் இன்னும்.. இளமையா… அழகா இருக்கறனா… நந்தா. .?”

லேசான வியப்புடன் அவள் முகம் பார்த்தான். உதடுகள் விரியச் சிரித்தான்.
” அழகா மட்டுமில்ல… சூப்பர் பிகராவும் இருக்கீங்க..! இப்பக்கூட தெருவுல நீங்க நடந்து போனா… பலபேர் உங்கள சைட் அடிப்பாங்க..”
”நாட்டி… பாய்..” எனச் சிரித்தாள்.
அவளது முகத்தை ஆவல் பொங்கப் பார்த்தான்.
”என்ன. .?” மெலிதான புன்முறுவலுடன் கேட்டாள்.
கண்களைச் சிமிட்டிச் சொன்னான்.
” ஐ லவ் யூ.. ஆண்ட்டி. .”

நந்தா அப்போது சிறுவனாக இருந்தான். அப்போதைய அவனது வயதுகூட.. இப்போது சரியாக நினைவில் இல்லை. அனேகமாக.. எட்டோ.. அல்லது ஒண்பதாகவோ இருக்க வேண்டும்.! அவனது தந்தை…அவனுடைய நாலாவது வயதிலேயே இறந்து விட்டதாக அவனுக்குச் சொல்லப் பட்டிருந்தது அப்போது ஒரு நாள். .! அம்மா உடல்நலம் சரியில்லாமல் இருந்ததாக நினைவு..!

இந்த ஆண்ட்டியின் கணவர்.. ராஜகிருஷ்ணன்.. அஙகு வந்திருந்தார். உடல்நலமில்லாத அம்மாவைப் பார்ப்பதற்காக…!? நிறையத் திண்பண்டங்கள்.. பழங்கள் எல்லாம் வாங்கி வந்திருந்தார். அவனுக்கும். . அவனது அண்ணனுக்கும் ரிமோட் கார்கள்கூட வாங்கி வந்திருந்தார். !

அன்று அவனது அம்மாவும். . அவர்களிடம் அளவுக்கதிகமான அன்பைக் காட்டியதாக.. அவனுக்கே தோன்றியிருந்தது.
அன்றைய இரவு..! விளையாடிக் களைத்து. . அவனும்… அண்ணனும் எப்போது தூங்கினார்கள் என்பது தெரியவில்லை. ஆனால்.. தூக்கத்தினிடையே ஒரு சமயம் விழித்துக் கொண்டபோது.. வலப்பக்க அறையிலிருந்து. . அவன் அம்மாவின் அழுகுரல் கேட்டுக்கொண்டிருந்தது.

முதலில் அது.. கனவில் கேட்பது போலிருந்தது. உற்றுக்கேட்ட பின்னர்தான் தெரிந்தது.. அது அழுகுரல் என்று..! அவர்கள் பக்கத்தில் அம்மாவைக்காணவில்லை. அண்ணன் வாயில் ஜல் ஒழுகத் தூங்கிக்கொண்டிருந்தான்..!

அழும் குரல் அம்மாவுடையது எனப் புரிந்து. . அவன் எழுந்து.. தடுமாறி.. வலப்பக்க அறைக்குப் போனபோதுதான் அந்தக்காட்சியைப் பார்த்தான். அவனுடைய அம்மா. .. அங்கிளின் மார்பில் சாய்ந்து விசும்பிக் கொண்டிருந்தாள். அவரும். . அம்மாவை அணைத்து உட்கார்ந்து. .. அவளுக்கு ஆறுதல் சொன்னவாறு… அவளது தோளை நீவிக்கொண்டிருந்தார்.

விபரம் அறியாமல்..அவன். . அறை வாயிலில் நின்று..
” அம்மா. .” எனக் கூப்பிட… அவர்கள் இருவரும். . பதறியடித்துத் திரும்பிப் பார்த்தனர்.

உடனே அவர்கள் விலகினர். அப்படி விலகிய போதுதான்.. அவன் இன்னொன்றையும் கவனிக்க நேர்நதது. ஜீரோ வாட்ஸ் பல்ப்பின் மங்கலான வெளிச்சத்தில்.. அவன் அம்மாவின்… ரவிக்கைக் கொக்கிகள்.. விடுபட்டிருந்தன..! ஆயினும். .. அப்போது.. அதன் முழு அர்த்தமும் புரியவில்லை அவனுக்கு. .!

உடனே எழுந்து வந்த அம்மா. . அவனை… பாத்ரூம் அழைத்துப் போய் வந்து. . பக்கத்தில் படுக்கவைத்து. .. அணைத்து. .. தடவிக் கொடுத்து. .. தூங்கவைத்துவிட்டதாக நாபகம்.!!

அதன்பிறகு… அந்த நினைவு அவ்வப்போது அவனுக்கு வந்து போகும். ..! ஆனால் அதன் அர்த்தம் முழுமையாகப் புரிந்ததென்னவோ… அவனுக்கு மீசை முளைத்த பின்னர்தான்..!!

ஜன்னல் ஓரமாக உட்கார்ந்திருந்த நந்தாவின் எண்ண ஓட்டங்கள். . பல வருடங்கள் பின்னோக்கிப் போயிருந்த. . அந்த இரவு வேளையில்தான். . சத்தமின்றி அறைக்குள் நுழைந்தாள் மிருதுளா ஆண்ட்டி. !

சிகரெட் புகை .. அவனது தலைக்குமேல் மண்டலமாகச் சுழன்று கொண்டிருந்தது. சிகரெட் புகை ஒத்துக்கொள்ளாததால்…
” கெக்… கெக்..” கென இருமினாள்.

அவளது இருமலைக்கேட்டு.. சட்டெனத் திரும்பினான். உடனடியாக சிகரெட்டைத் தூக்கி ஜன்னல் வழியாக வீசினான்.
” ஸாரி ஆண்ட்டி. .” தடுமாற்றத்துடன் எழுந்து. . மின்விசிறி சுழற்சியை அதிகப்படுத்தினான்.
” எ..என்..ன .. பழக்கம் இது..?” இருமலுக்கிடையே கேட்டாள்.
”ஸ.. ஸாரி. ..”

நறுக்கென அவன் தலையில் கொட்டினாள். அவன் பற்கள் அத்தனையும் தெரியச் சிரிக்க. . அவனது காதைப் பிடித்துத் திருகினாள்.

” வெரி… வெரி.. ஸாரி ஆண்ட்டி. .”
” நோ..! இதுக்கெல்லாம் மன்னிப்பே கெடையாது..” காதை பலமாகத் திருகினாள்.

காது வலித்தது. மறுபடி தலையில் கொட்டி… திட்டினாள். ஒரு பள்ளி மாணவனைப் போலவே.. அவனையும் நடத்தினாள. அது அவனுக்கு சிரிப்பாக இருந்தது.

” எப்பருந்து. . இந்தப் பழக்கம்.?” கண்டிப்பான குரலில் கேட்டாள்.

பள்ளிப்படிப்பு முடியும் முன்னமேயே.. அவனுக்குப் பழக்கமாகிவிட்டது. ஆனாலும்...
” இ… இப்பதான்.. கொ.. கொஞ்ச நாளா…! அதுகூட ரெகுலரா இல்ல. . என்னிக்காவது ஒரு நாள். ..ஸாரி ஆண்ட்டி! இனிமே இத தொடக்கூட மாட்டேன்..” என்றான்.
அவள் மறுபடி… அவள் அவன் காதைப் பிடிக்க..
”ஸாரி. .. ஸாரி. . நெனைக்கக் கூட மாட்டேன்.” என்றான்.
” ம்கூம். .! நான் நெனச்சதவிட.. நீ மோசமான பையனா இருக்கியே..”
”அப்படி இல்ல ஆண்ட்டி. .! நா இப்பவும் நல்ல பையன்தான். . இது…”
” ஸ்டாப் இட்..! எதுவும் பேசாத.. நா கோபமா இருக்கேன்..” என்றாள். முகத்தைக் கடுமையாக வைத்துக் கொண்டு.

மறுபடி ”ஸாரி ஆண்ட்டி. .”என்றான்.

சிறிது நேரம் அவனை முறைத்தாள். பிறகு..
” சரி.. உக்காரு..” என்றாள்.

கட்டிலில் உட்கார்ந்தான். அவன் முன்பாக வந்து நின்றாள்.
” காலைல நீ.. என்ன சொன்ன?” எனக் கேட்டாள்.

அவளது முகத்தை நிமிர்ந்து பார்த்தான். அதே கடுமை தெரிந்தது. என்ன சொன்னான் என்பது புரியாமல்..
”காலைலயா..?” என்றான்.
” டிபன் சாப்பிடறப்போ..?”
” வந்து.. ஸாரி ஆண்ட்டி. .! தெரியல.. என்ன சொன்னேன்?”
” என்னைப் பார்த்து.. ஐ லவ் யூ சொல்லல..?”
” ஆ..! ம்..! சொன்னேன்..!”
” என்ன அர்த்தத்துல சொன்ன அத..?”
” உங்க மேல இருக்கற.. பாசத்துல.. அன்புல.. மரியாதைல..”
” அது.. நெஜம்தான..?”
” என்ன ஆண்ட்டி நீங்க..? சத்தியம் ஆண்ட்டி. .! இப்பக்கூட சொல்றேன்.. ஐ லவ் யூ ஸோ மச்…”

மேலும் அவன் பேசும் முன்பாகச் சொன்னாள்.
”நம்பறேன்.! ஆனா நீ இன்னொரு முறை ஸ்மோக் பண்ணா.. இந்த ஆண்ட்டியோட அன்பை இழந்துட்டதா அர்த்தம்.. மைண்ட் இட்.."
"ஸாரி ஆண்ட்டி"
" இதான் லாஸ்ட் வார்ன்..”
” சத்தியமா இனிமே தொடமாட்டேன் ஆண்ட்டி. .! என் பத்தினித் தாய்மேல ஆணையா.. நான் ஒண்ணும் நீங்க நெனைக்கற மாதிரி. . செயின் ஸ்மோக்கர் கெடையாது..! ஏதோ ஒரு. . இது.. ஜஸ்ட்..டு..”
” சரி..” சன்னமாகச் சிரித்தாள். ”நான் வந்தது. .”
” ஆ..! சொல்லுங்க..”

அவனையே பார்த்தாள். சிரித்தான்.
” என்ன ஆண்ட்டி சொல்லுங்க..?”
”என் மூடு மாறிருச்சு..” எனப் பெருமூச்சு விட்டபோது.. அவள் மார்பகம் விம்மித் தணிந்தது.
” ஸாரி ஆண்ட்டி. .” என்றான். அதற்குக் காரணம் தான் என்பதால்.

ஜன்னல் ஓரமாக நகர்ந்து போய் வெளியே பார்த்தாள். அவனுக்குச் சங்கடமாகக்கூட இருந்தது. ஏதாவது பேசலாம் என எண்ணினான்.
” அங்கிள் வரமாட்டாரா ஆண்ட்டி. .?”

தலையை மட்டும் குறுக்காக ஆட்டினாள். சிறிது நேரம் வெறுமனே வெளியே பார்த்துக் கொண்டிருந்துவிட்டு. . அவனைப் பார்த்துத் திரும்பினாள்.

சிரித்தான்.

” நான் கெட்டவளா தெரியறனா..?” எனக்கேட்டாள்.
” சே…சே..! ரொம்ப நல்லவங்க ஆண்ட்டி நீங்க..” என பவ்வியமாகச் சொன்னான்.
” என் கண்ணு முன்னால ஒருத்தர் கஷ்டப்படறதப் பாத்தாலோ… கெட்டுப்போறதப் பாத்தாலோ.. என்னால சும்மாருக்க முடியாது. .”
” ஆண்ட்டி நீங்க ஒரு ஆசிரியர். அது உங்க கடமை..! தவிற.. உண்மையா இருக்கற குணம்.. உயர்ந்த பண்பு… இதெல்லாம்தான் உங்க மூச்சுனு எனக்குத் தெரியாதா.?”

உண்மையிலேயே.. அவன் சொன்னதைக் கேட்டுப் பூரித்துப் போனாள். அவளது மகிழ்ச்சி மனம் நிறைந்த சிரிப்பில் தெரிந்தது.

நந்தா மேலும் சொன்னான்.
”என்னோட சின்ன வயசுல இருந்தே.. உங்களப் பாக்கறப்ப.. எனக்குள்ள.. ஒரு பிரம்மிப்பு வரும் ஆண்ட்டி.! உங்க மேல அத்தனை மதிப்பும்.. மரியாதையும். . இருக்கு எனக்கு. .”
”ம்கூம். .?” புன்னகை.
” எனக்கு. . உங்ககிட்ட. . ரொம்பப் புடிச்சதே.. உங்களோட எளிமையான மனசும்.. அடுத்தவங்களுக்கு.. உதவற உங்க குணமும்தான் ஆண்ட்டி. ஒரு சிறந்த ஆசிரியைக்கு.. இருக்கற எல்லா குணமும் உங்ககிட்ட இருக்கு. நிச்சயமா அது போற்றப்பட வேண்டிய விசயம்தான் ஆண்ட்டி. உங்க நேர்மைக்காக உங்களுக்கு ஜனாதிபதி அவார்டே தரலாம்.! கிடைக்கும்! எனக்கு நம்பிக்கை இருக்கு.! ஒரு மிகச்சிறந்த நேர்மையான ஆசிரியைன்ற விருது உங்களுக்கு கிடைக்கத்தான் போகுது. வேணா பாருங்க. .!” என்றான்.

அப்படியே உருகிப் போனாள் மிருதுளா. அவன் சொன்ன புகழ் மொழிகளைக் கேட்டுப் புளகாங்கிதம் அடைந்தாள்.
ஆனாலும்..
”நீ பேசறது ரொம்ப ஓவர் நந்தா. .! நா ஒண்ணும் அந்தளவுக்கு. …”
” இது உங்க தன்னடக்கத்தைக் காட்டுது ஆண்ட்டி. இதான் உங்க குணம்.! உங்கள புரிஞ்சிக்க முடியாதவங்க.. அவங்க வாழ்க்கைல.. நெஜத்தை மிஸ் பண்றாங்கன்னு அர்த்தம். .! நா உங்கள மிஸ் பண்ண மாட்டேன்”
” போதும் நந்தா. ! எனக்கு தாங்கல..” என அருகில் வந்து. . கட்டிலில் அவனோடு இணைந்து உட்கார்ந்து அவனது கையைப் பற்றிக் கொண்டாள்.

அதில் அவளின் அன்பையும். . பாசத்தையும் நன்றாகவே உணர்ந்தான். உரிமையோடு அவளின் மென்மையான விரல்களைக் கோர்த்துப் பின்னிக்கொண்டான். அவன் தோளில்.. அவள் தோளைச் சாய்த்துக் கொண்டு. . உண்மையான அன்போடு மெல்லிய குரலில் சொன்னாள்.

” ஐ லவ் யூ.. நந்தா. ..!!”

விடுமுறை நாள்..! ஆனாலும் வழக்கம் போல எழுந்து. .. நடை பயிற்சி.. உடற்பயிற்சி.. எல்லாம் முடித்துக்கொண்டு. . சமையல் கட்டுக்குப்போய்… மிருதுளாவுக்கு உதவி செய்தான் நந்தா.

” என்ன புரோகிராம் நந்தா.. இன்னிக்கு. .?” என அவனிடம் கேட்டாள்.
” சொல்லிக்கற மாதிரி ஒன்னுல்ல ஆண்ட்டி. .” என மெல்லிய புன்னகையுடன் சொன்னான்.
” அப்ப. . வேற என்னதான் பண்ணப்போற…?"

யோசித்துப் பார்த்தான். உருப்படியாக ஒன்றும் தோண்றவில்லை.
” என்ன பண்றது..? புல் ரெஸ்ட்தான் ஆண்ட்டி. .” என்றான்.
” ஒரு நாள் முழுசுமா..?”
” ம்..ம்…! ”தோள்களைக் குலுக்கினான் ”ஒரு நாள் என்ன ஒரு நாள். . ? ஏன் நீங்க இல்லை. .?”
” ஸாரி நந்தா. .” என்றாள்.
” ஏன் ஆண்ட்டி. .?”
” எனக்கு.. இன்னிக்கு வேறொரு புரோகிராம் இருக்கு”
” இட்ஸ் ஆல் ரைட் ஆண்ட்டி. .! நா வீட்லதான இருக்கப் போறேன்..! நீங்க போய்ட்டு வாங்க..”
அருகில் வந்து.. அவன் கையை எடுத்து.. அவள் கைக்குள் வைத்துக்கொண்டாள்.
” ஒன்னு பண்ணேன்..”
” என்ன ஆண்ட்டி. .?”
” சினிமா போயேன்..! போரடிக்காம இருக்கும்..”
சிரித்தான்.
”தேங்கஸ் ஆண்ட்டி”
” போறதான..?”
” ம்..!” தலையாட்டினான்.
” உன்னை தனியா விட்டுட்டு போக மனசில்ல.. அதான். .! எப்படியும். . நான் வரதுக்கு… சாயந்திரம் ஆகிறும். .”
” பரவால்ல ஆண்ட்டி. .! நீங்க மெதுவாவே வாங்க…”
” எல்லாம் சமைச்சு வெச்சிட்டு போறேன்.! மறக்காம சாப்பிடனும் என்ன. .? நான் வந்து பாக்கறப்ப.. எதுவும் மிச்சம் இருக்கக்கூடாது..” என்றாள்.

ஆனால் அவள் எங்கே போகிறாள் என்று அவளும் சொல்லவில்லை. அவனும் கேட்கவில்லை. !

பத்து மணிக்குப் புறப்பட்டுப் போனாள் மிருதுளா. அதிக மேக்கப் இல்லாத.. அவளது எளிய தோற்றம்.. அவளது அழகின் கம்பீரத்தை வெளிக்காட்டியது.!
மதியக்காட்சி.. சினிமாவுக்குப் போனான் நந்தா. விடுமுறை நாள் என்பதால் நனாறாகவே கூட்டம் இருந்தது. கூட்டத்தோடு கூட்டமாகப் படம் பார்த்துவிட்டு.. அப்படியே ஷாப்பிங் பண்ணினான். அவனுக்கு ஜீன்ஸ் பேண்டும். . டீ சர்ட்டும் எடுத்தான்.! ஆண்ட்டிக்கும் நல்லதாக ஒரு புடவை வாங்கினான்.!!

அவன் வீடு போனபோது.. மிருதுளா வந்திருந்தாள். கதவைத் திறந்த மிருதுளா.. அவனைச் சிரித்த முகமாக வரவேற்றாள். அவன் கையிலிருந்த.. பேகைப் பார்த்துவிட்டுக் கேட்டாள்.
” என்ன இது..?”
” ஷாப்பிங் பண்ணேன் ஆண்ட்டி. .”
” அப்படியா…? குட்.” கண்ணாடியைக் கழற்றித் துடைத்துக் கொண்டாள். ”என்னெல்லாம் வாங்கினே..?”
” ட்ரஸ்ஸஸ் மட்டும்தான் ஆண்ட்டி. .”
” எடேன் பாப்போம்..”

வெளியே எடுத்துப் புடவையை அவளிடம் கொடுத்தான்.
”நல்லாருக்கா பாருங்க..”
” அட… புடவையா..?” என வியப்புடன் வாங்கினாள். விரித்துப் பார்த்து.. ”வாவ்.. வெரி நைஸ்..! யாருக்கு இது.. உன் அம்மாக்கா..?” எனக் கேட்டாள்.


புன்னகையுடன் சொன்னான்.
”உங்களுக்குத்தான் ஆண்ட்டி..”

குப்பென அவள் முகத்தில் ஒரு மகிழ்ச்சி பூத்தது. சந்தோசத்தில் பூரித்தாள். கண்களில் பரவசம் பொங்கியது.
”ஓ..! தேங்கஸ் நந்தா. .”
” புடவை புடிச்சிருக்கா ஆண்ட்டி. .?”
” இது மாதிரி. . புடவை ஒன்னு நானே எடுக்கனும்னு நெனச்சிட்டிருந்தேன்..! பட் நீ எடுத்துக் குடுத்ததுல ரொம்ப ரொம்ப சந்தோசம்..”

அவனது பேண்ட்.. சர்ட்டையும் எடுத்து. . அவன் நெஞ்சில் வைத்துப் பார்த்து..நன்றாக இருப்பதாகச் சொன்னாள்.
” சரி போய் முகம் கழுவிட்டு. . துணி மாத்திட்டு வா.. சூடா காபி குடிக்கலாம்..” எனச் சொன்னாள்.
” நீங்க எப்ப வந்தீங்க ஆண்ட்டி?”
” இப்பதான்.. கால்மணிநேரம் ஆகிருக்கும்..”

மாடியறைக்குப் போனான். அறைக்குள் நுழைந்து. . ஜன்னல் கதவைத்திறக்க… அப்போதுதான் அவளைப் பார்த்தான்.
எதிர் வீட்டு மாடி ஜன்னலில்.. அழகான ஒரு இளம்பெண் முகம்.. தெரிந்தது. !
பார்த்தவுடன் 'பச்சக்' என மனதில் ஒட்டிக்கொள்ளும் முகம்.! அவளது கருவண்டு விழிள் அவனைக் கண்டதும்… உடனே சினேகித்தது.!

”ஹலோ ” சொன்னான்.
அவளும் தயங்காமல்.. உடனே..
”ஹலோ. .” சொல்லிச் சிரித்தபோது இன்னும் அழகாகத் தோன்றினாள்.
”நான் நந்தா. .” என்றான்.
கண்களைச் சிமிட்டி..
”பூரணி.” என்றாள்.

குரல் இனிமையாகவே இருந்தது.
” ஸ்வீட் நேம்..! அதைவிட.. உங்க வாய்ஸ்…ஸ்வீட்டா இருக்கு..” எனக் கொஞ்சமாகக் கத்திச் சொன்னான்.
” ஆ..! எங்கூட பேச ஆசப்படறீங்கன்னு தெரியுது.. அதுக்காக இப்படி ஐஸ் வெக்கனுமா என்ன. ?” எனக்கேட்டுச் சிரித்தாள்.
”ஐயோ நெஜமாதாங்க தாரிணி. ப்ராமிஸ்..”
” பாத்திங்களா… அதுக்குள்ள ஆள மாத்திட்டிங்க .?”
”ஆள மாத்திட்டனா… ? என்ன சொல்றீங்க..?”
” என் பேரு என்ன. .? மறுபடி சொல்லுங்க பாப்பம்..?”
” தாரிணி. .தானே..?”


” பூரணி..! அன்னபூரணி..! தாரிணி இல்ல. .!”

” ஓ..! எக்ஸ்ட்ரீம்லி…”
”ஸாரியா..?”
” ம். ம்..! ஒரு சின்ன தவறு நடந்துருச்சு..! உங்க. . அழகும். .குரலும். . என் கவனத்த.. மிஸ் பண்ண வெச்சிருச்சு..! பூரணி. . சரிதானே..? அன்னபூரணி. .?”
” கரெக்ட்..” என்றாள். ”என்ன.. மிருதுளா ஆண்ட்டியோட கெஸ்ட்டா நீங்க. .?”
” ஆ.. ஆமா. .”
” படிக்கறீங்களா…?”
” வேலைல இருக்கேன்..”
” என்ன வேலை. .?”
” ஈ பீ ல..” என விபரம் சொன்னான். ”நீங்க. .?”
” வொர்க்கிங்..?”
” எங்க. .?”

ஒரு கம்பெனியின் பெயரைச் சொன்னாள். அதேநேரம் அவனைத்தேடி வந்த மிருதுளா.. அறைக்குள் நுழைந்தாள்.. !!








கருத்துகள் இல்லை:

கருத்துரையிடுக